Nahum 3:3 - Nau Brah Ndu Ngơi 2023

³ Phung ncho seh rduh ran panăp, Yat đao rmah ƀlĭp, tak rjăng lơp ƀlip. Âk râk bunuyh cha lôt khĭt, Bun mpưm mbŭch săk nuyh khĭt, Săk nuyh khĭt mâu dơi kơp ôh! Bu chêh prah ta klơ săk nuyh khĭt.

Nahum 3:3 Iomraidhean Croise

Nau Ntơm 3:24

Brah Ndu mprơh bunuyh du luh bơh n'gar trao. Ta ntŭk mpeh luh nar n'gar trao Êđen, Păng dơm phung chêrubim n'hanh ma đao nchrat ral ngăn, ndăch ăp mpeh, gay kâp njrăng trong hăn tât tơm si nau rêh.

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

Êsai 34:3

Đơ bunuyh khân păng khĭt bu mra mƀăr padih, Săk jăn khĭt n'hôl ƀâu ôm; Mham khân păng hoch bêng klơ yôk.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Êsêkiêl 39:4

May mra cha lôt khĭt ta klơ lĕ yôk Israel; may jêh ri lĕ rngôch tahan may, lĕ rngôch phung ƀon lan hăn tĭng may tâm ban lĕ. Gâp mra jao may ma ăp phung sĭm jêh ri ma mpô mpa bri ƀư ndơ sa.

Kan Lêvi 26:37

Nơm aơ chêh prah ta klơ nơm ri tâm ban ma nchuăt du bơh măt đao nđâp lah mâu geh nơm hăn tĭng khân may. Khân may mâu dơi tâm rđâng đah phung rlăng.

Nahum 2:4

Phung ndeh seh nchuăt prăl tâm ăp trong sâng, Nchuăt tĭng ta aơ ta ri tâm lĕ nkual ƀon, Uănh nâm bu sol ang ŭnh rdo, Jêh ri nchuăt ngăch nâm bu lơp nglaih!

Habakuk 3:11

Nar, khay gŭ gâng du ntŭk, Yor nau nchrat ang bơh chiông hăr May, Yor nau lơp bơh chiông tak May sol ang.