Nahum 3:19 - Nau Brah Ndu Ngơi 2023

¹⁹ Sôt rmanh may mâu geh ôh dak si ƀư bah, Sôt rmanh may dŭt glăm ngăn. Lĕ rngôch phung tăng nau nkoch ma may bu tap ti da dê, Yorlah mbu nơm dơi klaih tă bơh nau may chiă uănh ƀư djơh mro?

Nahum 3:19 Iomraidhean Croise

Ndrom Samƀŭt bơh Yôp 27:23

Sial tap ti gơm mưch ma păng, Lŭng nter gay mprơh du păng luh bơh ntŭk păng gŭ.”

Êsai 37:11

Aơ, gĭt lah may hŏ tăng jêh moh nau phung hađăch Asiri ƀư jêh ma lĕ rngôch bri dak, bu ƀư rai jêh lĕ khân păng. Bi may, may mra dơi klaih lĕ?

Êsai 37:18

Ơ Brah Yêhôva, n'hêl nanê̆ phung hađăch Asiri hŏ ƀư rai jêh lĕ bri dak jêh ri n'gor neh khân păng,

Yêrêmi 10:22

Aơ, geh nau lư mpăr tât, Du nau n'găr ktang bơh neh mpeh pa lơ, Ƀư ăn lĕ ƀon Yuđa luh jêng rngot njăp, Jêng trôm so bri.

Yêrêmi 30:12

Brah Yêhôva lah: ‘Nau rmanh may mâu dơi bah ôh, Sôt rmanh may glăm ngăn.

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Nau Nhĭm Vơl 2:15

Lĕ rngôch bunuyh rgăn rŏ trong Tap ti, nsŭch, rteh bôk, Ntêh rmot bu ur druh ƀon Yêrusalem: “Di lĕ aơ jêng ƀon toyh bu ntơ: ‘Nau ueh reh rah vah ngăn, Nau răm rhơn ma lĕ rngôch neh ntu’ lĕ?”

Êsêkiêl 25:6

Yorlah Brah Yêhôva lah: ‘Yorlah may hŏ tap ti, ntrâm jâng, nuih n'hâm bêng ma nau gơm mưch jêh ri răm maak tâm rdâng đah bri neh Israel,

Yônais 1:2

“Dâk hăn hom may, hăn tât ma Ninive ƀon toyh jêh ri rdâng đah păng yorlah nau mhĭk khân păng hao jêh tât ta măt Gâp.”

Mika 1:9

Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.

Nau Tâm Mpơl 13:7

Bu ăn păng dơi vay tâm lơh đah phung kloh ueh jêh ri ăn păng dơi đah phung nây. Bu ăn đŏng ma păng nau dơi chiă uănh phung ndŭl mpôl, phung mpôl băl bunuyh, lĕ nau ngơi, jêh ri lĕ bri dak.

Nau Tâm Mpơl 17:2

Phung hađăch ta klơ neh ntu ƀư tih nau văng tĭr ndrel păng, jêh ri phung ƀon lan gŭ ta klơ neh nhŭl ndrănh đŏng yorlah ndrănh nau văng tĭr păng.”

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”