Nahum 3:18 - Nau Brah Ndu Ngơi 2023

¹⁸ Hơi hađăch Asiri, Phung rmăk biăp may lĕ bê̆ch jêh! Phung kôranh may gŭ rlu da dê. Phung ƀon lan may nchah rai pru pra tâm lam yôk, Mâu geh ôh nơm sâm rgum tay khân păng.

Nahum 3:18 Iomraidhean Croise

I Phung Hađăch 22:17

Rnôk nây, Y-Mika lah: “Gâp saơ lĕ rngôch phung ƀon lan Israel chah rai pru pra ta klơ lĕ yôk, nâm bu phung biăp mâu geh bunuyh rmăk biăp ôh; jêh ri Brah Yêhôva lah: ‘Phung aơ mâu geh ôh kôranh, ăp nơm plơ̆ sĭt hom ma ngih khân păng tâm nau đăp mpăn.’”

Nau Ngluh Êjipt 15:16

Nau klach jêh ri nau krit tât ma khân păng; Ơ Brah Yêhôva! Yor ti nau brah May, Khân păng jêng mlo nâm bu lŭ, kŏ tât phung ƀon lan May rgăn jêh; Kŏ tât phung ƀon lan May sâm chuai rgăn lăn jêh.

Êsai 13:14

Rnôk nây, tâm ban ma du mlâm njoih bu tĭng nhŭp, Tâm ban ma phung biăp mâu geh nơm chiăp, Ăp nơm mra sĭt ma phung ƀon lan păng nơm, Jêh ri ăp nơm mra du sĭt ta bri păng nơm.

Êsai 47:1

Ơ bu ur druh ƀon Babilôn, Trŭnh jêh ri gŭ hom tâm ndruyh neh! Ơ kon bu ur phung Kaldê! Gŭ hom ta neh, mâu hôm gŭ ta sưng hađăch ôh! Yorlah bu mra mâu hôm rnha ma may Jêng rdơ̆ rbăn ueh lăng ôh.

Yêrêmi 50:18

Yor nây, Brah Yêhôva ma phung tahan, Brah Ndu Israel lah kơt aơ: “Aơ, Gâp mra tâm rmal hađăch Babilôn jêh ri bri dak păng nâm bu hŏ tâm rmal jêh ma hađăch bri Asiri.

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Nau Tâm Mpơl 6:15

Phung hađăch ta neh ntu, phung toyh, phung kôranh tahan, phung ndrŏng, phung dơi toyh, lĕ rngôch phung dĭk, phung kon me du krap tâm lĕ trôm jêh ri ta nklang lĕ lŭ toyh ta klơ yôk.