Nahum 3:15 - Nau Brah Ndu Ngơi 2023

¹⁵ Ta nây, ŭnh mra sa hŭt may, Đao mra ƀư rai may; Păng mra sa rvăn may nâm bu krah sa ndơ tuch tăm. Bĭk rơ̆ hom nâm bu krah grăch, Bĭk rơ̆ hom nâm bu krah nsăt!

Nahum 3:15 Iomraidhean Croise

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Êsai 66:16

Yorlah Brah Yêhôva mra dŏng ŭnh jêh ri đao Gay phat dôih lĕ rngôch nglay săk; Jêh ri phung Brah Yêhôva nkhĭt mra jêng âk.

Yêrêmi 51:14

Brah Yêhôva ma phung tahan ton săk êng ma Păng nơm: N'hêl nanê̆ Gâp mra ƀư ma phung tahan âk nâm bu krah ndrach tâm lơh đah may; Khân păng troh nter nau dơi tâm lơh.

Yôel 1:4

Moh ndơ ndrŭng hôm om krah sa tay; Moh ndơ krah hôm om pôri ndrŭng sa n'huk ntâu; Moh ndơ ndrŭng n'huk ntâu hôm om pôri krah nsăt sa.

Yôel 2:25

Gâp mra ntrok tay ăn ma khân may Ma lĕ yan geh grăch sa Tă bơh ma krah, ndrŭng n'huk ntâu, ndrŭng rchuăl jêh ri krah nsăt, Jêng phung tahan toyh Gâp hŏ njuăl tât ta nklang khân may.

Amôt 7:1

Aơ jêng nau Brah Yêhôva tâm mpơl jêh ma gâp: Aơ, Păng njêng krah nsăt tâm dôl gơ̆ ntơm hon nse tay, nây jêng gơ̆ chăt tay jêh hađăch ăn bu koh gơ̆.

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Nahum 3:13

Aơ, phung tahan may Jêng phung bu ur gŭ ta nklang may. Lĕ mpông ƀon bri dak may Mra pơk huy ma phung rlăng; Ŭnh sa rvăn jêh lĕ mâng rnăng mpông!

Sôphôni 2:13

Brah Yêhôva mra yơr ti rlet mpeh pa lơ, Păng mra ƀư rai bri Asiri, Jêh ri ƀư ma Ninive jêng du ntŭk rngol, Du ntŭk neh sơh nâm bu bri rdah.