Nahum 3:11 - Nau Brah Ndu Ngơi 2023

¹¹ Ay tâm ban lĕ, mra nhŭl ndrănh Jêh ri du krap; Tâm ban lĕ may nơm mra joi Ntŭk du krap bơh phung rlăng.

Nahum 3:11 Iomraidhean Croise

Nau Mprơ Ơm 75:8

Yorlah tâm ti Brah Yêhôva geh du mlâm kachok Bêng ma rlŭk ndrănh, mpŭnh mbuh, Păng kêt lơi kachok nây. Lĕ rngôch phung mhĭk gŭ ta neh ntu mra nhêt da dê, Mra nhêt suăt ndrănh nây kŏ tât djah.

Êsai 2:10

Lăp hom tâm trôm lŭ, Du krap tâm ndruyh neh Gay der nau klach krit bơh Brah Yêhôva, Jêh ri der luh bơh nau ral ang bơh nau chrêk rmah Păng.

Êsai 2:19

Bu mra lăp tâm trôm yôk lŭ Jêh ri tâm trôm ntu tâm dâng neh Gay der nau krit kir bơh Brah Yêhôva Jêh ri nau ral ang bơh nau rnam chrêk rmah Păng, Lah Păng dâk ƀư mpât n'gơ neh ntu.

Êsai 29:9

Ndrât hom jêh ri hih rhâl! Ƀư hom ma khân may nơm chieh măt jêh ri vĭr măt! Khân păng nhŭl, ƀiălah mâu di yor ndrănh ôh; Khân may ndĭt ndĭu ƀiălah mâu di yor ndrănh ktang ôh.

Êsai 49:26

Gâp mra ăn phung tŭn jot may sa nglay săk khân păng nơm, Nhŭl nhêt mham khân păng nơm tâm ban ma nhŭl ndrănh mhe. Lĕ rngôch bunuyh mra gĭt Gâp jêng Brah Yêhôva, Nơm Tâm Rklaih may, Jêng Nơm Tâm Chuai may, Nơm Geh Lĕ Nau Brah phung Yakôb!”

Êsai 63:6

Tâm nau ji nuih, Gâp jot plên phung ndŭl mpôl bunuyh; Gâp ăn khân păng nhŭl yorlah nau Gâp ji nuih, Jêh ri Gâp ƀư pling jêh mham khân păng ta neh.”

Yêrêmi 4:5

Mbơh hom tâm phung Yuđa jêh ri tâm ƀon Yêrusalem pô aơ: “Uh nŭng hom lam neh. Nter huy hom pô aơ: ‘Abaơ, he tâm rgum hom Jêh ri du lăp ma ƀon nâp!’

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Yêrêmi 8:14

Mâm ƀư he hôm gŭ mro? Tâm rƀŭn rgum, nchuăt ndrel lăp tâm ƀon nâp Jêh ri khĭt ta nây! Yorlah Yêhôva Brah Ndu he hŏ nal ăn he mra khĭt, Păng ăn he nhêt dak kăch khih, Yorlah he hŏ ƀư tih đah Brah Yêhôva.

Ndrom Samƀŭt bơh Ôsê 10:8

Lĕ ntŭk prêh klơ ta Aven, nây jêng nau tih Israel, Bu mra ƀư rai lơi. Tơm pôm jêh ri pih pŭm mra hon Ta klơ nơng ƀư brah khân păng. Rnôk nây, khân păng mra lah ma lĕ yôk pô aơ: Ăn nkŭm lơi hên! Jêh ri lah ma lĕ gôl pô aơ: Tŭp hom ta klơ hên!

Amôt 9:3

Nđâp tơlah khân păng du krap tâm n'gơn yôk Karmel Gâp ăt mra hăn joi gay nhŭp khân păng; Nđâp tơlah khân păng pôn tâm dâng dak mƀŭt Gâp mra đă bêh dak mƀŭt chôk khân păng ta nây.

Mika 7:17

Khân păng mra ler neh muy nâm bu bêh, Jêh ri râm sâr luh tă bơh trôm ntu păng Nâm bu mpa vơr ta klơ neh. Khân păng mra klach krit văch ma Yêhôva Brah Ndu he Jêh ri klach ngăn panăp măt Păng.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Nahum 2:1

Nơm ƀư rai văch jêh tâm rdâng đah may. Gay ma n'gang nâp pôih, Gak njrăng hom ta trong; Vân hom rse bŭt ăn ueh Jêh ri ndrăp nâp phung tahan!

Luka 23:30

Jêh nây khân păng lah ma yôk: ‘Tŭp hom ta klơ hên!’ jêh ri lah ma dor: ‘Nkŭm hom hên!’

I Samuel 13:6

Tơlah phung Israel saơ khân păng jêr ngăn jêh, yorlah khân păng tĭng nchueng dăch ngăn ma phung Israel, pôri phung ƀon lan du krap tâm lĕ trôm lŭ, rlô si, rkâp lŭ, môch blang jêh ri ntu brŏng.

I Samuel 14:11

Pôri, lĕ bar hê mpơl khân păng nơm tanăp pôih phung Philistin. Phung Philistin lah: “Ri, phung Hêbrơ du luh tă bơh trôm ntŭk khân păng tă krap.”