Nahum 3:10 - Nau Brah Ndu Ngơi 2023

¹⁰ Nđâp lah pônây, păng nơm lĕ hăn jêng bu nă jêh, Jêh ri bu krŭng tâm ndrung; Phung kon păng lĕ bu rchiăt hăch Ntŭk tơm trong sâng ƀon toyh. Phung ndrŏng bu djôt leo nau tâm nchroh, Phung kôranh toyh bu nkông da dê.

Nahum 3:10 Iomraidhean Croise

II Phung Hađăch 8:12

Y-Hasael ôp păng: “Moh nau dĭng kôranh gâp nhĭm?” Y-Êlisê plơ̆ lah: “Yorlah gâp gĭt may mra ƀư nau mhĭk ma phung ƀon lan Israel. May mra su ma ŭnh lĕ ƀon nâp ngăn khân păng, sŏk đao nkhĭt phung mom ndăm, jêh ri choh hăch phung kon se khân păng, jêh ri roch lơi proch bu ur dôl geh ntreo.”

Ndrom Samƀŭt bơh Yôp 6:27

Khân may tâm nchroh tâm pă phung kon đơi, Tăch nđâp ma mĭt jiăng khân may.

Nau Mprơ Ơm 137:8

Ơ kon bu ur Babilôn, nơm bu mra ƀư rai! Ueh maak yơh ma nơm mplơ̆ plơng may Tĭng nâm nau mhĭk may hŏ ƀư jêh ma he!

Nau Mprơ Ơm 137:9

Ueh maak yơh ma nơm nhŭp kon jê̆ may, Jêh ri mbang hăch khân păng ta lŭ!

Nau Mprơ Ơm 149:8

Gay chăp phung hađăch khân păng ma rse rvăk Jêh ri nkông phung ndrŏng khân păng ma loih.

Êsai 13:16

Bu nchah rai hăch rhên phung kon jê̆ khân păng Tanăp măt khân păng, Bu sŏk pit ngih vâl, Bu tom bê̆ch ndrel đah phung ur khân păng.

Êsai 13:6

Nhĭm nhhiăng hom, yorlah nar Brah Yêhôva dăch jêh! Nar nây mra tât tâm ban ma nau ƀư rai bơh Nơm Geh Lĕ Nau Brah.

Êsai 19:4

Gâp mra jao phung Êjipt Tâm ti du huê phung kôranh mhĭk, Du huê hađăch djơh mhĭk mra chiă uănh khân păng.” Kôranh Brah jêng Brah Yêhôva ma phung tahan lah kơt nây.

Êsai 20:4

tâm ban pônây lĕ, hađăch bri Asiri têk leo phung Êjipt jêh ri phung Kus ƀư bu nă bơh bri khân păng, phung druh ndăm jêh ri phung bu ranh, hăn săk hưl, jâng dơm, jêh ri mpơl n'gang bŭt, gay ƀư bêk ma bri Êjipt nâm bu pônây lĕ.

Nau Nhĭm Vơl 2:19

Dôl măng, dâk hom kuăl mbơh sơm Tâm ăp bôk măng! Nkhŭt hom nuih n'hâm nâm bu dak Tanăp Kôranh Brah. Yơr hom ti may rle mpeh Kôranh Brah Yor nau rêh jêng phung kon may, Khân păng huăr yor ji ngot, Gŭ lam ăp ntŭk njônh trong ƀon toyh.

Nau Nhĭm Vơl 4:1

Ơ yuh! Mah lĕ roh nau chrêk, Mah chrêk lĕ rgâl jêh! Lĕ glo lŭ kloh ueh gŭ ta aơ ta ri Tâm ăp ntŭk njônh trong sâng!

Êsêkiêl 29:7

Tơlah khân păng yơr ti kuăn may, may lĕ pă jêh ri ƀư hêk lĕ rngôch bar đah săng nglik khân păng. Tơlah khân păng nsing mbin ta may pôri may pă deh jêh ri ƀư rlâm gang bŭt khân păng.’

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Yôel 3:3

jêh ri tâm nchroh ma phung ƀon lan Gâp. Khân păng hŏ rgâl kon bu klâu ndăm ŭch sŏk bu ur văng tĭr, jêh ri tăch kon bu ur druh gay sŏk ndrănh nhêt.

Amôt 1:13

Brah Yêhôva lah: “Yor nau tih mhĭk phung kon Ammôn ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah khân păng lông jêh ndŭl phung bu ur dôl ntreo tâm n'gor Gilêat, Gay ƀư dĭ n'har bri khân păng.

Apdia 1:11

Ta nar may dâk uănh phung rlăng sŏk pit drăp ndơ păng Phung bu năch lăp tŭn jot tâm mpông ƀon păng Jêh ri ƀư nau tâm nchroh tâm pă ƀon Yêrusalem May jêng nâm bu du huê tâm phung khân păng.