Nahum 2:9 - Nau Brah Ndu Ngơi 2023

⁹ Pit in hom prăk, pit in mah Yorlah jay ndơ khlay mâu geh dŭt ôh, Lĕ ndơ khlay âk râk.

Nahum 2:9 Iomraidhean Croise

II Nau Rêh Jêng 36:10

Tâm bôk năm, hađăch Nêbukatnetsar đă bu hăn nhŭp Y-Jêhôjakin leo păng ma ƀon Babilôn, nđâp ma lĕ rngôch ndơ khlay bơh ngih Brah Yêhôva, jêh ri ndâk oh păng Y-Sêdêkia jêng hađăch chiă uănh n'gor Yuđa jêh ri ƀon Yêrusalem.

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 33:4

Drăp ndơ khân may bu mra rgum tâm ban ma krah ndrach; Bu rduh lăp ma păng khân may tâm ban ma phung krah nsăt rduh ran tât.

Yêrêmi 25:34

Hơi phung rmăk biăp, nhĭm vơl hom, ntơm ngơi vah vơl hom! Ơ phung kôranh phung biăp, rlă hom tâm ŭnh buh! Yorlah nar bu sreh nkhĭt khân may, nar bu ƀư nchah rai pru pra hŏ tât jêh, Khân may mra cha lôt nâm bu du mlâm yăng khlay.

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 51:56

Yorlah nơm ƀư rai hŏ văch tât jêh Tâm lơh đah Babilôn. Phung ktang păng bu nhŭp da dê, Na khân păng pă jêh; Yorlah Yêhôva jêng Brah Ndu nkhôm tâm rmal, N'hêl nanê̆ Păng mra plơng bôk ma nau di.

Êsêkiêl 26:12

Phung rlăng may mra pit in drăp ndơ may, sŏk pit ndô ndơ may geh, ƀư klưh rlâm lơi mpêr may. Khân păng mra ƀư rai ngih may jêh ri mƀăr lŭ, tơm si, jêh ri neh may trŭnh tâm dak mƀŭt.

Daniel 11:8

Păng mra njŭn sĭt ta n'gor Êjipt ma lĕ brah khân păng, tă bơh lĕ rup trah jêh ri nđâp ma lĕ ndơ dŏng ƀư ma mah ƀư ma prăk. Păng rlu nau tâm lơh, tâm bar pe năm păng mâu tâm lơh ôh đah hađăch mpeh pa lơ.

Nahum 3:17

Phung tahan gak may âk nâm bu krah grăch, Phung kôranh may nâm bu phung krah nsăt Drâm ta klơ pêr Tâm nar ji kăt; Lah tât luh nar, Păng du roh, Bu mâu gĭt ôh ntŭk păng gŭ.

Nau Tâm Mpơl 18:12

Drăp ndơ nây geh mah, prăk, lŭ khlay, lŭ rmah; bok mhay rhên, bok chăng krăk, bok ek ndrŭng jêh ri bok chăng; ăp ntil tơm si ƀâu kah, ăp ntil ndơ ma la, ma tơm si khlay, ma kông, ma loih, ma lŭ marbrơ;

Nau Tâm Mpơl 18:16

lah pô aơ: “Rêh ni ngăn! Rêh ni ngăn! Hơi ƀon dŭt toyh ri hŏ tă nsoh jêh bok mhay rhên, chăng krăk, chăng, nkrơ̆ ma mah, lŭ khlay jêh ri lŭ rmah!