Nahum 2:8 - Nau Brah Ndu Ngơi 2023

⁸ Bơh kăl e, Ninive nâm bu nglao bêng dak. Abaơ ri, khân păng lĕ du jêh! Geh bâr nter: “Dâk hom, dak hom!” Ƀiălah mâu geh du huê rle n'gĭl ôh!

Nahum 2:8 Iomraidhean Croise

Nau Ntơm 10:11

Tă bơh n'gor nây, păng hăn tât ta n'gor Asiri, jêh ri ndâk njêng ƀon Ninive, ƀon Rêhôbôt-ir, ƀon Kalah,

Êsai 13:14

Rnôk nây, tâm ban ma du mlâm njoih bu tĭng nhŭp, Tâm ban ma phung biăp mâu geh nơm chiăp, Ăp nơm mra sĭt ma phung ƀon lan păng nơm, Jêh ri ăp nơm mra du sĭt ta bri păng nơm.

Êsai 38:14

Gâp nter tâm ban ma sĭm njơch dak, sĭm rlêng; Gâp nđêng tâm ban ma sĭm plŭk; Măt gâp rgănh huơi jêh n'gơr uănh klơ prêh.” “Ơ Kôranh Brah, gâp dôl gŭ tâm nau rŭng răng, Dăn May kơl gâp!

Êsai 47:13

Ay rgănh jêh ma nau ay tâm nchră âk; Ăn phung uănh trôk, phung sek mănh, phung sek khay mhe, Gay ma nchroh nau mra tât tâm nar kăndơ̆; Aƀaơ, dâk hom jêh ri rklaih ay Bơh lĕ nau mra tât ma ay.

Êsai 48:20

Luh hom bơh Babilôn! du hom ngai bơh bri Kaldê! Răm maak troh nter hom mbơh jêh ri nkoch bri nau nây, Mbơh hom nau aơ kŏ tât dŭt rplay neh! Lah hom, “Brah Yêhôva tâm chuai jêh phung Yakôb, jêng oh mon Păng.”

Êsai 59:11

He rđêng nđor tâm ban ma kau ngrông, Jêh ri rđêng rngot tâm ban nteh sĭm plŭk rđêng; He kâp gân nau sŏng ƀiălah mâu tât ôh, Kâp gân nau tâm rklaih, ƀiălah păng gŭ ngai đah hên!

Yêrêmi 46:5

Mâm ƀư Gâp hŏ saơ jêh nau aơ? Khân păng klach ngăn jêh ri rŭch plơ̆; Phung tahan bu lơh rai lĕ jêh, Ngăch ma du ro, Khân păng mâu hôm plơ̆ n'gĭl pakơi ôh; Geh nau nkrit toyh jŭm chiau meng!” Brah Yêhôva lah pônây.

Yêrêmi 47:3

Nteh nchop jâng seh lơ hâu, Nteh ndeh seh drơu drơu, nteh jâng ndeh ngŭr drưh, Jâng ti me mbơ̆ hươi ra ai ngăn Mâu hôm plơ̆ uănh ma phung kon.

Yêrêmi 50:16

Ƀư ngroh lơi nơm srih ntil tă bơh Babilôn Jêh ri nơm djôt nhuĕ tâm yan rek. Yorlah klach mpiăt đao ma nơm tŭn jot Yor nây ăp nơm mra plơ̆ sĭt ndrel ma ndŭl mpôl păng nơm, Jêh ri nchuăt du ma ƀon tơm păng nơm.

Yêrêmi 51:13

Hơi ƀon toyh gŭ kêng n'hong dak krong toyh, Geh âk ngih bun drăp ndơ khlay, Nau dăch dŭt may hŏ tât jêh, Mông ăn ma may mâu hôm geh ôh!

Yêrêmi 51:30

Phung tahan bri Babilôn rlu tâm lơh, Plơ̆ rŭch tâm lĕ ntŭk pôih nâp; Khân păng hŏ huăr ngăn jêh, Jêng tâm ban ma bu ur. Ngih vâl tâm ƀon toyh bu su ma ŭnh, Mâng rnăng mpông ƀon hŏ nkê̆ch pă jêh.

Nahum 1:1

Nau mbơh lor ma Ninive. Ndrom samƀŭt nau Y-Nahum, bunuyh ƀon Êlkôs tâm saơ.

Nahum 3:17

Phung tahan gak may âk nâm bu krah grăch, Phung kôranh may nâm bu phung krah nsăt Drâm ta klơ pêr Tâm nar ji kăt; Lah tât luh nar, Păng du roh, Bu mâu gĭt ôh ntŭk păng gŭ.

Nau Tâm Mpơl 17:1

Nôk nây, du huê tâm pơh nuyh tông mpăr djôt pơh mlâm ngan văch tât jêh ri đă ma gâp pô aơ: “Văch hom aơ, gâp mra ntĭm ma may nau phat dôih bu ur văng tĭr toyh gŭ ta klơ lĕ n'hong dak ri.

Nau Tâm Mpơl 17:15

Jêh nây tông mpăr lah ma gâp: “Lĕ n'hong dak may saơ bu ur văng tĭr gŭ ta klơ jêng lĕ ntil mpôl bunuyh, phung mpôl bunuyh, lĕ bri dak jêh ri lĕ nau ngơi.