Nahum 2:5 - Nau Brah Ndu Ngơi 2023

⁵ Bu kuăl rgum phung kôranh văch; Ƀiălah khân păng chuat hăn ndĭt ndiu, Nchuăt ndal tât ta pêr, Rơm ndrăp nau tâm rdâng.

Nahum 2:5 Iomraidhean Croise

Êsai 21:5

Bu ndrăp sưng sông sa, Dăp bunuyh gak, jêh ri khân păng sông sa nhêt. “Ơ phung kôranh chiă uănh, dâk hom! Mhĭng hom khêl ma dak ngi!”

Êsai 5:27

Mâu geh du huê tâm khân păng rgănh, mâu lah chêh prah, Mâu geh nơm bê̆ch gui mâu lah bê̆ch hăk, Mâu geh du huê doh rse vân bŭt Mâu lah rse ntâu jot khân păng mâu lĕ tăch.

Yêrêmi 46:12

Lĕ bri dak tăng lư da dê jêh nau bêk prêng khân ay may, Nau nhhiăng nhĭm ay may lam bri neh ntu; Yorlah nơm dăng ktang chêh prah đah nơm dăng ktang Lĕ bar hê cha lôt ndrel n'grŭp.”

Yêrêmi 50:29

Kuăl rgum hom phung pănh na, lĕ rngôch ăp nơm phung blau pănh hăn tât lơh Babilôn. Ƀư hom pôih gŭ jŭm păng; lơi ta ăn du huê dơi klaih! Mplơ̆ sĭt hom ma păng tĭng nâm kan păng hŏ ƀư jêh; ƀư hom ma păng tĭng nâm nau păng hŏ tă mâp ƀư jêh, yorlah păng sưr hŏ ngơi djơh tât Brah Yêhôva, Nơm Kloh Ueh Israel.

Nahum 2:6

Bu pơk lĕ mpông pêr dak n'hong, Ngih hađăch mpât n'gơ da dê.

Nahum 3:18

Hơi hađăch Asiri, Phung rmăk biăp may lĕ bê̆ch jêh! Phung kôranh may gŭ rlu da dê. Phung ƀon lan may nchah rai pru pra tâm lam yôk, Mâu geh ôh nơm sâm rgum tay khân păng.

Nahum 3:3

Phung ncho seh rduh ran panăp, Yat đao rmah ƀlĭp, tak rjăng lơp ƀlip. Âk râk bunuyh cha lôt khĭt, Bun mpưm mbŭch săk nuyh khĭt, Săk nuyh khĭt mâu dơi kơp ôh! Bu chêh prah ta klơ săk nuyh khĭt.

Habakuk 1:8

Seh hăn tâm lơh khân păng prăl rlau lơn phung yau brăch, Jêh ri janh ngăn rlau so bri dôl bri măng. Phung tahan ncho seh khân păng nchuăt ngăch ngăn văch tă bơh bri ngai; Khân păng mpăr ngăch nâm bu klang jŭr kăp mpa sa.