Nahum 2:13 - Nau Brah Ndu Ngơi 2023

¹³ Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Nahum 2:13 Iomraidhean Croise

II Phung Hađăch 18:17

Ƀiălah hađăch Asiri prơh Y-Tartan, Y-Rabsaris, jêh ri Y-Rapsaka hăn, djôt leo ndrel ma du phung tahan ktang tă bơh Lakis tât ta ƀon Yêrusalem tâm mâp đah hađăch Hêsêkia. Khân păng hao tât ta ƀon Yêrusalem. Tơlah tât ta nây, khân păng gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

II Phung Hađăch 18:19

Y-Rabshakeh lah ma khân păng: “Plơ̆ sĭt hom lah tay ma Y-Hêsêkia pô aơ: Hađăch toyh Asiri lah kơt aơ: ‘Ma mbu moh khân may nsing aơ?

II Phung Hađăch 19:23

May prơh jêh phung mbơh hăn gay mưch rmot ma Kôranh Brah. May lah: “Ma âk ir ndeh seh, Gâp hao lĕ ta klơ n'gơn yôk prêh, Tât n'gơn yôk prêh lơn tâm bri Liban; Gâp mra kăl lĕ tơm si Sêdar prêh lơn, Jêh ri lĕ tơm si chiprơ dŭt ueh lơn; Gâp mra tât ta ntŭk ngai, Tâm krŏng tơm si dŭt pŭm.

II Phung Hađăch 19:9

Nôk nây, hađăch Asiri tăng bu mbơh ma Y-Tirhaka, hađăch Kus, pô aơ: “Aơ, hađăch nĕ leo phung tahan văch ŭch tâm lơh đah hađăch.” Tăng nau nây, hađăch Asiri prơh đŏng phung mbơh hăn tâm mâp ma hađăch Hêsêkia, jêh ri ntĭnh pô aơ:

II Nau Rêh Jêng 32:19

Khân păng lah Brah Ndu ƀon Yêrusalem nâm bu brah phung ƀon lan ta neh ntu, jêng kan ma ti bunuyh ƀư.

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Yêrêmi 21:13

Brah Yêhôva lah: ‘Hơi phung ƀon lan gŭ tâm rlŭng, Hơi lŭ toyh tâm neh lâng ri, Gâp tâm rdâng đah khân may, Jêng phung bunuyh nănh ngơi: Mbu nơm mra tât tâm rdâng đah gâp? Mbu nơm dơi lăp ntŭk he krap?’”

Yêrêmi 46:14

“Mbơh hom tâm bri Êjipt, tâm mpơl tâm ƀon Mikdôl, Tâm mpơl tâm ƀon Nôp jêh ri ƀon Tahpanhes pô aơ: ‘Lăp hom ta ntŭk, hŏ ndrăp nkra nŭm jêh, Yorlah đao hŏ văr jêh jŭm khân ay may.’

Yêrêmi 50:31

Kôranh Brah jêng Brah Yêhôva ma phung tahan lah: “Aơ, ơ ƀon lan sưr! Gâp tâm rdâng đah may; Yorlah nar may hŏ tât jêh, Jêng rnôk Gâp tâm rmal ma may.

Yêrêmi 51:25

Brah Yêhôva lah: “Aơ, ơ yôk ƀư rai, Gâp tâm rdâng đah may, Nơm ƀư rai lĕ neh ntu! Gâp mra yơr ti ƀư mhĭk ma may, Mra rlă may tă bơh lĕ pŭng yôk, Ƀư ăn may jêng yôk ŭnh sa jêh.

Êsêkiêl 13:8

Yor ri, Kôranh Brah Yêhôva lah: ‘Yorlah khân may ngơi lĕ nau dơm dam, saơ jêh nau mƀruh yor nây Gâp tâm rdâng đah khân may,’ Kôranh Brah Yêhôva lah pônây.

Êsêkiêl 21:3

Ngơi hom ma bri krŏng Nêgep pô aơ: ‘Iăt hom nau Brah Yêhôva! Kôranh Brah Yêhôva lah: Aơ, Gâp mra sŭnh ŭnh tâm may, ŭnh nây mra sa lĕ rngôch tơm si ndrêh jêh ri nđâp tơm si kro ta ntŭk may. Mpiăt ŭnh hit mâu mra nhhât ôh, lĕ rngôch muh măt păng bu mra su ntơm bơh mpeh pa dâng tât mpeh pa lơ.

Êsêkiêl 26:3

Yor nây, Kôranh Brah Yêhôva lah: ‘Hơi ƀon Tyre! Aơ, Gâp mra tâm rdâng đah may. Gâp mra leo âk bri dak dâk tâm lơh đah may nâm bu dak mƀŭt geh âk rbuh ktang.

Êsêkiêl 28:22

May ngơi hom: Kôranh Brah Yêhôva lah: ‘Hơi ƀon Sidôn, aơ Gâp tâm rdâng đah may; Gâp ŭch ƀư ang amoh Gâp ta nklang may. Khân păng mra gĭt Gâp jêng Brah Yêhôva Tơlah Gâp mra ƀư nau phat dôih, Jêh ri mpơl nau kloh ueh Gâp ta nklang păng.

Êsêkiêl 29:10

‘Yor nây, aơ, Gâp tâm rdâng đah may jêh ri đah lĕ dak krong may. Gâp mra ăn n'gor bri Êjipt jêng nâm bu bri rdah jêng rngol, ntŭk nsoih ntơm bơh Mikdôl tât ma Syene jêh ri kŏ tât ta n'har neh n'gor bri Êthiôpi.

Êsêkiêl 29:3

Ngơi hom: Kôranh Brah Yêhôva lah: ‘Hơi Pharaôn, hađăch Êjipt, Aơ, Gâp tâm rdâng đah may, May jêng mpa djơh toyh juat Rvel ta nklang lĕ dak krong. May lah pô aơ: “Dak krong Nil jêng ndơ Gâp nơm Gâp nơm yơh hŏ njêng jêh păng.”

Êsêkiêl 35:3

Lah hom ma khân păng, Kôranh Brah Yêhôva lah: ‘Hơi yôk Sêir, Aơ, Gâp tâm rdâng đah may! Gâp mra yơr ti tâm rdâng đah may, ƀư ăn may jêng rngot njăp, ntŭk rngol.

Êsêkiêl 38:3

May lah hom pô aơ Kôranh Brah Yêhôva lah: ‘Hơi Y-Gôk, hađăch ma phung Rôs, phung Mêsek jêh ri phung Tubal, aơ, Gâp tâm rdâng đah may.

Êsêkiêl 39:1

“Hơi kon bunuyh, mbơh lor hom nau tâm rdâng đah Y-Gôk, jêh ri lah ma păng ôp aơ Kôranh Brah Yêhôva lah: ‘Hơi Y-Gôk hađăch phung Rôs, phung Mêsek jêh ri phung Tubal, aơ, Gâp tâm rdâng ma may,

Êsêkiêl 5:8

Yor nây, Yêhôva Brah Ndu lah: ‘Aơ, Gâp, Gâp nơm yơh mra tâm rdâng ma may jêh ri Gâp mra ăn tât nau phat dôih ta nklang may gay ma lĕ ndŭl mpôl bunuyh saơ da dê.

Nahum 2:12

Yau mŭr nkuăng hêk mpa ăp ma kon păng Jêh ri kăp nkhĭt mpô mpa ăn ma yau mŭr me; Trôm păng bêng ma mpa sa, Rsuăn păng bêng ma mpô mpa hŏ kăp hêk jêh.

Nahum 3:1

Rêh ni ngăn ma ƀon toyh krêp mham! Păng bêng ma nau mƀruh jêh ri janh ƀai Mâu rlu ôh nau ntŭng ndô ndơ.

Nahum 3:12

Lĕ rngôch pôih may jêng nâm bu tơm play rvi Bêng ma play dŭm bôk yan; Lah bu n'gơ ri mơ play rŭng, Tŭp tâm trôm mbung bunuyh sa.

Nahum 3:15

Ta nây, ŭnh mra sa hŭt may, Đao mra ƀư rai may; Păng mra sa rvăn may nâm bu krah sa ndơ tuch tăm. Bĭk rơ̆ hom nâm bu krah grăch, Bĭk rơ̆ hom nâm bu krah nsăt!

Nahum 3:5

Brah Yêhôva ma phung tahan lah: “Aơ, Gâp tâm rdâng đah ay; Gâp mra rhơl nah bŭt ay nkŭm tât muh măt ay, Mpơl nau rhôk may ăn ma lĕ mpôl băl bunuyh Jêh ri ma lĕ ƀon bri hađăch saơ nau bêk prêng ay.

Yôsuê 11:6

Ƀiălah Brah Yêhôva lah ma Y-Yôsuê: “Lơi klach ôh, yorlah nar ôi aơ ta mông aơ, Gâp mra jao lĕ rngôch khân păng tâm ti phung Israel nkhĭt khân păng. Khân may mra koh jâng jon seh jêh ri su lĕ ndeh seh khân păng ma ŭnh.”

Yôsuê 11:9

Y-Yôsuê ƀư ma khân păng tĭng nâm nau Brah Yêhôva ntăm jêh: koh jâng jon seh khân păng, jêh ri su lơi ndeh seh khân păng ma ŭnh.