Nahum 2:12 - Nau Brah Ndu Ngơi 2023

¹² Yau mŭr nkuăng hêk mpa ăp ma kon păng Jêh ri kăp nkhĭt mpô mpa ăn ma yau mŭr me; Trôm păng bêng ma mpa sa, Rsuăn păng bêng ma mpô mpa hŏ kăp hêk jêh.

Nahum 2:12 Iomraidhean Croise

II Samuel 17:8

Y-Husai lah tay: “May gĭt lĕ ma mbơ̆ may jêh ri phung tĭng ndô̆ păng jêng phung tahan janh ktang; khân păng ji nuih nâm bu du mlâm kau tâm bri bu nhŭp ntŭng kon păng. Rlau lơn ma nây, mbơ̆ may jêng du huê tahan vay găn jêh âk nau tât, păng mâu mra bê̆ch măng ndrel ma phung tahan ôh.

Nau Mprơ Ơm 17:12

Khân păng jêng nâm bu yau mŭr ŭch ma ndơ sa. Nâm bu yau mŭr kon pôn săk gŭ kâp.

Yêrêmi 51:34

“Y-Nêbukatnetsar, hađăch Babilôn, hŏ rvăn jêh hên, Ƀư nchah rai hên; Hađăch nây ƀư ăn ma phung hên jêng du mlâm yăng nsoih, Rvăn hên nâm bu mpa bri toyh rvăn ndơ sa, Păng sŏk ndơ sa kah hên mbêng bêng ndŭl păng, Jêh ri mprơh hên hăn du.”

Nahum 2:11

Ƀaƀă, tă trôm yau mŭr, Jêng ntŭk ăn yau mŭr kon de sa, Jêng ntŭk yau mŭr nkuăng, yau mŭr me jêh ri kon păng chuat hăn Mâu geh ôh ndơ ƀư ăn ma khân păng klach, Aƀaơ aơ ta ntŭk trôm nây?

Nahum 2:13

Brah Yêhôva ma phung tahan lah: “Aơ, Gâp tâm rdâng đah may. Gâp mra su ndeh seh may tât luh nhhŭk, Đao mra sa rvăn lĕ kon yau mŭr may; Gâp mra chalơi mpa may bơh ta neh, Jêh ri bu mâu mra iăt ôh bâr phung may hăn mbơh đŏng.”

Nau Kơp Bunuyh 23:24

Aơ du phung ƀon lan dâk nâm bu du mlâm yau mŭr me, Jêh ri khân păng du dâk nâm bu du mlâm yau mŭr nkuăng; Păng knŏng kuen nôk păng hêk sa mpa Jêh ri nhêt mham lĕ mpa păng hŏ nkhĭt.”