Nahum 2:11 - Nau Brah Ndu Ngơi 2023

¹¹ Ƀaƀă, tă trôm yau mŭr, Jêng ntŭk ăn yau mŭr kon de sa, Jêng ntŭk yau mŭr nkuăng, yau mŭr me jêh ri kon păng chuat hăn Mâu geh ôh ndơ ƀư ăn ma khân păng klach, Aƀaơ aơ ta ntŭk trôm nây?

Nahum 2:11 Iomraidhean Croise

Nau Ntơm 49:9

Y-Yuđa! May jêng du huê kon yau mŭr; Hơi nâu! Hăn nchron geh jêh ăn may hăn sĭt. Păng chon mon, gŭ mơch nâm bu yau mŭr nkuăng, Jêh ri tâm ban yau mŭr me. Mbu nănh lôr rkhŭk păng?

Êsai 13:7

Yor nây, lĕ rngôch ti huơi ngăn da dê Nuih n'hâm ăp nơm mra rai da dê.

Êsai 31:4

Brah Yêhôva lah jêh ma gâp tâm ban pônây: “Tâm ban ma yau mŭr mâu lah kon yau mŭr rđuh ngrông nôk păng dơi nhŭp mpa jêh, Nđâp tơlah du phung rmăk biăp rgum tay gay tâm rdâng đah păng, Păng mâu klach ôh yor nau bâr nter khân păng, Mâu yor nau drơu drơu ƀư ăn khân păng klach krit; Kơt nây đŏng, Brah Yêhôva ma phung tahan mra jŭr văch Gay tâm lơh ta klơ yôk Siôn jêh ri ta klơ yôk păng.

Êsai 5:29

Nau ngrông khân păng tâm ban ma yau mŭr, Khân păng rđuh ngrông tâm ban ma kon yau mŭr; Khân păng mra ngrông jêh ri djôt leo mpa khân păng kăp, Mâu geh nơm dơi rklaih ôh.

Yêrêmi 2:15

Phung yau mŭr ndăm rah ngrông, Rđuh dŭt huy tâm rdâng đah păng, Ƀư ăn neh păng rgâl jêng rngol; Lĕ rngôch ƀon păng lĕ bu su ma ŭnh, mâu geh bunuyh gŭ.

Yêrêmi 4:7

Yau mŭr hŏ luh tă bơh bri krŏng, Nơm ƀư rai lĕ bri dak hŏ hăn jêh, Hŏ du bơh ntŭk păng, Gay ƀư ăn bri dak may jêng rngot njăp; Lĕ rngôch ƀon toyh may rai ƀhiau Mâu hôm du huê bunuyh.

Yêrêmi 50:17

Israel jêng du mlâm biăp nhhơt jêh phung yau mŭr tĭng kăp. Ntơm saơm hađăch Asiri tĭng rvăn păng, jêh ri rlet pakơi aơ jêng Y-Nêbukatnetsar, hađăch Babilôn, gĭnh nting păng.”

Yêrêmi 50:44

Aơ, nâm bu yau mŭr tă bơh lĕ bri krŏng dak krong Yurdan hăn tât ma ndrêch gơ̆ nse ƀaƀơ; Gâp mra ƀư ăn phung Babilôn ƀât lât nchuăt du jêh ri njêng bunuyh Gâp hŏ săch jêh gay chiă uănh păng. Yorlah mbu moh nâm bu Gâp? Mbu nơm mra dơi ntrŭnh ăn ma Gâp? Mbu rmăk biăp nănh tâm rdâng đah Gâp?”

Êsêkiêl 32:2

“Hơi kon bunuyh, ƀư hom du nau mprơ rngot ma Pharaôn, hađăch Êjipt, pô aơ: ‘May tâm ban ma du mlâm yau mŭr ta nklang lĕ ntil mpôl bunuyh; Mâu êng ôh đah mpa djơh tâm dak mƀŭt, Mpât rbŭh ta nklang dak n'hor. May sŏk jâng rchŭ dak ăn rkhăl, Jêh ri ƀư lĕ dak krong bêng ma dak bŏk.’

Yôel 2:6

Phung ƀon lan klach sâr tanăp măt khân păng, Lĕ rngôch klach brâp muh măt da dê.

Mika 5:6

Phung hôm e klen bơh Y-Yakôb Mra gŭ ta nklang âk phung ƀon lan, Nâm bu truh dak tŭk văch tât bơh Brah Yêhôva, Nâm bu dak mih jê̆ tŭp ta klơ gơ̆ nse, Mâu kâp bu ôh Mâu lĕ ŭch ndơ tă phung bu klâu kon bunuyh.

Nahum 2:12

Yau mŭr nkuăng hêk mpa ăp ma kon păng Jêh ri kăp nkhĭt mpô mpa ăn ma yau mŭr me; Trôm păng bêng ma mpa sa, Rsuăn păng bêng ma mpô mpa hŏ kăp hêk jêh.

Nahum 3:1

Rêh ni ngăn ma ƀon toyh krêp mham! Păng bêng ma nau mƀruh jêh ri janh ƀai Mâu rlu ôh nau ntŭng ndô ndơ.

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Nau Kơp Bunuyh 23:24

Aơ du phung ƀon lan dâk nâm bu du mlâm yau mŭr me, Jêh ri khân păng du dâk nâm bu du mlâm yau mŭr nkuăng; Păng knŏng kuen nôk păng hêk sa mpa Jêh ri nhêt mham lĕ mpa păng hŏ nkhĭt.”