Nahum 2:10 - Nau Brah Ndu Ngơi 2023

¹⁰ Khân păng lĕ bu ƀư rai jêh ri sŏk pit lĕ bhiau! Nuih n'hâm khân păng huăr huơi da dê, kômâk râm sâr; Ndŭr kơi ji hâu ngăn, Muh măt lĕ brâp.

Nahum 2:10 Iomraidhean Croise

Nau Ntơm 1:2

Neh mâu geh rup ôh jêh ri nsoih bŏng, nau ngo nkŭm ta klơ brŏng jru, jêh ri Huêng Ueh Brah Ndu rsong ta klơ n'ha dak.

Nau Mprơ Ơm 22:14

Gâp bu nkhŭt lơi nâm bu dak, Jêh ri nting gâp lêt rgănh da dê; Play nuih gâp nâm bu mpêt Lêk tâm săk jăn gâp.

Êsai 14:23

“Gâp mra ƀư ăn bri dak nây jêng ntŭk blŏ gŭ, jêng ntŭk dak nglau; jêh ri Gâp mra dŏng mpêh ƀư rai lơi păng jêh ri pih kloh bri nây.” Brah Yêhôva ma phung tahan lah pônây.

Êsai 21:3

Yor nây, bŭt gâp ji ngăn, Nau ji kruăn rêt nhŭp gâp Tâm ban ma nau ji kruăn rêt du huê bu ur me dôl deh kon. Nau ji gâp anh ƀư ăn ma gâp mâu dơi tăng ôh, Nau klach krit ƀư ma gâp mâu dơi saơ!

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Yêrêmi 30:6

Ôp sek hom ri jêh ri sek uănh, Du huê bu klâu dơi deh lĕ? Mâm ƀư Gâp saơ ăp nơm bu klâu Muh măt jêng nglang pal Bar đah ti ut ndŭl nâm bu du huê bu ur ji deh?

Yêrêmi 49:23

Ma bri Damas: “Ƀon Hamat jêh ri ƀon Arpat geh nau prêng da dê, Yorlah khân păng tăng jêh nau mhĭk; Khân păng djoh nuih n'hâm, khân rung răng nâm bu rbuh dak lêng, Mâu ŭch gŭ rngân ôh.

Yêrêmi 51:62

Jêh ri lah: ‘Ơ Brah Yêhôva, May hŏ lah jêh May mra ƀư rai ƀon aơ, ntơm bơh kon bunuyh tât ma mpô mpa mâu dơi rêh da dê ôh, jêh ri ntŭk aơ mra jêng rngol ƀaƀơ n'ho ro.’

Yêrêmi 8:21

Yorlah nau sôt rmanh phung kon bu ur ƀon lan gâp nuih n'hâm gâp ji ngăn yơh, Gâp nhĭm vơl klâng ndrê, nau krit nhŭp nâp gâp.

Êsêkiêl 21:7

“Hơi kon bunuyh, rle hom muh măt leo ma Yêrusalem, nti nau tâm rdâng lĕ rngôch ntŭk kloh ueh; ngơi mbơh lor hom đah bri Israel.

Êsêkiêl 31:15

Kôranh Brah Yêhôva lah: ‘Tâm nar păng jŭr tâm ƀon phung khĭt, Gâp mra ăn bu nhĭm vơl ma păng; Gâp brôi lơi ntu jru, bât lơi dak krong, king âk n'hong dak toyh. Gâp ƀư ăn bri Liban nhĭm vơl yor păng jêh ri lĕ rngôch tơm si tâm bri lĕ kro yor păng.

Daniel 5:6

Rnôk nây muh măt păng êr, nau păng mĭn rŭng răng, nting nđăng ra ai, bar đah kômâk râm nsâr.

Yôel 2:6

Phung ƀon lan klach sâr tanăp măt khân păng, Lĕ rngôch klach brâp muh măt da dê.

Nahum 2:2

Yorlah Brah Yêhôva mra njêng tay nau chrêk ma lơp ma Yakôb Nâm bu nau chrêk ma lơp Israel, Nđâp tơlah phung sŏk pit hŏ sŏk pit jêh khân păng, Jêh ri lơh rai lĕ n'gĭng tơm krăk ƀâu khân păng.

Nahum 3:7

Nôk nây, bu saơ ay mra du ngai jêh ri lah: ‘Ƀon Ninive lĕ rai ƀhiau jêh! Mbu nơm mra yô̆ nđach ma păng?’ Ta ntŭk Gâp joi ma ay phung bonh leng?”

Sôphôni 3:6

“Gâp hŏ ƀư rai jêh phung ntil mpôl bunuyh, Ƀư lĕ vâl tŭm gak ta njônh mpêr ƀon jêng rlâm rai. Gâp ƀư ma trong sâng păng jêng bri hŏng, Kŏ tât mâu geh ôh bunuyh hăn rgăn ta nây. Lĕ ƀon khân păng bu hŏ ƀư rai jêh, Mâu hôm geh du huê bunuyh, jêh ri kŏ mâu geh lĕ bunuyh gŭ ta nây.

Yôsuê 2:11

Tơlah hên tăng jêh nau nây nuih n'hâm hên uh ah, tâm phung hên mâu hôm geh nơm nâp tanăp khân may; yorlah Yêhôva Brah Ndu khân may jêng Brah Ndu nơm gŭ klơ trôk dŭt prêh jêh ri gŭ tâm dâng neh aơ.

Yôsuê 7:5

Phung Ai nkhĭt klăp lah pe jât ma prao bunuyh, tĭng rgot khân păng ntơm bơh mpông ƀon tât ma Sêbarim, jêh ri lơh dôl khân păng nchuăt jŭr sop. Nuih n'hâm phung ƀon lan lĕ nchah rai nâm bu dak.