Nahum 1:7 - Nau Brah Ndu Ngơi 2023

⁷ Brah Yêhôva jêng ueh ngăn, Jêng pôih nâp tâm nar rêh ni; Păng gĭt phung du krap tâm ntŭk Păng.

Nahum 1:7 Iomraidhean Croise

I Nau Rêh Jêng 16:34

Tâm rnê hom ma Brah Yêhôva, yorlah Păng jêng ueh; Nau ueh Păng hôm ƀaƀơ n'ho ro.

I Nau Rêh Jêng 5:20

Dôl khân păng tâm lơh, khân păng vơl dăn ma Brah Ndu, jêh ri yorlah khân păng geh nuih n'hâm rnơm nsing ma Păng, pôri Păng kơl rklaih an, jao phung Hagrit jêh ri lĕ rngôch phung tĭng păng tâm ti khân păng.

II Nau Rêh Jêng 13:18

Pôri, tâm nau tâm lơh nây phung tahan Israel geh nau bêk prêng yor nau tâm lơh, bi phung tahan Yuđa dăng lơn, yorlah khân păng rnơm ma Yêhôva Brah Ndu phung chô yau khân păng.

II Nau Rêh Jêng 32:11

Mâu di hĕ Y-Hêsêkia ngơi pô aơ: ‘Yêhôva Brah Ndu phung he mra rklaih he tă bơh ti hađăch Asiri’, nây jêng nau păng ngơi mƀruh ma khân may gay ma khân may khĭt ji ngot-ji hir ƀơh?

II Nau Rêh Jêng 32:21

Brah Yêhôva njuăl du huê tông mpăr nkhĭt lơi lĕ rngôch phung tahan janh ktang, phung kôranh tahan jêh ri phung kôranh tâm pôih tahan hađăch Asiri. Păng plơ̆ sĭt ma n'gor păng nơm ma muh măt prêng. Lah păng lăp tâm ngih brah păng, geh tâm phung kon bu klâu păng nơm sreh păng ta nây ma đao.

II Nau Rêh Jêng 32:8

Păng knŏng geh ti nglay săk; bi he geh Yêhôva Brah Ndu gŭ ndrel he gay kâp kơl, jêh ri sâm tâm lơh ăn ma he.” Phung ƀon lan geh nau n'hao nuih yor bơh nau ngơi Y-Hêsêkia, hađăch Yuđa.

Êsra 3:11

Khân păng mprơ tâm rdơn ndrăng khân păng gay mât ton jêh ri tâm rnê lah ueh ma Brah Yêhôva pô aơ: “Păng ueh ngăn, Nuih n'hâm yô̆ nđach Păng đah phung Israel hôm kŏ tât ƀaƀơ n'ho ro!” Jêh nây lĕ rngôch bunuyh ƀon lan ma du bâr nter huy toyh, tâm rnê Brah Yêhôva, yorlah mbon ngih Brah Yêhôva dơi ndâk njêng jêh.

Nau Mprơ Ơm 1:6

Yorlah Brah Yêhôva gĭt trong phung sŏng srăng, Ƀiălah trong bunuyh mhĭk mra rai yot.

Nau Mprơ Ơm 100:5

Yorlah Brah Yêhôva jêng ueh, Nau ueh Păng hôm geh mro mrăng Jêh ri nau răp jăp Păng hôm gŭ n'ho ro.

Nau Mprơ Ơm 20:1

Ăn Brah Yêhôva lŏ plơ̆ lah nau hađăch tâm nar rêh ni! Ăn amoh Brah Ndu Yakôb king n'gang may!

Nau Mprơ Ơm 25:8

Brah Yêhôva jêng ueh jêh ri sŏng, Yor nây, May knŏng nti trong ma phung tih.

Nau Mprơ Ơm 27:5

Yorlah tâm nar rêh ni, Păng mra king n'gang tâm ngih bok Păng, Pôn gâp ntŭk ndâp tâm ngih bok Păng, Jêh ri Păng mra dơm gâp ta klơ du mlâm lŭ toyh.

Nau Mprơ Ơm 37:39

Nau tâm rklaih phung sŏng srăng văch tă bơh Brah Yêhôva; Păng jêng pôih nâp khân păng tâm rnôk rêh ni.

Nau Mprơ Ơm 37:40

Brah Yêhôva koh dŏng jêh ri tâm rklaih khân păng; Păng rklaih khân păng bơh phung mhĭk jêh ri tâm rklaih khân păng, Yorlah khân păng nde krap tâm Păng.

Nau Mprơ Ơm 46:2

Yor ri, hên mâu klach ôh, nđâp lah neh ntu geh nau rgâl, Yôk mpât n'gơ jêh ri bu klŭp tâm nklang dak mƀŭt.

Nau Mprơ Ơm 50:15

Kuăl mbơh sơm hom ma Gâp tâm nar rêh ni, Gâp mra tâm rklaih may jêh ri may mra tâm rnê ma Gâp.”

Nau Mprơ Ơm 59:16

Ƀiălah gâp mra mprơ ma nau ktang May; Ơm ôi gâp mra mprơ huy ma nau ueh May Yorlah May jêng pôih gâp, Ntŭk gŭ krap tâm nôk rêh ni.

Nau Mprơ Ơm 71:3

Dăn May ƀư lŭ toyh ăn ma gâp gŭ krap Ăn jêng ntŭk gâp dơi lăp ta nây ƀaƀơ; Dăn May ntrŭnh nau ntăm tâm rklaih gâp Yorlah May jêng lŭ toyh ngăn jêh ri pôih nâp gâp.

Nau Mprơ Ơm 86:7

Tâm nar rêh ni, gâp kuăl mbơh sơm ma May, Yorlah May mra mplơ̆ lah nau gâp.

Nau Mprơ Ơm 9:10

Ơ Brah Yêhôva, Phung gĭt amoh May mra rnơm nsing ma May, Yorlah May mâu mâp chalơi ôh bunuyh tĭng joi May.

Nau Mprơ Ơm 91:15

Păng mra kuăl mbơh sơm ma Gâp, Gâp mra plơ̆ lah ma păng; Tâm nau rêh ni, Gâp mra gŭ ndrel păng, Tâm rklaih păng jêh ri khlay yơk ma păng.

Nau Hôr 18:10

Amoh Brah Yêhôva jêng du pôih nâp ngăn, Bunuyh sŏng srăng nchuăt tât ta nây, dơi joi ntŭk du krap đăp mpăn.

Êsai 25:4

Yorlah May jêng ntŭk phung o ach nsing, Jêng ntŭk nde nâp ma phung nau ndĭt trơi tâm nôk jêr jŏt ngăn, Jêng ntŭk krap bơh sial phŭt, Jêng gui n'hâm der nôk nar duh, Nôk phung ƀai khôm n'hâm luh Tâm ban ma sial phŭt njach mpêr ƀon,

Êsai 32:2

Mra geh du huê tâm ban ma ntŭk krap ma sial, Jêh ri ntŭk nde ma sial phŭt, Tâm ban ma dak n'hor tâm ntŭk sơh, Tâm ban ma gui n'hâm lŭ toyh tâm neh nđang.

Êsai 50:10

Mbu nơm tâm phung khân may klach yơk mbah ma Brah Yêhôva, Jêh ri tông bâr ma oh mon Păng, Mbu nơm hăn tâm nau ngo Jêh ri mâu geh nau ang ôh Rnơm nsing hom ma amoh Brah Yêhôva, Jêh ri nsing ma Brah Ndu păng.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 17:17

Lơi ta ăn gâp klach ôh; May jêng ntŭk ma gâp nde krap tâm nar rêh ni.

Yêrêmi 24:5

“Yêhôva Brah Ndu phung Israel lah pô aơ: ‘Nâm bu play rvi ueh aơ, Gâp mra mât mray jêh ri ƀư nau ueh uĭn ăn ma phung bu nă tă bơh bri Yuđa, jêng phung Gâp hŏ njŭn leo jêh bơh ntŭk aơ ăn khân păng hăn rlet ma bri Kaldê.

Yêrêmi 33:11

bu mra tăng tay bâr hâk maak răm rhơn, bâr klay jêh ri bâr ƀăn mhe, bâr mprơ phung djôt leo ndơ ƀư brah nau sĭt lah ueh lăp tâm ngih Brah Yêhôva: “Tâm rnê hom ma Brah Yêhôva ma phung tahan, Yorlah Brah Yêhôva jêng ueh, Nau rŏng Păng nâp ngăn hôm gŭ ƀaƀơ n'ho ro!” Yorlah Gâp mra njŭn leo phung bu nă bri aơ plơ̆ sĭt, ăn tay nâm bu saơm,’ Brah Yêhôva lah pônây.

Nau Nhĭm Vơl 3:25

Brah Yêhôva mpơh nau ueh ăn ma phung kâp gân Păng, Ndrel ma mbu huêng tĭng joi Păng.

Daniel 3:28

Hađăch Nêbukatnetsar lah: “Tâm rnê ma Brah Ndu Y-Sadrak, Y-Mêsăk, jêh ri Y-Abetnêgô, Nơm njuăl jêh tông mpăr Păng văch jêh ri tâm rklaih phung oh mon Păng. Khân păng gĭt rnơm nsing ma Păng, janh tâm rgâl nau hađăch ntăm, jêh ri sân săk jăn gay mâu pah kan jêh ri yơk mbah ma brah êng ôh padih Brah Ndu khân păng nơm.

Daniel 6:23

Hađăch dŭt maak ngăn jêh ri đă bu chông Y-Daniel hao bơh trôm ntu yau mŭr. Pôri Y-Daniel du luh tă bơh ntŭk nây, jêh ri ta săk jăn păng mâu geh sôt ôh yorlah păng rnơm nsing ma Brah Ndu păng.

Yôel 3:16

Brah Yêhôva mra rđuh bơh Siôn; Păng ƀư ăn nteh huy bâr Păng nơm luh bơh Yêrusalem. Lĕ ndâr trôk jêh ri lĕ rngôch neh ntu mpât n'găr da dê. Ƀiălah Brah Yêhôva jêng ntŭk nde ma phung ƀon lan Păng, Jêng pôih nâp ma phung ƀon lan Israel.

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Mathay 27:43

Păng rnơm nsing ma Brah Ndu. Tơlah Brah Ndu rŏng ma Păng, ăn Brah Ndu tâm rklaih Păng aƀaơ ro; yorlah păng lah: ‘Gâp jêng Kon Brah Ndu.’ ”

Mathay 7:23

Mông nây, Gâp mra lah rah vah ma khân păng: ‘Hơi phung ƀư mhĭk, du hom tă bơh Gâp, Gâp mâu mâp gĭt năl khân may ôh!’ ”

Yôhan 10:14

Gâp jêng bunuyh rmăk biăp ueh. Gâp gĭt năl biăp Gâp, jêh ri biăp Gâp gĭt năl Gâp;

Yôhan 10:27

Biăp Gâp tăng bâr Gâp, Gâp gĭt năl khân păng jêh ri khân păng tĭng ndô̆ Gâp.

Samƀŭt Pôl Njuăl Ăn Ma Phung Nsing Ta Ƀon Rôm 11:22

Ăn may uănh hom nau ueh jêh ri nau dăng ngăn Brah Ndu: Nau dăng ngăn ma mbu nơm tŭp jêh, ƀiălah nau ueh ma may, knŏng tơlah may gŭ nâp mro tâm nau ueh Păng; tơlah mâu, Păng ăt mra koh chalơi may đŏng.

Galati 4:9

Ƀiălah aƀaơ khân may gĭt năl jêh Brah Ndu, mâu lah di lơn jêng Brah Ndu gĭt năl jêh khân may, mâm ƀư khân may ŭch plơ̆ sĭt ma lĕ ntil brah huêng rdja, o ach nây? Mâm ƀư khân may ŭch plơ̆ tay ƀư dĭk?

II Timôthê 2:19

Ƀiălah, nau mbon lĕ nâp Brah Ndu ăt gŭ nâp, ma nau tâp pŏng pô aơ: “Kôranh Brah gĭt năl phung bunuyh jêng phung Păng;” jêh ri: “Mbu moh kuăl mbơh sơm amoh Kôranh Brah, ăn der ngai bơh nau mâu di.”