Nahum 1:6 - Nau Brah Ndu Ngơi 2023

⁶ Mbu nơm dơi dâk tanăp nau Păng ji nuih? Mbu nơm dơi srôih dơn nau Păng duh nuih? Nau Păng ji nuih nkhŭt nâm bu ŭnh sa, Lĕ lŭ toyh mra chah yor tă bơh Păng.

Nahum 1:6 Iomraidhean Croise

I Phung Hađăch 19:11

Brah Yêhôva lah ma păng: “Hăn luh hom, dâk ta klơ yôk panăp Brah Yêhôva.” Ri, Brah Yêhôva mra prot rgăn; geh sial khôm ktang ngăn, kŏ tât rlâm đang yôk jêh ri ƀư nchah lĕ lŭ tanăp măt Brah Yêhôva, ƀiălah mâu geh Brah Yêhôva gŭ tâm sial nây ôh. Jêh sial nây, geh nau n'găr neh ntu, ƀiălah mâu geh Brah Yêhôva gŭ tâm nau n'găr neh ntu nây ôh.

Ndrom Samƀŭt bơh Yôp 26:11

Ƀiălah lĕ n'gâng meh tâm lĕ ndâr trôk mpât n'gơ, Jêh ri hih rhâl lah Păng nduyh lah.

Ndrom Samƀŭt bơh Yôp 40:11

Uănh hom, bar pŭng vĕ păng bêng ma nau dăng ngăn, Jreng ndŭl păng nau dăng nâp ngăn.

Ndrom Samƀŭt bơh Yôp 9:5

Păng trơn yôk, yôk mâu dơi gĭt; Tâm nau ji nuih, Păng nklơ̆ rlâm yôk dor.

Nau Mprơ Ơm 130:3

Ơ Brah Yêhôva, tơlah May kah gĭt prăp nau kue, Ơ Kôranh Brah! Mbu nơm hôm dơi rêh?

Nau Mprơ Ơm 2:12

Chŭm Kon hom, klach Păng ji nuih Jêh ri khân may mra rai yot tâm trong khân may, Yorlah nau Păng ji nuih mra gơnh hao nuih. Ueh maak yơh ma mbu nơm nde krap ma Păng.

Nau Mprơ Ơm 76:7

Du huê May yơh khư ma bu klach; Nau May hao ji nuih, Mbu nơm dơi gŭ tanăp May?

Nau Mprơ Ơm 76:8

Tă bơh klơ trôk, May ntrŭnh nau phat dôih, Pôri neh ntu klach jêh ri gŭ rklăk.

Nau Mprơ Ơm 90:11

Mbu dơi gĭt nau ktang nau May ji nuih? Mbu dơi gĭt rbăng nau May ji nuih gay ntop nau klach yơk ma May?

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 13:13

Yor nây, Gâp mra ƀư ăn lĕ ndâr trôk mpât n'gơ, Rplay neh mpât n'gơ trơn bơh ntŭk păng Yor nau Brah Yêhôva ma phung tahan ji nuih, Tâm nar Păng ji nuih hâu ngăn.

Êsai 27:4

Gâp mâu hôm ji nuih ôh. Lah păng knŏng deh rtau lok jêh ri pih pŭm, Gâp mra hăn tâm lơh đah khân păng, Gâp mra su lơi khân păng ndrel n'grŭp.

Êsai 33:14

Tâm ƀon Siôn, Phung ƀư tih klach krit, Phung mâu chroh ôh ma Brah Ndu râm sâr; khân păng lah: “Mbu tâm phung he dơi gŭ tâm ŭnh hit? Mbu tâm phung he dơi gŭ tâm mpiăt ŭnh hit n'ho ro?”

Êsai 66:15

Yorlah aơ, Brah Yêhôva mra văch tâm ŭnh, Jêh ri ndeh seh Păng mra jêng tâm ban ma sial vănh blông, Gay nkhŭt nau Păng ji nuih ktang, Jêh ri nau Păng nduyh tâm chiông ŭnh hit.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 21:12

Hơi ngih Y-Đavit! Brah Yêhôva lah: Ăp ôi ƀư hom nau sŏng srăng, Rklaih hom bunuyh bu tŭn jot tă bơh ti nơm tŭn jot, Klach lah yor khân may ƀư nau mhĭk, Ma nau Gâp ji nuih hit nâm bu ŭnh.’ Mâu geh nơm dơi nhhât ôh.

Nau Nhĭm Vơl 2:3

Tâm nau ji nuih hâu ngăn, Păng koh lĕ rngôch nke phung Israel. Păng rhuăt lơi mpang ti pa ma, Dôl phung rlăng rduh lơh. Nâm bu chiông ŭnh hit Păng hŏ su jêh ta nklang bri Yakôb, Ŭnh sa lĕ rngôch ndơ gŭ jŭm.

Nau Nhĭm Vơl 2:4

Păng van jêh na păng nâm bu phung rlăng, Ti pa ma Păng yơr hao nâm bu du huê rlăng; Păng hŏ nkhĭt lĕ rngôch phung ƀư maak măt hên uănh. Păng nkhŭt nau păng ji nuih nâm bu ŭnh Tâm ngih bok kon druh Siôn.

Nau Nhĭm Vơl 4:11

Brah Yêhôva hŏ ƀư jêh djoh nuih, Nkhŭt nau Păng ji nuih; Păng sŭnh ŭnh ta ƀon Siôn, Ŭnh sa lĕ rngôch mbon păng.

Êsêkiêl 21:31

Kôranh Brah Yêhôva lah: ‘Prăp hom đon, doh lơi đon hađăch; lĕ rngôch ndơ aơ mâu hôm nâm bu kơt saơm đŏng ôh! Moh ndơ dêh mra n'hao ăn prêh, moh ndơ prêh bu mra ntrŭnh lơi ăn dêh.

Êsêkiêl 30:16

Gâp mra su n'gor bri Êjipt ma ŭnh, Ƀon Sin mra geh nau rngot toyh ngăn; Ƀon Thêbes bu mra ƀư rai, Jêh ri ƀon Nôp phung rlăng mra ƀư rai ta nôk nar.

Êsêkiêl 39:6

‘Rnôk aơ, Gâp mra njuăl ŭnh tŭp ma bri Magôk jêh ri ma phung gŭ nau mpăn tâm lĕ gôl dak mƀŭt jêh ri khân păng mra gĭt Gâp jêng Brah Yêhôva.

Êsêkiêl 7:8

Aơ hôm djê̆ lê̆ Gâp mra nkhŭt nau Gâp ji nuih ta may jêh ri ăn mpay nau Gâp nuih ma may. Gâp mra phat dôih may tĭng nâm nau gŭ ngao jêh ri mplơ̆ ma may ntil nau ƀơ̆ ƀơch may.

Nahum 1:2

Yêhôva jêng Brah Ndu blau ntôn jêh ri plơng bôk; Brah Yêhôva jêng Nơm plơng bôk jêh ri bêng ma nau ji nuih. Brah Yêhôva plơng bôk phung tâm rdâng đah Păng, Jêh ri hao ji nuih đah phung rlăng Păng.

Sôphôni 2:2

Êlor ăn tât ma nau ntĭnh, Nar mông rlau tât nâm bu lâk sial đô̆; Êlor nau Brah Yêhôva ji nuih Tât ma khân may; Êlor nar Brah Yêhôva ji nuih Tât ma khân may.

Malachi 3:2

Ƀiălah mbu nơm dơi dơn nar Păng văch? Mbu nơm dơi dâk lah păng tâm mpơl? Yorlah Păng jêng nâm bu ŭnh bunuyh blau krĕt prăk, nâm bu buh bunuyh blau ƀư kloh bok.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Nau Tâm Mpơl 16:1

Nôk nây, gâp tăng bâr ngơi ktang luh bơh ngih brah đă pơh nuyh tông mpăr pô aơ: “Hăn hom, nkhŭt pơh ngan nau Brah Ndu ji nuih tâm neh ntu.”

Nau Tâm Mpơl 16:8

Tông mpăr rơh puăn nkhŭt ngan păng nơm ta nar, nar dơi vay ăn ŭnh su kon bunuyh.

Nau Tâm Mpơl 6:17

yorlah nar phung Păng ji nuih toyh hŏ tât jêh, mbu nơm dơi gŭ tanăp nau nây?”