Nahum 1:5 - Nau Brah Ndu Ngơi 2023

⁵ Yor tă Kôranh Brah, gôl yôk n'găr n'gơ, Lĕ yôk chah rai da dê; Tanăp măt Păng, rplay neh jêh ri neh ntu Nđâp ma lĕ rngôch phung ƀon lan gŭ ta klơ neh dâk da dê.

Nahum 1:5 Iomraidhean Croise

II Samuel 22:8

Rnôk aơ neh ntu n'găr mpât jêh ri n'goh n'gơ, Mbon lĕ ndâr trôk n'găr mpât Jêh ri n'gơ n'găr yorlah Păng ji nuih.

Ndrom Samƀŭt bơh Yôp 26:11

Ƀiălah lĕ n'gâng meh tâm lĕ ndâr trôk mpât n'gơ, Jêh ri hih rhâl lah Păng nduyh lah.

Ndrom Samƀŭt bơh Yôp 9:5

Păng trơn yôk, yôk mâu dơi gĭt; Tâm nau ji nuih, Păng nklơ̆ rlâm yôk dor.

Nau Mprơ Ơm 104:32

Păng uănh ma neh, neh mpât n'gơ; Păng pah tât yôk, yôk luh nhhŭk ŭnh.

Nau Mprơ Ơm 114:4

Yôk nsăt nâm bu biăp nkuăng; Dor yôk nsăt ngăch nâm bu kon biăp.

Nau Mprơ Ơm 114:6

Ơ yôk, mâm ƀư may nsăt nâm bu biăp nkuăng? Ơ dor yôk, mâm ƀư may nsăt nâm bu kon biăp?

Nau Mprơ Ơm 18:7

Rnôk aơ neh ntu n'găr mpât, Mbon lĕ yôk n'gơ n'găr tâm ban lĕ yorlah Păng ji nuih ngăn.

Nau Mprơ Ơm 18:8

Nhhŭk ŭnh luh tă bơh trôm muh Păng, Mpiăt ŭnh hit luh tă bơh mbung Păng Ƀư ăn sa ônh hit hâng.

Nau Mprơ Ơm 46:6

Phung mpôl băl bunuyh drơu drơu, lĕ bri dak n'gơ n'găr; Geh bâr Păng, neh ntu lêk hoch ro.

Nau Mprơ Ơm 68:8

Pôri neh ntu mpât n'gơ, lĕ ndâr trôk nkhŭt dak mih Tanăp măt Brah Ndu, jêng Nơm Sinai, Tanăp măt Brah Ndu, jêng Brah Ndu phung Israel.

Nau Mprơ Ơm 98:7

Ăn dak mƀŭt jêh ri lĕ rngôch mpô mpa tâm dak mƀŭt, Neh ntu ndrel phung gŭ tâm nây sŏk bâr mprơ nteh da dê!

Nau Ngluh Êjipt 19:18

Lĕ yôk Sinai bêng ma nhhŭk ŭnh, yor Brah Yêhôva gŭ tâm nklang ŭnh jêh ri jŭr ta nây. Nhhŭk ŭnh hao leo klơ nâm bu nhhŭk ŭnh bơh ŭnh năk toyh, jêh ri lĕ yôk nây n'gơ dăng ngăn.

Êsai 24:1

Aơ, Brah Yêhôva mra ƀư ma neh ntu nsoih bŏng jêh ri jêng rngol; Păng ƀư ma neh ntu rgâl jêh ri ma phung ƀon lan nchah rai pru pra.

Êsai 24:20

Neh ndĭt ndĭu tâm ban ma bunuyh nhŭl ndrănh, Păng n'gơ tâm ban ma ndưp ja; Nau tih păng ƀư jâk păng, Jêh ri păng mra prah, mâu hôm dâk ôh!

Êsai 5:25

Yor nây, Brah Yêhôva hŏ ji nuih đah phung ƀon lan Păng. Păng yơr jêh ti tâm rdâng đah khân păng jêh ri dong khân păng, Yôk n'găr mpât da dê. Săk jăn khĭt khân păng jêng tâm ban ma ndŏk ta nklang trong. Nđâp lah kơt nĕ, nau Păng ji nuih ê bah ôh, Ƀiălah ti Păng ăt hôm yơr ƀư ƀaƀơ.

Yêrêmi 10:10

Ƀiălah Brah Yêhôva jêng Brah Ndu nanê̆ ngăn; Păng jêng Brah Ndu gŭ rêh mro mrăng, jêng Hađăch n'ho ro. Neh ntu n'gơ n'găr dôl Păng hao ji nuih, Phung ƀon lan mâu dơi dơn ôh nau ji nuih Păng.

Yêrêmi 4:24

Gâp n'gơr uănh lĕ yôk, khân păng mâu mpât n'gơ da dê, Ăp dor prêh n'găr nsâr da dê.

Êsêkiêl 38:20

Tanăp măt Gâp, ka tâm dak mƀŭt, sĭm och klơ trôk, phung mpô mpa bri, lĕ rngôch ndrŭng rvơng mpa vơr tâm neh, lĕ rngôch bunuyh ta klơ neh ntu mra râm nsâr. Phung yôk bu mra klŭp lơi da dê, phung yôk klêr nâp rlâm da dê, jêh ri lĕ rngôch mpêr ƀon mra rlâm ta neh da dê.’

Yôel 2:10

Tanăp khân păng, neh ntu n'găr, Lĕ ndâr trôk n'găr mpât, Nar, khay jêng ngo klĕng, Lĕ mănh mbing mâu hôm nchrat ôh.

Amôt 9:5

Yorlah Kôranh Brah jêng Brah Yêhôva ma phung tahan, Nơm pah bi neh ntu jêh ri păng lêk hoch, Lĕ rngôch phung ƀon lan gŭ tâm păng mra nhĭm vơl; Lĕ bri dak mra hao lip ler nâm bu dak krong Nil Jêh ri djoh hŭch nâm bu dak krong n'gor bri Êjipt

Mika 1:4

Lĕ yôk mra lêk hoch tâm dâng Păng, Lĕ rlŭng mra đang Nâm bu jrêng sŭt gŭ panăp ŭnh, Nâm bu dak hoch jŭr sop.

Habakuk 3:10

Lĕ rngôch yôk saơ Păng klach krit da dê; Lĕ n'hor dak hoch thăng ngăn Hoch rbuh mro mrăng, Brŏng jru nteh n'gôr dak, jêh ri yơr ti leo klơ.

Sakari 4:7

Hơi yôk toyh ri, mbu moh may jêng? Tanăp măt Y-Sôrôƀaƀel may mra jêng neh lâng. Păng mra djôt leo lŭ mbon ma bâr bu nter lah: ‘Ueh maak ngăn! Ueh maak ngăn!’”

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

Mathay 27:51

Jêh ri, ri bok nching tâm ngih brah nkhêk jêng bar ntơm bơh klơ jŭr tât tâm dâng, neh n'gơ n'găr, lŭ klêr đang;

Mathay 28:2

Ri, nau n'găr neh ntu hâu ngăn, yorlah du huê tông mpăr Kôranh Brah jŭr tă bơh klơ trôk, rlă lŭ jêh ri gŭ ta klơ.

Nau Tâm Mpơl 20:11

Nôk nây gâp saơ du mlâm sưng hađăch toyh jêh ri nglang ndrel ma Nơm gŭ ta sưng hađăch. Tanăp măt Păng neh ntu jêh ri trôk du lĕ, mâu hôm saơ geh ntŭk ma khân păng ôh.

Nau Tâm Mpơl 6:14

Trôk roh lĕ nâm bu ndrom samƀŭt bu klôn, lĕ rngôch yôk, lĕ rngôch kôdak trơn du bơh ntŭk ơm khân păng nơm.

Phung Kôranh Phat Dôih 5:5

Lĕ yôk lêk tanăp măt Brah Yêhôva, Nơm gŭ ta klơ yôk Sinai, Tanăp măt Yêhôva Brah Ndu Israel.