Nahum 1:12 - Nau Brah Ndu Ngơi 2023

¹² Ƀiălah Brah Yêhôva lah: “Nđâp lah khân păng geh nau tâm rnglăp ndrel âk kđôi lĕ, Bu mra ƀư rai jêh ri ăn roh khân păng. Hơi phung ƀon lan Gâp, nđâp lah Gâp hŏ ƀư nkrit jêh khân may, Gâp mâu mra ƀư nkrit khân may đŏng ôh.

Nahum 1:12 Iomraidhean Croise

II Phung Hađăch 19:35

Măng nây, du huê tông mpăr Brah Yêhôva lơh nkhĭt du rsen pham rmưn prăm rbăn bunuyh tâm pôih tahan Asiri. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh.

II Phung Hađăch 19:37

Du nar, hađăch Sênakêrip dôl chon mon mbah brah păng tâm ngih brah Nirok, phung kon bu klâu păng jêng Y-Adramêlek jêh ri Y-Sarêser sŏk đao nkhĭt păng, jêh nây hăn du rlet n'gor Ararat. Kon păng jêng Y-Êsarhadôn chiă uănh thoi ntrok păng.

Nau Ngluh Êjipt 12:12

Tâm măng nây, Gâp mra hăn lam n'gor Êjipt, ƀư nđêh nji lĕ rngôch kon bôk rah tâm n'gor Êjipt, nđâp bunuyh jêh ri mpô mpa. Gâp mra phat dôih lĕ rngôch brah n'gor Êjipt yorlah Gâp jêng Brah Yêhôva.

Êsai 10:16

Yor nây, Kôranh Brah jêng Brah Yêhôva ma phung tahan Mra ƀư ma phung janh ktang hađăch nây plơ̆ jêng rgay grol; Jêh ri tâm dâng nau chrêk rmah hađăch nây, Ŭnh mra sa tâm ban ma du mbŭch ŭnh su.

Êsai 17:14

Ta kêng măng, aơ, geh nau klach krit, Êlor ma tât ƀring ang ôi, mâu hôm saơ khân păng ôh. Nĕ jêng ndơ phung sŏk ntŭng, Jêng mrô nal prăp ma phung ntŭng ndơ he.

Êsai 30:19

Ơ phung ƀon lan Siôn, jêng phung gŭ ta ƀon Yêrusalem! May mâu mra hôm nhĭm ôh. Nôk may kuăl dăn Păng, nanê̆ Păng mra ăn nau ueh uĭn; lah mhe tăng bâr may kuăl dăn, Păng dơn nau ro ma may.

Êsai 31:8

Asiri mra cha lôt tâm dâng mpiăt đao, mâu tăp ma đao bunuyh ôh, Jêh ri du mpiăt đao mâu tăp ma đao bunuyh ôh mra sa rvăn khân păng. Păng mra nchuăt du panăp mpiăt đao nây, Jêh ri phung bu klâu ndăm păng mra ƀư pah kan jâk.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Êsai 7:20

Tâm nar nây, Kôranh Brah mra dŏng pêh poih nkhôm mpeh đah ri dak krong, jêng hađăch bri Asiri, gay poih bôk jêh ri rsau jâng khân may, jêh ri poih nđâp ma têp kang tâm ban lĕ.

Êsai 8:8

n'ho hoch lăp tâm bri Yuđa, hoch ler kơh jêh ri rlêng kŏ tât băm trô ko. Ơ Êmanuel, nting năr păng ling luh nkŭm lĕ bri neh may!”

Daniel 11:10

Phung kon bu klâu hađăch mpeh pa lơ mra nkra ma nau tâm lơh. Khân păng tâm rƀŭn âk phung tahan jêh nây leo phung tahan văch lơh, pit in, nchueng ăp ntŭk; khân păng njŭn nau tâm lơh tât ta pôih hađăch pa dâng.

Yôel 2:19

Brah Yêhôva lĕ plơ̆ lah jêh ri lah ma phung ƀon lan Păng pô aơ: “Aơ, Gâp mra ăn ma khân may: Ba răch, ndrănh mhe jêh ri dak ngi, Khân may mra hơm mpay ma lĕ ndơ nây. Gâp mâu mra ƀư ăn khân may Geh nau bêk prêng ta nklang phung mpôl băl bunuyh đŏng ôh.

Nahum 1:15

Aơ, ta klơ phung yôk Geh jâng phung ntuh mbơh nau mhe mhan ueh, Jêh ri mbơh nau đăp mpăn! Hơi Yuđa, prăp hom ăp nar tâm rƀŭn Jêh ri ƀư ăn nanê̆ nau ton, Yorlah phung rlăng mâu mra tŭn jot may đŏng ôh, Păng hŏ rai lĕ jêh.

Nau Tâm Mpơl 7:16

Khân păng mâu mra hôm ji ngot mâu lah ji hir ôh, mâu đŏng geh nar mâu lah nau duh hôm nđat ma khân păng ôh.