Nahum 1:10 - Nau Brah Ndu Ngơi 2023

¹⁰ Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Nahum 1:10 Iomraidhean Croise

II Samuel 13:28

Y-Apsalôm ntĭnh ma phung oh mon păng: “Kâp uănh tơlah nuih n'hâm Y-Amnôn maak yor ndrănh, jêh ri tơlah gâp lah ma khân may: ‘dong hom Y-Amnôn,’ pônây nkhĭt hom păng ro yơh. Lơi klach ôh! Mâu di hĕ gâp nơm yơh đă ma khân may ƀư nau nây? Ăn khân may nănh janh jêh ri mpơl nau janh ktang!”

Nau Mprơ Ơm 118:12

Khân păng gŭ jŭm gâp nâm bu me sŭt; Ƀiălah bu su khân păng nâm bu ŭnh sa lok; Ma amoh Brah Yêhôva gâp ƀư rai khân păng!

Nau Mprơ Ơm 68:2

Roh rai nâm bu nhhŭk ŭnh Kôranh Brah mra ƀư ma khân păng rai lêk lơi kơt nây lĕ; Tâm ban ma mpêt lêk tâm ŭnh Pônây yơh phung ƀai mra roh rai tanăp măt Brah Ndu kơt nây lĕ.

Nau Ngluh Êjipt 15:7

Ma nau rnam dŭt prêh ngăn, May dơi lơh phung rlăng. May mpơl nau ji nuih, Su khân păng nâm bu ŭnh sa rhe.

Nau Ngluh Êjipt 5:12

Phung ƀon lan hăn bra lam bri Êjipt gay ma dônh bun jia kro ntrok ƀư rhe.

Êsai 27:4

Gâp mâu hôm ji nuih ôh. Lah păng knŏng deh rtau lok jêh ri pih pŭm, Gâp mra hăn tâm lơh đah khân păng, Gâp mra su lơi khân păng ndrel n'grŭp.

Êsai 47:14

Aơ, khân păng mra plơ̆ jêng tâm ban ma rhe, Ŭnh sa; Khân păng mâu dơi tâm rklaih khân păng nơm ôh Bơh nau brah mpiăt ŭnh; Ŭnh aơ mâu jêng ôh tâm ban ma ônh rnga bu njâr, Mâu lah gŭ pĭt ŭnh.

Êsai 5:24

Yor nây, tâm ban ma mpiăt ŭnh sa rhe, Jêh ri gơ̆ kro roh rai tâm mpiăt ŭnh, Tâm ban pônây lĕ reh khân păng mra ôm rai Jêh ri kao khân păng mra khôm rdu tâm ban ma ndruyh neh; Yorlah khân păng dun jêh nau ntrŭnh bơh Brah Yêhôva ma phung tahan, Jêh ri uănh mâu khlay nau Nơm Kloh Ueh Israel ngơi.

Êsai 56:12

Khân păng jă ndrăng khân păng: “Văch hom, gâp mra sŏk ndrănh, He mra nhŭl yor ndrănh dăng; Nar ôi taơ tâm ban đŏng ma nar aơ, Jêh ri nau khlay rlau lơn ma nĕ.”

Êsai 9:18

Yor nau Brah Yêhôva ma phung tahan ji nuih, Bri neh ŭnh sa, phung ƀon lan jêng tâm ban ma ndơ ăn ŭnh sa. Bu mâu geh nhhuach ôh ma oh nâu păng.

Yêrêmi 51:39

Dôl khân păng duh nuih janh ngăn, Gâp mra nkra nau sông sa ăn ma khân păng nhŭl hơm, ăn ma khân păng troh gơm, Jêh ri n'ho lêt bê̆ch, Mâu hôm kah rngăl đŏng ôh.” Brah Yêhôva lah pônây.

Yêrêmi 51:57

Hađăch, amoh Păng jêng Brah Yêhôva ma phung tahan lah: Gâp mra ƀư ma phung kôranh, phung blau mĭn, Phung kôranh toyh, phung kôranh chiă uănh, jêh ri phung tahan ktang păng nhŭl ndrănh, Khân păng mra lêt bê̆ch mro, Mâu hôm kah rngăl ôh.”

Mika 7:4

Bunuyh ueh lơn tâm khân păng jêng tâm ban ma lok mâng glâng, Bi ma nơm sŏng lơn tâm khân păng jêng mhĭk lơn ma n'gar pôm lok. Nar ma phung gak njrăng may, Nây jêng nar tâm rmal ma may lĕ tât jêh; Aƀaơ aơ nôk uh ah ma khân păng.

Nahum 3:11

Ay tâm ban lĕ, mra nhŭl ndrănh Jêh ri du krap; Tâm ban lĕ may nơm mra joi Ntŭk du krap bơh phung rlăng.

Malachi 4:1

Brah Yêhôva ma phung tahan lah: “Nĕ, nar nây dăch tât, mra hĭt nâm bu ŭnh năk. Lĕ rngôch phung sưr, lĕ rngôch phung djơh mhĭk mra jêng nâm bu rhe. Nar nây tât mra su khân păng, mâu hôm om ôh ma khân păng reh mâu lah n'gĭng.

I Samuel 25:36

H'Abigêl plơ̆ sĭt ma Y-Nabal. Aơ, Y-Nabal dôl ƀư nau nhêt sa tâm ngih păng, nâm bu nau nhêt sa ma hađăch. Y-Nabal răm maak ngăn tâm trôm nuih n'hâm jêh ri yorlah păng lĕ nhŭl ndrănh hâu ngăn jêh, pôri H'Abigêl mâu nkoch ôh du ntil ndơ ma păng, nđâp lah nau toyh mâu lah jê̆, kŏ tât kêng ang ôi.