Mika 7:9 - Nau Brah Ndu Ngơi 2023

⁹ Gâp mra dơn nau Brah Yêhôva ji nuih Yorlah gâp ƀư tih jêh đah Păng, Kŏ tât Păng koh dŏng an ma yor dôih gâp Jêh ri phat an dôih ma gâp, Pôri Păng mra njŭn leo gâp tât ma nau ang, Gâp mra saơ nau sŏng srăng Păng.

Mika 7:9 Iomraidhean Croise

II Samuel 24:17

Saơ tông mpăr rmal phung ƀon lan, Y-Đavit ngơi ma Brah Yêhôva: “Gâp nơm hŏ ƀư tih jêh, gâp nơm ƀư jêh ma nau ƀai. Ƀiălah phung biăp aơ, moh nau khân păng mâp ƀư jêh? Mbơh sơm ti Kôranh Brah rmal ma gâp jêh ri ma ngih mbơ̆ gâp!”

Ndrom Samƀŭt bơh Yôp 23:10

Ƀiălah Kôranh Brah gǐt trong gâp hăn, Tơlah Păng rlong uănh jêh gâp, gâp mra jêng nâm bu mah.

Ndrom Samƀŭt bơh Yôp 35:14

Lơ hâu lah may lah pô aơ may mâu saơ Păng, May mbơh jêh nau di ma Păng jêh ri mra gŭ kâp Păng phat dôih!

Nau Mprơ Ơm 119:154

Dăn May koh dŏng rplay gâp ngơi jêh ri sâm chuai gâp; Ƀư an gâp dơi rêh tĭng nâm nau May ton.

Nau Mprơ Ơm 37:6

Păng mra njêng nau sŏng srăng may mpơl nâm bu nau ang. Jêh ri nau di may tâm mpơl nâm bu nôk nar.

Nau Mprơ Ơm 43:1

Ơ Brah Ndu! Dăn phat dôih ma gâp, Jêh ri koh dŏng nau gâp tâm rdâng đah du huê phung mâu chroh; Tâm rklaih hom gâp Bơh phung bunuyh ndơm jêh ri djơh mhĭk.

Nau Mprơ Ơm 7:6

Ơ Brah Yêhôva, dăn dâk hom jêh ri ji nuih; Dăn tâm rdâng đah nau ji nuih ma phung rlăng gâp. Kah rngăl hom jêh ri kơl gâp; May hŏ nal jêh nau phat dôih.

Nau Mprơ Ơm 94:15

Nau di mra plơ̆ sĭt ma nau phung sŏng srăng, Jêh ri lĕ rngôch phung geh nuih n'hâm sŏng mra tĭng nau nây.

Êsai 42:16

Gâp mra njŭn phung chieh măt hăn ta trong khân păng mâu mâp gĭt năl ôh, Têk khân păng tâm lĕ trong jê̆ ê hŏ gĭt ôh. Gâp mra rgâl nau ngo tanăp khân păng jêng nau ang, Lĕ ntŭk neh nduh ndăp jêng neh lâng. Ngăn yơh, Gâp mra ƀư lĕ nau nây, Jêh ri mâu mra chalơi khân păng ôh.

Êsai 42:7

Gay pơk măt phung chieh măt, Ngluh phung bu nă bơh ndrung bu krŭng, Phung gŭ tâm nau ngo ngluh bơh ndrung bu krŭng.

Êsai 46:13

Gâp njŭn nau sŏng srăng Gâp văch dăch, păng mâu gŭ ngai ôh, Nau Gâp tâm rklaih mâu mra gŭ kâp jŏ ôh. Gâp mra ăn nau tâm rklaih tâm ƀon Siôn, Ăn nau chrêk rmah Gâp ma phung Israel.”

Êsai 51:22

Kôranh Brah jêng Brah, Yêhôva, Brah Ndu may Jêng Nơm ngơi n'gang ma phung ƀon lan Păng, lah pô aơ: “Aơ, Gâp sŏk lơi jêh kachok nau hăn ndĭt ndĭl bơh ti may, Jêng kachok nau Gâp ji nuih; May mâu mra nhêt đŏng ôh.

Êsai 56:1

Brah Yêhôva lah: “Djôt prăp hom nau sŏng Jêh ri ƀư hom nau sŏng srăng, Yorlah nau Gâp tâm rklaih dăch jêh, Nau sŏng srăng Gâp dăch tâm mpơl jêh.

Yêrêmi 10:19

Rêh ni ăn ma gâp yorlah gâp geh sôt rmanh! Têl sôt gâp glăm ngăn! Ƀiălah gâp mĭn: “Klăp lah aơ jêng nau ji, Gâp mra mbăk dơn.”

Yêrêmi 14:7

“Ơ Brah Yêhôva, nđâp lah nau mhĭk hên ƀư mbơh nau tâm rdâng đah hên, Ăn yor amoh May ƀư yơh! Yorlah âk tơ̆ hên mâu răp jăp đah May; Hên hŏ ƀư tih đah may jêh.

Yêrêmi 51:10

‘Brah Yêhôva koh dŏng ăn ma he. Văch hom, ăn he mbơh nkoch tâm ƀon Siôn Nau kan Yêhôva Brah Ndu he.’

Nau Nhĭm Vơl 1:18

“Brah Yêhôva jêng Nơm sŏng srăng, Yorlah gâp hŏ tâm rdâng jêh đah nau păng ntĭnh. Iăt hom, hơi lĕ rngôch phung ƀon lan, Uănh hom ma nau rêh ni gâp! Phung bu klâu ndăm, bu ur druh gâp Lĕ hăn ƀư bu nă jêh.

Kan Lêvi 26:41

yor ri Gâp tâm rdâng jêh ri nsot khân păng mŭt tâm n'gor phung rlăng; tơlah nuih n'hâm mâu koh ntâu khân păng gĭt trŭnh jêh ri tông nau phat dôih yor nau tih mhĭk khân păng nơm,

Malachi 3:18

Nôk nây, khân may mra plơ̆ sĭt jêh ri saơ nau êng ngăn tâm phung sŏng srăng jêh ri phung djơh mhĭk, tâm phung pah kan ma Brah Ndu jêh ri đah phung mâu pah kan ma Păng.”

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.

II Timôthê 4:8

Ntơm aƀaơ đon hađăch nau sŏng srăng rơm ndrăp jêh ma gâp; Kôranh Brah jêng kôranh phat dôih sŏng mra ăn đon nây ma gâp tâm nar nây, ƀiălah mâu di knŏng ma gâp ôh ƀiălah nđâp ma phung rŏng ma nau Păng văch.

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”

I Samuel 24:15

Mbu hađăch phung Israel ŭch lơh? Mbu moh may ŭch tĭng? Du mlâm so khĭt! Du mlâm si so!

I Samuel 25:39

Tơlah Y-Đavit gĭt ma Y-Nabal lĕ khĭt jêh, păng lah: “Tâm rnê ngăn ma Brah Yêhôva, yorlah Păng hŏ koh dŏng jêh gâp ma nau Y-Nabal ƀư bêk prêng ma gâp, jêh ri mât mray jêh oh mon Păng tă bơh nau ƀư mhĭk! Brah Yêhôva ƀư ăn jêh ma nau djơh mhĭk Y-Nabal nkhŭt tay klơ bôk păng nơm!” Jêh nau nây, Y-Đavit prơh bunuyh hăn ôp H'Abigêl gay ăn păng jêng ur păng.

I Samuel 26:10

Y-Đavit ngơi lah đŏng: “Nanê̆ tĭng nâm Brah Yêhôva gŭ rêh mro mrăng, Brah Yêhôva mra dong păng, mâu lah tơlah tât nar păng khĭt êng, mâu lah tơlah păng hăn tâm lơh mra rai lôch.

I Samuel 3:18

Pôri, Y-Samuel nkoch tay lĕ rngôch nau, mâu pôn mo du ntil nau ma păng ôh. Y-Êli lah: “Nây jêng Brah Yêhôva, ăn Păng ƀư nau nây tĭng nâm nau Păng mĭn ueh!”