Mika 7:5 - Nau Brah Ndu Ngơi 2023

⁵ Lơi ta iăt nchroh ôh bunuyh chiau meng Jêh ri lơi ăn ôh nuih n'hâm may rnơm nsing mĭt jiăng may; Njrăng hom, lơi dĭng ngơi trôm mbung may Ndrel ma bu ur bê̆ch ta ntang ntơh may.

Mika 7:5 Iomraidhean Croise

Nau Mprơ Ơm 141:3

Ơ Brah Yêhôva, dăn mât mơh trôm mbung gâp Jêh ri njrăng ma trô yoi gâp, tơlah păng hă.

Nau Mprơ Ơm 38:14

Ngăn yơh, gâp jêng tâm ban ma du huê bunuyh mâu tăng, Mbung mâu gĭt nau tâm rlăch du ntil nau.

Nau Mprơ Ơm 41:9

Nđâp ma mĭt jiăng dăch lơn nuih n'hâm gâp rnơm nsing, Vay sa ƀănh gâp ăt yơk ndơl jâng tâm rdâng đah gâp.

Yêrêmi 9:3

“Khân păng van mpiăt khân păng nâm bu van na Khân păng chiă uănh tâm n'gor đah nau mƀruh Mâu di đah nau nanê̆ ngăn ôh. Khân păng hăn bơh nau mhĭk aơ tât nau mhĭk ri, Ƀiălah mâu gĭt năl Gâp.” Brah Yêhôva lah pônây.

Yêrêmi 9:4

Ăp nơm mra njrăng ma nơm chiau meng, Lơi ta rnơm ir ôh du huê oh nâu êng; Yorlah oh nâu mra ndơm ndrăng oh nâu, Bi ma phung chiau meng hăn ngơi nchơt.

Nau Nhĭm Vơl 1:2

Păng nhĭm dôl măng bêng ma nau rngot, Dak măt hoch tât ta trôm bom. Ta nklang lĕ rngôch phung rŏng ma păng rnôk kăl e, Mâu geh ôh nơm bonh leng păng. Phung mĭt jiăng tâm rdâng ma păng, Jêng phung tâm rlăng.

Mathay 10:16

“Aơ, Gâp njuăl khân may hăn nâm bu biăp ta nklang phung so bri. Pôri ăn khân may blau mĭn nâm bu bêh, jêh ri mleh nâm bu plŭk.

Phung Kôranh Phat Dôih 14:17

Dôl pơh nar nau nhêt sa, păng ăt nhĭm tanăp păng. Nar năng pơh, păng rblang ma păng, yorlah păng ăt bonh leng păng. Jêh nau nây, păng rblang nau nchroh n'hôr nây ma phung băl păng.