Mika 7:4 - Nau Brah Ndu Ngơi 2023

⁴ Bunuyh ueh lơn tâm khân păng jêng tâm ban ma lok mâng glâng, Bi ma nơm sŏng lơn tâm khân păng jêng mhĭk lơn ma n'gar pôm lok. Nar ma phung gak njrăng may, Nây jêng nar tâm rmal ma may lĕ tât jêh; Aƀaơ aơ nôk uh ah ma khân păng.

Mika 7:4 Iomraidhean Croise

Êsai 10:3

Moh nau khân may mra ƀư tơlah tât nar tâm rmal, Lah nau ƀư rai tât ma khân may bơh ngai? Ntŭk êp khân may mra du gay ma geh nau kơl? Ta ntŭk khân may mra prăp nau ndrŏng khân may?

Êsai 22:5

Nanê̆ ngăn jêng du nar klach krit, nau tŭn jot jêh ri nau rlŭk rlăk, Dơi mpơl ta rlŭng nau tâm saơ Yorlah Kôranh Brah jêng Brah Yêhôva ma phung tahan; Mpêr ƀon ƀư rai jêh, Nau kuăl rklaih huy tât ta yôk.

Êsai 55:13

Tơm si mirtơ mra hon ntrok ma pŭm lok, Jêh ri tơm si mirtơ mra hon ntrok ma lok rting; Nau nây mra jêng ndơ gĭt năl ma amoh Brah Yêhôva, Jêh ri jêng du nau tâm mbên n'ho ro, mâu mâp ƀư rai ôh.”

Yêrêmi 10:15

Khân păng jêng dơm dam ngăn, du ntil ndơ pâl; Tât nar tâm rmal khân păng mra khân păng mra rai yot.

Yêrêmi 11:23

mâu mra hôm du huê nơm klen rêh ôh. Yorlah tât năm phat dôih, Gâp mra ăn nau mhĭk tât ta klơ phung ƀon lan Anathôt.’”

Yêrêmi 46:21

Nđâp ma phung tahan tâm lơh nkhôm gŭ ta nklang păng Nâm bu kon ndrôk lay ueh; Ƀiălah ndôn kơi nchuăt du da dê, Mâu dơi tâm rđâng ôh. Yorlah nar mhĭk tât, nar tâm rmal, Hŏ tât jêh ta klơ khân păng.

Yêrêmi 8:12

Khân păng ƀư nau ƀơ̆ ƀơch, di nau bêk prêng, Ƀiălah khân păng mâu saơ nau bêk prêng ôh, Ăt mâu gĭt mâm nau bêk prêng. Yor nây, khân păng mra chêh prah ta nklang phung chêh prah; Tât nar Gâp phat dôih, khân păng mra cha lôt,’” Brah Yêhôva lah pônây.

Êsêkiêl 2:6

Ƀiălah hơi kon bunuyh, lơi may klach khân păng ôh jêh ri mâu lĕ klach ma nau khân păng ngơi, nđâp lah rtau lok gŭ jŭm may jêh ri may gŭ tâm nklang ndŭr vơng kđôi lĕ. Lơi ta klach ôh ma nau khân păng ngơi jêh ri klach krit dôl tâm mâp măt đah khân păng yorlah khân păng jêng ngih vay mơng tâm rdâng.

Êsêkiêl 28:24

Ngih Israel mâu hôm geh tôt lok nau djơh mâu lah lok mplanh ƀư ji đŏng ôh, nây jêng lĕ bri dak chiau meng ơm ƀư đah păng ma nau mưch rmot. Rnôk nây, khân păng mra gĭt Gâp jêng Kôranh Brah Yêhôva.’”

Amôt 8:2

Rnôk nây Păng lah: “Hơi Y-Amôt, moh may saơ?” Gâp lah: “Du bĭ play tơm si yan ta vai.” Brah Yêhôva lah tay ma gâp: “Nau nglĕ dŭt tât jêh ma phung ƀon lan Israel Gâp; Gâp mâu mra nhhuach ma khân păng ôh.

Nahum 1:10

Yorlah nđâp lah khân păng tâm pêng nâm bu pŭm lok Jêh ri ndĭt ndiu nâm bu phung nhŭl ndrănh, Khân păng mra ŭnh sa nâm bu rhe kro.

Luka 21:25

Mra geh nau mbên tâm nar, tâm khay, jêh ri tâm phung mănh, tâm neh ntu mra geh nau uh ah tâm phung mpôl băl bunuyh. Khân păng mâu gĭt, mâm ƀư tăng nteh dak mƀŭt jêh ri dak sial njach.

ហេឞ្រើ 6:8

Ƀiălah tơlah ntŭk neh knŏng hon lok jêh ri gơ̆ mhĭk, păng mâu geh nau khlay ôh jêh ri geh nau rtăp rak, tât nglĕ dŭt bu su păng tâm ŭnh.