Mika 7:3 - Nau Brah Ndu Ngơi 2023

³ Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Mika 7:3 Iomraidhean Croise

Nau Hôr 16:30

Mbu nơm nhêp măt tâm nchră nau mhĭk, Mbu nơm kăp mbung ƀư nau kue.

Nau Hôr 17:23

Bunuyh ƀai dơn ndơ bu blŏl ma nau ndâp Gay ƀư vĭ mâng njing nau di.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 26:21

Yorlah aơ, Brah Yêhôva mra luh bơh ntŭk Păng gŭ Gay tâm rmal nau tih ma phung gŭ ta neh ntu. Rnôk aơ, neh ntu mra tâm mpơl mham Jêh ri mâu hôm nkŭm ôh phung bu hŏ nkhĭt jêh.

Êsai 3:5

Phung ƀon lan mra tâm tŭn jot ndrăng khân păng, Nơm aơ đah nơm ri, Phung chiau meng đah chiau meng. Kon se suai rak đah bu ranh, Bunuyh dơm dam tŭn jot ma nơm bu yơk.

Êsai 32:7

Phung ƀlăch ƀlêr dŏng ndơ tâm lơh mhĭk, Mĭn ma nau ƀư ƀai jêh ri nau ngơi mƀruh, Gay ƀư mhĭk phung dêh rhêt jêh ri phung o ach, Nđâp tơlah nau khân păng dăn jêng di.

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Yêrêmi 3:5

Di lĕ May ji nuih mro mrăng, Jêh ri nau ji nuih n'ho ro?’ Aơ, nđâp lah hŏ ngơi tâm ban pônây, May ăt ƀư nau mhĭk may nơm ŭch.”

Yêrêmi 4:22

“Phung ƀon lan Gâp rluk ngăn, Khân păng mâu gĭt năl Gâp ôh. Nây jêng du huê phung kon se rluk, Mâu geh nau gĭt rbăng, Blau ƀư nau mhĭk, Ƀiălah mâu gĭt ƀư nau ueh ôh.”

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 22:6

Uănh hom, phung kôranh Israel gŭ tâm may, ăp nơm sŏk tĭng nau dơi chiă uănh da dê ƀư pling mham.

Êsêkiêl 34:21

Yorlah khân may mbeng ma pŭng vĕ jêh ri ntrôl ma săng nglik, gĕ ma nke lĕ rngôch biăp lĕ hươi kŏ tât nôk khân may ƀư nchah rai nhhơt khân păng luh padih.

Êsêkiêl 9:9

Păng lah ma gâp pô aơ: “Nau tih mhĭk ngih Israel jêh ri Yuđa hŏ toyh hâu ngăn. Bri neh bêng ma nau pling mham, tâm ƀon bêng nau mâu sŏng yorlah khân păng lah pô aơ: ‘Brah Yêhôva hŏ chalơi jêh bri neh aơ, Brah Yêhôva mâu saơ ôh.’

Ndrom Samƀŭt bơh Ôsê 4:18

Khân păng nhêt sa nhŭl hơm, Jêh nây dah ma ƀư nau ka n'hong; Khân păng ŭch ngăn nau bêk prêng rlau lơn ma nau chrêk rmah.

Ndrom Samƀŭt bơh Ôsê 7:3

Khân păng sŏk nau djơh mhĭk khân păng ƀư maak nuih n'hâm hađăch, Sŏk nau mƀruh ƀư di nuih n'hâm phung kôranh.

Amôt 5:12

Yorlah Gâp gĭt nau ƀư tih khân may âk ir, Nau tih khân may mâu hôm dơi kơp; Khân may tŭn jot phung sŏng srăng, Dơn sŏk drăp bu blŏl, Jêh ri mâu koh dŏng nau di ma phung o ach tâm ntŭk mpông ƀon.

Mika 2:8

Ƀiălah mhe aƀaơ pơ, phung ƀon lan Gâp du dâk nâm bu phung rlăng. Khân may hŏ nkhơng ma doh ao jâr Ndơ phung bunuyh hăn rgăn trong, Tâm ban nâm bunuyh plơ̆ sĭt tă hăn tâm lơh.

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 3:2

Khân may jêng phung ji nuih đah nau ueh, ŭch ma nau mhĭk; N'huk ntâu phung ƀon lan Gâp Jêh ri tah doih puăch tă bơh nting khân păng.

Mathay 26:15

jêh ri lah pô aơ: “Moh ndơ khân may ŭch ăn ma gâp tơlah gâp jao Păng ma khân may?” Khân păng ăn ma păng pe jât rêl prăk.

I Kôrintô 4:5

Pôri, lơi dĭng phat dôih gơnh ir, gŭ kâp hom Kôranh Brah plơ̆ văch; Păng mra mpơl ta ntŭk ang lĕ rngôch moh nau pôn jêh tâm ntŭk ngo, jêh ri mpơl lĕ nau ŭch tâm nuih n'hâm. Nôk nây, ăp nơm mra dơn nau tâm rnê tă bơh Brah Ndu.