Mika 7:2 - Nau Brah Ndu Ngơi 2023

² Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Mika 7:2 Iomraidhean Croise

Nau Mprơ Ơm 10:9

Păng gŭ krap tâm ntŭk ndâp nâm bu yau mŭr tâm trôm, Păng gŭ krap gay ma nhŭp phung rêh ni; Păng têk bunuyh o ach lăp tâm nhuăl gay nhŭp khân păng.

Nau Mprơ Ơm 12:1

Hơi Brah Yêhôva! Dăn rklaih hên yorlah bunuyh klach yơk mâu hôm geh đŏng ôh, Bunuyh răp jăp hŏ du roh jêh ta bơh phung kon bunuyh.

Nau Mprơ Ơm 12:2

Khân păng dŏng nau ngơi mƀruh gay nkoch bri ndrăng khân păng nơm, Sŏk bâr mbung ngơi lĕ nau nklă ƀiălah nuih n'hâm ma nau mƀruh ndơm.

Nau Mprơ Ơm 57:6

Khân păng nthăng nhuăl tâm dâng jâng gâp, Huêng gâp mpât n'gơ. Khân păng kuyh ntu jru tanăp gâp Ƀiălah khân păng nơm tŭp ta nây. (Sêla)

Nau Hôr 1:11

Tơlah khân păng lah: “Văch hom ndrel ma hên, gay kâp dâp ƀư nkhŭt mham păng, Rmoch gay ƀư rai bunuyh mâu geh nau tih;

Nau Hôr 12:6

Nau ngơi phung ƀai rmoch ƀư pling mham, Ƀiălah mbung phung sŏng tâm rklaih bunuyh.

Êsai 3:5

Phung ƀon lan mra tâm tŭn jot ndrăng khân păng, Nơm aơ đah nơm ri, Phung chiau meng đah chiau meng. Kon se suai rak đah bu ranh, Bunuyh dơm dam tŭn jot ma nơm bu yơk.

Êsai 57:1

Nơm sŏng srăng khĭt, Bu mâu klâng rvê; Bu nhŭp lơi bunuyh ueh, Ƀiălah mâu geh nơm gĭt rbăng pô aơ: Yor ma nau mhĭk dăch tât, Dĭng bu nhŭp rdu lơi nơm sŏng srăng;

Êsai 59:7

Jâng khân păng nchuăt tât nau mhĭk, Khân păng ndal ƀư pling mham phung mâu geh nau tih; Nau mĭn khân păng jêng nau mĭn kue, Nau ƀư roh jêh ri nau ƀư rai gŭ ta trong khân păng.

Êsai 9:19

Khân păng sŏk ndơ pa ma ƀiălah ât ji ngot, Khân păng sa ndơ pa chiau ƀiălah ăt mâu hơm ôh; Ăp nơm sa nglay săk kon păng nơm.

Yêrêmi 16:16

Brah Yêhôva lah: “Aơ, Gâp prơh joi âk phung blau seng ka tât nhŭp khân păng. Jêh nây, Gâp prơh joi âk phung nchron gay nchron khân păng ta klơ ăp yôk, ăp gôl, jêh ri tâm ăp nđa lŭ.

Yêrêmi 5:16

Dĭng Kăm hăr khân păng nâm bu môch blang pơk lĕ; Lĕ rngôch khân păng jêng phung tahan ktang da dê.

Yêrêmi 5:26

Yorlah nklang ƀon Gâp geh phung ƀai; Khân păng vơr rmiăt nâm bu bunuyh dăk sĭm, Sân dăk nhŭp bunuyh.

Yêrêmi 8:6

Gâp rkêng tôr iăt tăng jêh, Ƀiălah khân păng mâu ngơi ngăn ôh, Mâu geh du huê rmal nau ƀai păng nơm, Hôm ngơi: “Gâp mâu geh ƀư ôh!” Lĕ rngôch tĭng ndô̆ trong êng da dê Nâm bu du mlâm seh rduh tâm lơh.

Nau Nhĭm Vơl 4:18

Bu n'gơr uănh nhuat jâng hên Gay ma hên mâu dơi hăn rŏ trong; Nau lôch dŭt ma hên hŏ dăch tât jêh! Nar hên hŏ lĕ jêh! Nglĕ dŭt hên hŏ tât jêh!

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Êsêkiêl 24:6

Yor nây, Brah Yêhôva lah: ‘Rêh ni ngăn ma ƀon pung mham, Rêh ni ma glah lĕ ek găm Ek găm nây mâu jut kloh ôh! Sŏk hom du mlay du mlay ăn kŏ tât lĕ, Mâu sŏk tâm nchroh mâu lah săch ôh.

Ndrom Samƀŭt bơh Ôsê 5:1

“Hơi phung kôranh ƀư brah, iăt hom nau aơ; Hơi ngih Israel, rkêng tôr iăt hom; Hơi ngih hađăch, iăt hom! Nau tâm rmal prăp ma khân may Yorlah khân may hŏ jêng dăk bu sân ta ƀon Mispa Jêh ri nhuăl bu drăng ta yôk Tabor.

Ndrom Samƀŭt bơh Ôsê 6:9

Nâm bu phung ntŭng gŭ moch du huê bunuyh hăn rgăn, Tâm ban lĕ phung kôranh ƀư brah nkhĭt bunuyh, Rŏ trong hăn tât ma ƀon Sichem, Khân păng ƀư âk hâu ngăn nau djơh mhĭk!

Mika 2:8

Ƀiălah mhe aƀaơ pơ, phung ƀon lan Gâp du dâk nâm bu phung rlăng. Khân may hŏ nkhơng ma doh ao jâr Ndơ phung bunuyh hăn rgăn trong, Tâm ban nâm bunuyh plơ̆ sĭt tă hăn tâm lơh.

Mika 3:10

Khân may sŏk mham ndâk ƀon Siôn Jêh ri sŏk nau djơh mhĭk ndâk ƀon Yêrusalem,

Mika 3:2

Khân may jêng phung ji nuih đah nau ueh, ŭch ma nau mhĭk; N'huk ntâu phung ƀon lan Gâp Jêh ri tah doih puăch tă bơh nting khân păng.

Sakari 11:6

Brah Yêhôva lah: “Nanê̆, Gâp mâu mbeh ôh ma phung bunuyh ƀon lan gŭ tâm n'gor bri aơ đŏng. Ƀiălah aơ, Gâp mra jao ăp nơm tâm ti phung chiau meng păng jêh ri tâm ti hađăch păng. Khân păng mra jot plên bri neh, jêh ri Gâp mâu mra tâm rklaih ôh khân păng tă bơh ti phung nây.”

Kôranh Oh Mon 24:9

Phung Yuđa geh tâm di du ai nuih n'hâm đah nau phong nây jêh ri lah nanê̆ di ngăn kơt nây.

I Samuel 24:11

Aơ, uănh hom! Măt may nơm lĕ saơ jêh nar aơ, tâm trôm lŭ, Brah Yêhôva hŏ jao jêh hađăch tâm ti gâp. Bu nsŭk gâp nkhĭt hađăch, ƀiălah gâp chalơi om hađăch, jêh ri lah: ‘Gâp mâu mra yơr ti ƀư mhĭk ma kôranh gâp ôh, yorlah hađăch jêng nơm Brah Yêhôva tŏ dak ƀâu kah jêh.’

I Samuel 26:20

Pôri aƀaơ, lơi ăn mham gâp hoch ta neh ngai đah tanăp măt Brah Yêhôva; yorlah hađăch phung Israel hŏ leo phung tahan hăn luh gay joi du mlâm si so, nâm bu tĭng nhŭp du mlâm sĭm tat-ta tâm yôk.”