Mika 7:16 - Nau Brah Ndu Ngơi 2023

¹⁶ Lĕ rngôch bri dak saơ nau nây mra geh nau bêk prêng Ma nau dăng khân păng; Khân păng mra dơm ti ta trôm mbung, Jêh ri tôr khân păng mra tê̆k.

Mika 7:16 Iomraidhean Croise

Ndrom Samƀŭt bơh Yôp 21:5

Uănh hom ma gâp jêh ri saơ hih rhâl, Gơnh oi sŏk ti rdêp lơi mbung.

Ndrom Samƀŭt bơh Yôp 40:4

May geh lĕ nting tur dăng nâm bu Brah Ndu? Dơi lĕ may ƀư nteh nglaih nâm bu bâr Păng?

Nau Mprơ Ơm 126:2

Rnôk nây trôm mbung hên bêng ma nau gơm, Mpiăt hên ma nau mprơ troh rhơn. Bu lah ta nklang phung mpôl băl pô aơ: “Brah Yêhôva hŏ ƀư lĕ nau kan dŭt toyh jêh ma khân păng.”

Nau Hôr 30:32

Tơlah may geh rluk ƀiălah n'hao may nơm, Mâu lah tơlah may geh nchră ntil nau mhĭk, Sŏk hom ti rdêp trôm mbung.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 52:15

Đŏng kơt nây, May mra ƀư kloh phung ndŭl mpôl bunuyh; Phung hađăch mra mêm mbung yor May. Yorlah khân păng mra saơ nau bu mâu mâp nkoch bri ma khân păng ôh, Jêh ri mra gĭt rbăng nau khân păng mâu mâp tăng ôh.

Êsai 66:18

“Bi Gâp, Gâp gĭt năl nau kan jêh ri nau mĭn khân păng. Tât năng, Gâp mra văch tâm rƀŭn lĕ rngôch bri dak jêh ri lĕ rngôch nau ngơi; khân păng mra văch jêh ri saơ nau chrêk rmah Gâp.

Êsêkiêl 38:23

Nâm pônây, Gâp mra tâm mpơl nau toyh jêh ri nau kloh ueh Gâp, jêh ri Gâp mra dơi gĭt năl tra năp măt âk mpôl băl bunuyh. Khân păng mra gĭt Gâp jêng Brah Yêhôva.’”

Mika 3:7

Phung geh nau tâm saơ mra prêng Jêh ri phung mbơh lor bu mra ntêh rmot. Lĕ rngôch mra rdêp mbung nơm da dê Yorlah mâu geh ôh nau plơ̆ lah tă bơh Brah Ndu.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Ndrom Samƀŭt bơh Agê 2:22

Gâp mra nklơ̆ lơi sưng hađăch phung kôranh hađăch, ƀư roh lơi nau dơi lĕ rngôch ƀon bri hađăch neh ntu. Gâp mra nklơ̆ lơi ndeh seh nđâp phung ƀĭt gai; phung seh tâm lơh jêh ri phung tahan ncho seh mra cha lôt khĭt yor đao bơh oh nâu khân păng nơm.’”

Sakari 12:9

“Tâm nar nây, Gâp mra joi gay ƀư rai lĕ rngôch phung ntil mpôl bunuyh văch tât tâm rdâng đah ƀon Yêrusalem.”

Samƀŭt Pôl Njuăl Ăn Ma Phung Nsing Ta Ƀon Rôm 3:19

He gĭt lĕ nau vay lah, jêng lah ma phung gŭ tâm dâng nau vay gay ma lĕ rngôch trôm mbung gŭ rklăk da dê, jêh ri lĕ rngôch bunuyh ta neh ntu dơn nau tih tanăp Brah Ndu;

Nau Tâm Mpơl 11:18

Phung mpôl băl bunuyh ji nuih hâu ngăn; Ƀiălah nau May ji nuih tât jêh, Jêng mông phat dôih ma phung khĭt, Ăn nau nkhôm ma phung oh mon May, phung nơm mbơh lor, phung kloh ueh, Jêh ri phung klach yơk ma amoh May, Lĕ phung jê̆ nđâp ma phung toyh, Jêh ri ƀư rai phung ƀư rai neh ntu.”