Mika 7:11 - Nau Brah Ndu Ngơi 2023

¹¹ Nar ndâk tay mpêr ƀon mra tât, Jêng nar pơk huy n'har bri.

Mika 7:11 Iomraidhean Croise

Nêhêmi 2:17

Gâp lah ma khân păng: “Khân may hŏ saơ jêh he dôl gŭ tâm nau rêh ni, Yêrusalem hŏ roh rai jêh ri lĕ mpông ƀon păng lĕ ŭnh sa jêh. Văch hom, ăn he ndâk đŏng mpêr ƀon Yêrusalem, gay mâu hôm dơn nau bêk prêng đŏng ôh.”

Nêhêmi 2:8

Dăn ăn đŏng du pŏk samƀŭt ntrŭnh njuăl ma Y-Asap, nơm mât bri krŏng ma hađăch, gay ma păng ăn ma gâp tơm si ƀư meh mpông ƀon ta meng ngih brah jêh ri ƀư mpêr ƀon nđâp ngih ma gâp mra gŭ ta nây.” Yorlah ti ueh bơh Brah Ndu gâp kơl an gâp, hađăch ăn ro ma gâp lĕ nau nây.

Nêhêmi 4:3

Y-Tôbia, bunuyh Ammôn, dâk dăch păng jêh ri lah pô aơ: “Ơ, ndơ khân păng ndâk nây tơlah geh du mlâm mpik hao njŏ ta klơ nây, păng mra ƀư rlâm lơi lŭ pêr khân păng!”

Nêhêmi 4:6

Pônây hên ndâk mpêr ƀon ma tât nôk lĕ pêr tâm njĭr ndrel da dê jêh ri n'hao tât du n'gul prêh klơ, yorlah phung ƀon lan ƀư kan lĕ nuih n'hâm khân păng.

Êsai 54:11

“Ơ phung rêh ni, nơm phŭt sial ktang rpuh đô̆, jêh ri nơm mâu geh bonh leng ôh, Aơ, gâp sŏk lŭ saphir ƀư lŭ gay ndâk ngih may, Jêh ri gâp mra dơm mbon may ma lŭ ônik.

Êsai 54:2

Ƀư huy hom ntŭk ngih bok ay, Ăn bu lăk ăn dĭ bok nching ntŭk ay gŭ; Nthăng rse ăn jong, Ƀư nâp mâng rdâng!

Êsai 58:12

Phung ƀon lan may mra ndâk tay lĕ ntŭk rlâm rai rnôk kăl e; May mra ndâk tay lĕ mbon ơm bơh âk rô̆ kăl e. Bu mra kuăl may jêng Nơm nkra tay lĕ trôm bluh mpêr ƀon, Jêh ri Nơm nkra tay trong tâm ƀon phung ƀon lan gŭ.

Êsai 61:4

Khân păng mra rdâk tay lĕ ntŭk rlâm rai rnôk kăl e, Rdâk đŏng lĕ ntŭk rngot njăp panăp; Nkra tay lĕ rngôch ƀon rai jêh, Jêng lĕ ntŭk rngot njăp hŏ âk năm jêh.

Daniel 9:25

Pônây ăn may gĭt jêh ri gĭt rbăng ntơm bơh geh nau ntrŭnh njêng tay jêh ri rdâk tay ƀon Yêrusalem kŏ Nơm Dơn Tŏ Dak Ƀâu Kah tât, pôri geh pơh năng pơh jêh ri prao jât ma bar năng pơh. Ƀon nây bu dơi rdâk tay, geh trong jêh ri pôih nâp, dôl rnôk jêr jŏt ngăn.