Mika 7:10 - Nau Brah Ndu Ngơi 2023

¹⁰ Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Mika 7:10 Iomraidhean Croise

II Samuel 22:43

Gâp mbang hăch khân păng nâm bu neh muy, Ƀư nchah rai, jot khân păng nâm bŏk rŏ trong.

Nau Mprơ Ơm 109:29

Ăn phung rlăng đah gâp nsoh nau bêk. Nau bêk prêng nkŭm khân păng nâm bu ao.

Nau Mprơ Ơm 115:2

Mâm ƀư lĕ bri dak nănh ngơi pô aơ: “Ta ntŭk Brah Ndu khân păng?”

Nau Mprơ Ơm 18:42

Gâp ƀư lêk khân păng nâm bu neh muy mpăr tâm sial, Nkhŭt khân păng nâm bu neh bŏk rŏ trong.

Nau Mprơ Ơm 35:26

Ŭch ma phung răm maak nau mhĭk tât ma gâp Mra geh nau bêk prêng jêh ri bêk prêng hâu ngăn. Mbu dâk tâm rdâng đah gâp ma nau sưr, Geh nau nkŭm ma nau bêk prêng jêh ri bu rmot da dê.

Nau Mprơ Ơm 42:10

Dôl phung rlăng nsŭch ma gâp, Ăp nar khân păng ôp ƀaƀơ: “Mbah Brah Ndu may?” Ƀư ma gâp ji ngăn nâm bu pă nting.

Nau Mprơ Ơm 42:3

Ăp nar, bu ôp ma gâp: “Mbah ntŭk Brah Ndu may?” Pôri gâp rvăn dak măt ntrok ma ndơ sông sa Ăp măng nar.

Nau Mprơ Ơm 58:10

Bunuyh sŏng srăng mra maak tơlah saơ nau plơng bôk; Khân păng mra rao jâng tâm mham phung mhĭk.

Nau Mprơ Ơm 79:10

Mâm ƀư phung mpôl băl lah pô aơ: “Mbah ntŭk Brah Ndu khân păng?” Ăn nau har plơng yor mham phung oh mon May hŏ nkhŭt jêh Dơi ƀư nklang phung ƀon lan tanăp hên.

Nau Mprơ Ơm 92:12

Phung sŏng srăng mra hon nâm bu tơm tră, Jêh ri văch ma toyh nâm bu tơm si sêdar ta n'gor Liban.

Êsai 26:11

Ơ Brah Yêhôva, ti May hŏ yơr jêh Ƀiălah khân păng mâu saơ ôh. Ăn khân păng saơ nau May duh nđơr ma phung ƀon lan May, jêh ri khân păng bêk. Ăn ŭnh sa lơi phung rlăng đah May.

Êsai 41:25

Gâp ƀư lư du huê tă bơh mpeh pa lơ, jêh ri păng văch jêh; Păng kuăl amoh Gâp tă bơh mpeh luh nar. Păng mra jot phung kôranh chiă uănh nâm bu jot bŏk neh, Tâm ban ma nơm blau mon glah jot neh tâm dâng jâng.

Yêrêmi 49:15

“Yor nây, Gâp hŏ ƀư jêh ma may jêng jê̆-lê̆ ta nklang lĕ rngôch bri dak, Jêh ri ăp nơm mra mưch rmot.

Yêrêmi 51:24

“Ƀiălah tra năp khân may, Gâp mra mplơ̆ sĭt ma Babilôn jêh ri phung gŭ tâm bri Kaldê ma ăp ntil nau mhĭk khân păng hŏ ƀư jêh tâm ƀon Siôn.” Brah Yêhôva lah pônây.

Yêrêmi 51:51

Hên bêk prêng yorlah tăng nau bu nduyh; Nau prêng nkŭm ta muh măt hên Yorlah phung bu năch hŏ lăp jêh Tâm ntŭk kloh ueh ngih Brah Yêhôva.

Êsêkiêl 7:18

Khân păng mra vân rse bŭt ma bok ƀau, nau krit nkŭm khân păng; lĕ rngôch muh măt prêng da dê, lĕ rngôch bôk poih plưn da dê.

Daniel 3:15

Aƀaơ, tơlah khân may tăng bâr nŭng, bâr dĭng, bâr gong rêng, dĭng vưt, gong rêng loih, gâr jê̆ jêh ri ăp ntil gong kreh huy khân may rơm ndrăp chon mon muh măt yơk mbah ma rup gâp ƀư jêh mra jêng ueh; ƀiălah tơlah khân may mâu chon mbah ôh bu mra klŭp khân may tâm năk ŭnh hit, rlong uănh mbu brah dơi tâm rklaih khân may bơh ti gâp?”

Yôel 2:17

Phung kôranh ƀư brah jêng phung pah kan ma Brah Yêhôva, Nhhiăng nhĭm hom, nter kuăl ta nklang mpông ngih brah jêh ri ta nơng ƀư brah pô aơ: “Ơ Brah Yêhôva, dăn yô̆ nđach ma ƀon lan May, Lơi ăn drăp ndơn May phung mpôl băl bunuyh ƀư bêk prêng jêh ri mưch gơm. Mâm ăn bu ngơi ta nklang phung mpôl băl bunuyh lah pô aơ: ‘Ta ntŭk gŭ Brah Ndu khân păng?’”

Apdia 1:10

Yor nau djơh mhĭk may hŏ ƀư jêh ma oh nâu may Y-Yakôb Nau prêng mra nkŭm may jêh ri bu mra ƀư rai may ƀaƀơ n'ho ro!

Apdia 1:12

Di lah, may lơi troh gơm uănh oh nâu may Tâm nar păng geh nau rêh ri; Lơi ta răm maak Ta nar bu ƀư khĭt oh kon Yuđa; Lơi dĭng ngơi hưn Ta nar păng dơn rêh ni.

Mika 4:11

Nôk nây, geh âk bri dak rgum băl tâm lơh đah may, Khân păng lah: “Ƀư ƀơ̆ ƀơch ăn păng Jêh ri măt he ŭch uănh ma ƀon Siôn!

Mika 7:8

Hơi nơm rlăng gâp, lơi ta răm maak ôh yor gâp. Nđâp lah gâp lĕ cha lôt, gâp mra dâk đŏng; Nđâp lah gŭ tâm ntŭk nau ngo, Brah Yêhôva mra jêng nau ang ma gâp.

Sôphôni 3:15

Brah Yêhôva hŏ sŏk lơi jêh nau phat dôih bơh ay, Păng nsot lĕ nơm rlăng ay. Hađăch Israel jêng Brah Yêhôva gŭ ta nklang ay, Ay mâu mra hôm klach nau mhĭk đŏng ôh.

Sakari 10:5

Khân păng jêng nâm bu phung geh nau janh jot phung rlăng ta ntŭk tâm lơh Nâm bu neh bŏk rŏ trong sâng. Khân păng mra tâm lơh; yorlah Brah Yêhôva gŭ ndrel ma khân păng, Jêh ri phung bunuyh ncho seh mra prêng.”

Malachi 1:5

Măt khân may mra saơ, jêh ri khân may mra lah: “Brah Yêhôva dŭt toyh ngăn, lĕ rlau padih n'har bri Israel!”

Malachi 4:3

Khân may mra jot phung djơh mhĭk, yorlah khân păng mra jêng buh tâm dâng mpang jâng khân may ta nar Gâp ƀư.” Brah Yêhôva ma phung tahan lah pônây.

Mathay 27:43

Păng rnơm nsing ma Brah Ndu. Tơlah Brah Ndu rŏng ma Păng, ăn Brah Ndu tâm rklaih Păng aƀaơ ro; yorlah păng lah: ‘Gâp jêng Kon Brah Ndu.’ ”

Yôsuê 7:9

Phung Kanaan jêh ri lĕ rngôch phung gŭ tâm bri nây mra tăng nau nĕ, mra nchueng hên jêh ri jut lơi amoh hên bơh neh. Nôk nây, mâm May mra ƀư amoh May jêng toyh?”

Nau Tâm Mpơl 18:20

Hơi trôk, răm maak hom yorlah păng! Hơi phung kloh ueh, phung kôranh oh mon, jêh ri phung nơm mbơh lor răm maak hom đŏng! Yorlah Brah Ndu tâm rmal jêh păng tĭng nâm nau păng ƀư jêh đah khân may!”