Mika 6:4 - Nau Brah Ndu Ngơi 2023

⁴ Gâp njŭn leo jêh may du luh bơh n'gor bri Êjipt, Hŏ chuai jêh may du luh bơh ngih jêng bu nă Jêh ri hŏ prơh jêh Y-Môis, Y-Arôn, H'Miriam Văch panăp măt may.

Mika 6:4 Iomraidhean Croise

II Samuel 7:23

Ta klơ neh ntu, moh phung ƀon lan tâm ban ma phung ƀon lan Israel May, jêng phung ƀon lan Brah Ndu tâm rklaih jêh gay ƀư phung ƀon lan May nơm jêh ri tâm amoh ma khân păng? May hŏ ƀư yor ma May nơm jêh ri n'gor bri May, rĭ dĭng May ƀư lĕ nau kan toyh khư ma bu klach, tơlah May hŏ mprơh jêh âk mpôl băl bunuyh êng jêh ri phung brah khân păng tă bơh tanăp măt May, jêng phung ƀon lan May hŏ sâm chuai khân păng du luh bơh Êjipt gay prăp ma May nơm.

Nau Mprơ Ơm 77:20

May dŏng ti Y-Môis jêh ri Y-Arôn Gay ma njŭn leo phung ƀon lan May nâm bu du phung biăp.

Nau Ngluh Êjipt 12:51

Nar nây ro, Brah Yêhôva leo phung ƀon lan Israel du luh bơh n'gor Êjipt tĭng nâm ndŭl mpôl.

Nau Ngluh Êjipt 20:2

“Gâp jêng Yêhôva Brah Ndu khân may, Nơm hŏ ngluh jêh khân may tă bơh n'gor Êjipt, tă bơh ngih dĭk bu.

Nau Ngluh Êjipt 3:10

Pôri aƀaơ, văch hom ta aơ, Gâp mra đă kon hăn tât ta Pharaôn gay ma kon djôt leo phung ƀon lan Gâp, jêng phung kon Israel, luh bơh n'gor Êjipt.”

Nau Ngluh Êjipt 4:10

Y-Môis ngơi đah Brah Yêhôva: “Ơ! Kôranh Brah, bơh kăl e tât aƀaơ jêh ri nđâp ma nôk Kôranh Brah ngơi đah oh mon May, gâp jêng nơm mâu geh blau ngơi ueh, mbung mpiăt gâp ngơi khan.”

Nau Ngluh Êjipt 4:16

Nâu may mra jêng nơm sâm ngơi ma may tanăp phung ƀon lan, jêng trôm mbung ăn ma may, bi may mra jêng nâm Brah Ndu ăn ma păng.

Nau Ngluh Êjipt 6:27

Y-Môis jêh ri Y-Arôn jêng bar hê phung hŏ ngơi đŏng đah Pharaôn, hađăch Êjipt, gay ma njŭn phung ƀon lan Israel luh bơh n'gor Êjipt.

Yêrêmi 32:21

May hŏ dŏng lĕ nau tâm mpơl nau mbên khlay ir ar, yơr mpang ti ktang jêh ri ling tur ti, ƀư nau krit toyh njŭn leo jêh phung ƀon lan May Israel du luh tă bơh n'gor bri Êjipt.

Amôt 2:10

Gâp hŏ ngluh jêh khân may tă bơh n'gor bri Êjipt, Jêh ri njŭn khân may gŭ tâm bri rdah puăn jât năm Gay ăn khân may sŏk pit bri phung Amôrit ƀư drăp ndơn.

Nau Kơp Bunuyh 12:1

H'Miriam jêh ri Y-Arôn ngơi kek Y-Môis yorlah bu ur Êthiôpi păng hŏ nđăp jêh yorlah păng hŏ nđăp jêh du huê bu ur Êthiôpi ƀư ur păng.

Nau Kơp Bunuyh 33:1

Aơ jêng lĕ nau hăn trong phung ƀon lan Israel tơlah khân păng luh bơh n'gor Êjipt tĭng nâm ăp ndŭl mpôl, tâm dâng nau chiă uănh Y-Môis jêh ri Y-Arôn.

Kôranh Oh Mon 7:36

Păng hŏ njŭn leo khân păng luh, ƀư lĕ nau khlay, nau mbên khlay tâm n'gor Êjipt, ta Dak Mƀŭt Chăng, jêh ri ntŭk bri rdah tâm puăn jât năm.

Nau Vay Nkah Tay 15:15

Kah gĭt hom khân may lĕ tă ƀư dĭk jêh tâm n'gor Êjipt jêh ri Yêhôva Brah Ndu khân may tâm chuai jêh khân may. Yor nây nar aơ gâp ntĭnh ma khân may nau aơ.

Nau Vay Nkah Tay 24:18

Kah gĭt hom pô aơ, khân may hŏ tă ƀư jêh dĭk tâm n'gor Êjipt, jêh ri Yêhôva Brah Ndu khân may tâm chuai jêh khân may bơh ntŭk nây. Yor ri, gâp ntĭnh ma khân may mra ƀư nau aơ.

Nau Vay Nkah Tay 4:20

Bi khân may, Brah Yêhôva hŏ săch jêh ri njŭn leo khân may luh tă bơh ŭnh năk loih ri, jêng n'gor Êjipt, gay khân may jêng du phung ƀon lan êng Păng nơm, jêng drăp ndơn Păng, tâm ban khân may jêng nar aơ.

Nau Vay Nkah Tay 4:34

Mâu lah mâp geh lĕ du huê brah hăn săch ma păng nơm du mpôl băl bunuyh tă bơh nklang du mpôl băl êng ma lĕ nau tâm rlong, mpơl nau mbên jêh ri nau mbên mha, ma nau tâm lơh, ma ti nau dơi yơr huy, ma lĕ nau krit klach toyh, nâm bu lĕ rngôch nau Yêhôva Brah Ndu hŏ ƀư jêh ma khân may tâm n'gor Êjipt tanăp măt khân may?

Nau Vay Nkah Tay 5:6

‘Gâp jêng Yêhôva Brah Ndu may, Nơm hŏ ngluh jêh may luh bơh n'gor bri Êjipt jêng phung dĭk nă.

Nau Vay Nkah Tay 7:8

Ƀiălah yorlah Brah Yêhôva rŏng ma khân may jêh ri gay djôt prăp nau ton Păng ton jêh ma phung chô yau khân may, Brah Yêhôva hŏ dŏng jêh ti nau dơi gay leo khân may du luh, chuai khân may bơh vâl dĭk bu jêh ri bơh ti Pharaôn, hađăch n'gor Êjipt.

Nau Vay Nkah Tay 9:26

Gâp hŏ mbơh sơm ma Brah Yêhôva: ‘Hơi Kôranh Brah, Brah Yêhôva, dăn Kôranh Brah lơi ƀư rai ôh phung ƀon lan May, jêng drăp ndơn May, jêng phung ƀon lan May hŏ tâm chuai jêh ma nau rnam dŭt prêh May, jêh ri hŏ njŭn leo khân păng luh bơh n'gor Êjipt ma ti nau rnam May.

I Samuel 12:6

Y-Samuel lah ma phung ƀon lan: “Brah Yêhôva jêng Nơm hŏ njêng Y-Môis jêh ri Y-Arôn, njŭn leo chô yau khân may du luh tă bơh n'gor bri Êjipt.