Mika 6:16 - Nau Brah Ndu Ngơi 2023

¹⁶ Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Mika 6:16 Iomraidhean Croise

I Phung Hađăch 18:4

Tơlah H'Jêsêbel nkhĭt phung nơm mbơh lor Brah Yêhôva, Y-Apdia sŏk djôt du rhiăng nuyh nơm mbơh lor pôn tâm bar trôm lŭ, ăp trôm prăm jât bunuyh, sŏk piăng let jêh ri dak nhêt siăm ma khân păng).

I Phung Hađăch 9:8

Nđâp tơlah nar aơ ngih brah aơ toyh ueh ngăn ngên ƀiălah păng mra rlâm rai, lĕ rngôch bunuyh hăn rgăn ta ngih aơ mra hih rhâl ngăn, gơm mpray jêh ri lah: ‘Mâm dĭng Brah Yêhôva hŏ ƀư jêh ăn ma n'gor bri aơ jêh ri ma ngih aơ kơt nây?’

II Phung Hađăch 16:3

Ƀiălah hađăch hăn tĭng trong phung hađăch Israel, kŏ tât su kon bu klâu păng tâm ŭnh jêng ndơ ƀư brah, tĭng nâm nau vay ƀơ̆ ƀơch phung ƀon lan Brah Yêhôva hŏ mprơh du jêh tă bơh phung ƀon lan Israel.

II Phung Hađăch 21:3

Păng ndâk tay lĕ ntŭk prêh klơ mbơ̆ păng jêng Y-Hêsêkia ƀư rai jêh, ndâk tay đŏng nơng ƀư brah ma Baal, ndâk rup brah Asêrah nâm bu Y-Ahap, hađăch Israel, ƀư jêh. Păng chon mbah jêh ri yơk mbah ma lĕ rngôch mănh mbing.

II Nau Rêh Jêng 22:4

Păng ƀư nau mhĭk tanăp măt Brah Yêhôva, nâm bu ngih Y-Ahap hŏ ƀư jêh. Yorlah jêh mbơ̆ păng khĭt jêh, phung ngih Y-Ahap jêng phung ƀư nau ndơm ma păng tât nau rai lôch.

II Nau Rêh Jêng 34:25

Yorlah khân păng chalơi jêh Gâp, gŭch ndơ ƀâu kah ăn ma phung brah êng, sŏk lĕ rngôch kan ti khân păng ƀư gay nsônh nau Gâp ji nuih, yor ri yơh nau ji nuih Gâp mra nkhŭt ta ntŭk aơ, mâu dơi rhân ôh.’

Nau Mprơ Ơm 1:1

Ueh maak yơh ma mbu nơm Mâu hăn tĭng ôh tâm nau nchră phung mhĭk, Mâu lĕ dâk tâm trong nau phung tih, Mâu lĕ gŭ ngau ndrel ma phung mưch.

Nau Mprơ Ơm 44:13

May ƀư hên jêng ndơ ăn bêk ma phung chiau meng hên, Ƀư ndơ bu gơm mưch jêh ri jêng nơm khư bu mưch ma phung gŭ jŭm.

Nau Mprơ Ơm 44:14

May ƀư ma hên jêng nau ngơi ta nklang lĕ bri dak, Tâm phung mpôl băl bunuyh mbu saơ hên ăt rteh bôk.

Êsai 25:8

Păng mra ƀư rai lôch n'ho ro nau khĭt. Kôranh Brah jêng Brah Yêhôva mra jut dak măt Bơh muh măt lĕ rngôch bunuyh; Jêh ri Păng mra jut lơi nau bêk prêng phung ƀon lan Păng Bơh lam neh ntu, Yorlah Brah Yêhôva lah jêh.

Êsai 9:16

Yor nây, Kôranh Brah mâu maak ôh đah phung bu klâu ndăm khân păng, Mâu lĕ yô̆ ma kon đơi jêh ri phung ndrô khân păng. Yorlah ăp nơm khân păng jêng phung mâu blau yơk ma Brah Ndu jêh ri phung ƀai Jêh ri lĕ rngôch trôm mbung ngơi ma nau rluk. Nđâp lĕ nau nây kđôi lĕ, nau Păng ji nuih mâu du ôh, Jêh ri ti păng ăt yơr!

Yêrêmi 19:8

Gâp mra njêng ƀon aơ ma nau rai, ƀư nau gơm ma neh ntu; bunuyh prot rgăn hih rhâl da dê jêh ri gơm mưch yorlah lĕ rngôch nau sôt rmanh păng.

Yêrêmi 25:18

Yêrusalem jêh ri lĕ rngôch ƀon Yuđa, phung hađăch jêh ri phung kôranh ƀon, gay khân păng jêng rngot njăp rjăp, ƀơ̆ ƀơch, bu gơm mưch jêh ri rak rtăp nâm bu nar aơ;

Yêrêmi 25:9

aơ, Gâp mra prơh hăn lĕ rngôch băl mpôl bunuyh tâm bri mpeh pa lơ jêh ri Y-Nêbukatnetsar, hađăch bri Babilôn, oh mon Gâp, tât tâm rdâng đah bri aơ jêh ri ƀon lan gŭ tâm bri păng, ndrel ma lĕ rngôch bri dak gŭ văr jŭm nây. Gâp mra ƀư rai khân păng, ƀư ăn ma khân păng jêng du ntil ndơ ƀơ̆ bơch, du nau bu gơm mưch, du ntŭk jêng rngot njăp n'ho ro.’ Brah Yêhôva lah pônây.

Yêrêmi 29:18

Gâp mra njuăl ma đao, nau sât ji ngot, jêh ri nau ji tưp tĭng khân păng. Gâp mra njêng khân păng du ntil ndơ nkrit ngăn ma lĕ rngôch ƀon bri hađăch ta neh ntu, du ntil ndơ bu rak rtăp, du ntil nau ntêh rmot, du ntil nau gơm mưch, du ntil nau bêk prêng ta nklang lĕ rngôch mpôl băl bunuyh Gâp hŏ mprơh jêh khân păng.”

Yêrêmi 51:51

Hên bêk prêng yorlah tăng nau bu nduyh; Nau prêng nkŭm ta muh măt hên Yorlah phung bu năch hŏ lăp jêh Tâm ntŭk kloh ueh ngih Brah Yêhôva.

Yêrêmi 7:24

Ƀiălah khân păng mâu iăt, mâu srâng iăt; sŏl ko chuat hăn tĭng lĕ nau mĭn êng khân păng nơm, tĭng tâm nau nuih n'hâm djơh mhĭk jêh ri dăng ko păng nơm; khân păng plơ̆ sĭt pakơi mâu hăn ôh rlet panăp.

Nau Nhĭm Vơl 5:1

Ơ Brah Yêhôva, dăn kah gĭt ma lĕ nau hŏ tât ma hên; Dăn mêt uănh hom nau bêk prêng hên!

Êsêkiêl 39:26

Khân păng mra chuêl lĕ nau bêk prêng jêh ri lĕ rngôch nau tih mâu răp jăp khân păng hŏ ƀư jêh đah Gâp tơlah khân păng mra gŭ rêh đăp mpăn tâm bri neh khân păng nơm, mâu hôm klach ma bu ôh.

Daniel 9:16

Ơ Kôranh Brah, tĭng nâm lĕ nau sŏng srăng May, gâp dăn ma May djoh ji nuih jêh ri rlu nau ji nuih đah ƀon Yêrusalem May, nây jêng yôk kloh ueh May, yorlah nau tih hên jêh ri nau mhĭk phung chô yau hên, lĕ rngôch phung gŭ jŭm hên ngơi djơh ma ƀon Yêrusalem jêh ri phung ƀon lan May.

Ndrom Samƀŭt bơh Ôsê 12:14

Brah Yêhôva dŏng du huê phung nơm mbơh lor djôt leo Israel luh tă bơh n'gor bri Êjipt Jêh ri tâm ban lĕ dŏng phung nơm mbơh lor chiă uănh khân păng.

Ndrom Samƀŭt bơh Ôsê 5:11

Êphraim bu tŭn jot, Rchiăt hăch jêh bơh nau phat dôih; Yorlah păng hŏ tâm nal nchuăt tĭng nau ƀơ̆.

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Mika 6:13

Yor nây, Gâp dong may, ƀư ăn sôt rmanh jru Jêh ri gay ƀư ma may jêng rngol yor nau tih may.

Nau Tâm Mpơl 2:20

Ƀiălah geh nau Gâp nduyh may, nây jêng may ăn ma H'Jêsêbel, bu ur kơp êng săk păng nơm jêng nơm mbơh lor, ntĭm nti jêh ri ndơm phung oh mon Gâp, gay ma khân păng ƀư tih nau văng tĭr jêh ri sa ndơ ƀư brah ma rup brah.