Mika 6:13 - Nau Brah Ndu Ngơi 2023

¹³ Yor nây, Gâp dong may, ƀư ăn sôt rmanh jru Jêh ri gay ƀư ma may jêng rngol yor nau tih may.

Mika 6:13 Iomraidhean Croise

Êsai 6:11

Gâp ôp, “Ơ Kôranh Brah, kŏ tât ndah jŏ?” Păng plơ̆ lah: “Kŏ tât âk ƀon toyh jêng rngot njăp, Mâu geh bunuyh gŭ ôh, Ngih mâu geh bunuyh gŭ, Jêh ri lĕ bri neh plơ̆ jêng rngol lĕ ƀhiau;

Yêrêmi 14:18

Tơlah gâp hăn tâm mir, Ta nây saơ phung khĭt yor đao; Tơlah gâp lăp tâm ƀon, Ta nây saơ phung ji kuet yorlah sa sât ji ngot. Lĕ rngôch phung nơm mbơh lor nđâp ma phung kôranh nơm ƀư brah Hăn da dê tât du n'gor khân păng mâu gĭt ôh.’”

Nau Nhĭm Vơl 1:13

Tă bơh prêh klơ Păng hŏ ntŭp jêh ŭnh Su nting nđăng gâp. Păng hŏ nthăng nhuăl tâm dâng jâng gâp, Ƀư ăn gâp plơ̆ rŭch. Păng chalơi gâp gŭ êng, Lêt rgănh ăp nar.

Nau Nhĭm Vơl 3:11

Păng ăn gâp nhhơt trong, sa hêk gâp hăch rhên, Jêh ri chalơi gâp gŭ êng;

Nau Nhĭm Vơl 5:16

Đon hađăch tŭp jêh bơh klơ bôk hên, Rêh ni ngăn ma hên, yorlah hên ƀư tih jêh!

Ndrom Samƀŭt bơh Ôsê 13:16

Samari mra anh nau tih păng, Yorlah păng tâm rdâng jêh đah Brah Ndu păng! Khân păng mra cha lôt khĭt tâm dâng mpiăt đao, Phung kon se jê̆ khân păng bu mra jot nchah lơi, Jêh ri bu mra roch phung bu ur khân păng lĕ ntreo.

Ndrom Samƀŭt bơh Ôsê 5:9

Êphraim mra jêng rngot njăp Tâm nar nau tâm rmal; Ta nklang ndŭl mpôl Israel Gâp mbơh du ntil nau jêng n'hêl nanê̆ ngăn mra geh tât.

Kan Lêvi 26:16

Gâp mra ƀư lĕ nau ma khân may: Gâp mra nkhŭt nau krit kir tât ma khân may, nau ji khô hiăn jêh ri nau ji kăt, ƀư vĭr măt khân may jêh ri ƀư rngot nuih n'hâm khân may. Khân may mra huăr srih ntil yorlah phung rlăng đah khân may mra sa lĕ ndơ nây.

Mika 1:9

Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Mika 7:13

Ƀiălah neh ntu phung rlăng mra jêng rngol Yor nau play tă bơh phung gŭ tâm păng ŭch ƀư.

Kôranh Oh Mon 12:23

Ƀât lât, geh du huê tông mpăr Kôranh Brah dong hađăch Hêrôt yorlah hađăch mâu ăn nau chrêk rmah ma Brah Ndu. Hađăch khĭt yor ma rhai sa.