Mika 6:12 - Nau Brah Ndu Ngơi 2023

¹² Yorlah phung ndrŏng ƀon aơ bêng ma nau ƀai, Phung ƀon lan păng jêng phung ngơi mƀruh Jêh ri mpiăt vay ndơm gŭ tâm trôm mbung khân păng.

Mika 6:12 Iomraidhean Croise

Nau Mprơ Ơm 120:2

Ơ Brah Yêhôva, rklaih an huêng gâp, Bơh mbung mƀruh Bơh mpiăt mplư ndơm.

Nau Mprơ Ơm 35:20

Yorlah khân păng mâu ngơi ôh nau đăp mpăn, Ƀiălah tâm nchră nau ndơm Lĕ bunuyh gŭ rêh đăp mpăn ta n'gor.

Nau Mprơ Ơm 78:36

Ƀiălah khân păng sŏk trôm mbung ngơi rnê ma Brah Ndu, Dŏng mpiăt ngơi mƀruh Păng.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 3:8

Yorlah ƀon Yêrusalem nkêng cha lôt Jêh ri bri Yuđa mra rlâm rai, Yorlah nau ngơi jêh ri kan pah khân păng tâm rdâng đah Brah Yêhôva da dê, Tâm rdâng panăp nau mpơl muh măt chrêk rmah Păng.

Êsai 5:7

Đang play Brah Yêhôva ma phung tahan Jêng ngih Israel, Bi ma phung Yuđa Jêng lĕ tơm si Păng răm maak tăm. Păng kâp gân gay saơ nau sŏng, Ƀiălah knŏng saơ nau mhĭk; Păng kâp gân ma nau sŏng srăng, Ƀiălah knŏng geh nau nter nđêng!

Yêrêmi 9:8

Mpiăt khân păng jêng hăr kăch Vay bên ma nau ngơi ndơm. Padih mbung ngơi đăp mpăn ăn ma phung chiau meng Ƀiălah tâm nuih n'hâm sân dăk ƀư mhĭk păng.”

Ndrom Samƀŭt bơh Ôsê 7:1

Tơlah Gâp ŭch ƀư bah ăn ma Israel Pôri nau tih Êphraim Jêh ri nau djơh mhĭk phung Samari hŏ mpơl jêh. Yorlah khân păng ƀư ma nau mƀruh, Phung ntŭng lăp tâm trôm Jêh ri phung kâp pit ƀư rai padih.

Ndrom Samƀŭt bơh Ôsê 7:13

Rêh ni ngăn ma khân păng, Yorlah khân păng chalơi Gâp! Khân păng khư bu ƀư rai, Yorlah tâm rdâng jêh đah Gâp! Gâp yơh, Gâp ŭch tâm rklaih khân păng, Ƀiălah khân păng sŏk nau mƀruh tâm rđâng đah Gâp.

Amôt 2:4

Brah Yêhôva lah: “Yor nau tih mhĭk Yuđa ntop hôm nau tih mhĭk Yor ri Gâp mâu rhuăt tay nau tâm rmal bơh păng. Yorlah khân păng dun jêh ma nau vay Brah Yêhôva, Jêh ri mâu djôt prăp ôh nau vay păng ntĭnh, Ƀiălah lĕ nau mbruh ƀư vĭ trong, Hăn tĭng trong chô yau khân păng,

Amôt 6:4

Khân may gŭ bê̆ch ta sưng ƀư ma la Jêh ri rok jâng ta klơ sưng bê̆ch khân may nơm; Sa puăch phung biăp kon săch tâm mpôl phung biăp Jêh ri phung kon ndrôk lay tă bơh ndrung.

Sôphôni 1:9

Ta nar nây tâm ban lĕ, Gâp mra tâm rmal Lĕ rngôch phung nsăt rlau mbong vâl, Jêh ri phung ƀư ma ngih kôranh khân păng Bêng ma nau djơh mhĭk jêh ri nau ndơm.”

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Kôranh Oh Mon 24:9

Phung Yuđa geh tâm di du ai nuih n'hâm đah nau phong nây jêh ri lah nanê̆ di ngăn kơt nây.

Samƀŭt Pôl Njuăl Ăn Ma Phung Nsing Ta Ƀon Rôm 3:13

“Rmlông khân păng nâm bu trôm môch pơk huy;” “Khân păng dŏng mpiăt khân păng nơm mƀruh nchơt bu; Kăch bêh khih pôn tâm dâng ndôi khân păng.”