Mika 5:6 - Nau Brah Ndu Ngơi 2023

⁶ Phung hôm e klen bơh Y-Yakôb Mra gŭ ta nklang âk phung ƀon lan, Nâm bu truh dak tŭk văch tât bơh Brah Yêhôva, Nâm bu dak mih jê̆ tŭp ta klơ gơ̆ nse, Mâu kâp bu ôh Mâu lĕ ŭch ndơ tă phung bu klâu kon bunuyh.

Mika 5:6 Iomraidhean Croise

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

I Nau Rêh Jêng 1:10

Y-Kus jêng mbơ̆ Y-Nimrôt; nơm janh ktang lor lơn ta neh ntu.

II Nau Rêh Jêng 33:11

Yor nây, Brah Yêhôva ntrŭt phung kôranh tahan hađăch Asiri tât lơh khân păng, nhŭp chăp Y-Manasê ma rse rvăk kông jêh ri sŏk nklĕ loih nkuăk ta trôm muh têk leo păng ma ƀon Babilôn.

Ndrom Samƀŭt bơh Yôp 29:22

Lôch jêh gâp ngơi, mâu hôm geh bunuyh ngơi đŏng ôh, Nau gâp ngơi nâm bu ntruh dak tŭk tŭp ta khân păng.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 72:6

Ăn hađăch mra jêng nâm bu dak mih tŭp tâm gơ̆ bu mhe muyh Tâm ban ma dak mih djrah lam neh ntu.

Êsai 14:2

Phung ndŭl mpôl bunuyh mra njŭn leo phung Israel plơ̆ sĭt ta ntŭk khân păng nơm. Ta neh Brah Yêhôva, ngih Israel mra pit rvăn phung ndŭl mpôl bunuyh aơ jêng phung oh mon bu klâu jêh ri oh mon bu ur. Phung Israel mra nhŭp phung hŏ nhŭp jêh khân păng, jêh ri chiă uănh phung tŭn jot jêh khân păng.

Êsai 14:25

Gâp mra ƀư rai phung tahan Asiri tâm bri Gâp; Gâp mra jot plên păng ta klơ yôk Gâp. Mâng mbăk păng mra dơi sŏk lơi bơh phung ƀon lan Gâp, Mbăk jâk păng mra dơi sŏk lơi bơh săng nglik khân păng.”

Êsai 33:1

Rêh ni ngăn ma may jêng nơm ƀư rai Ƀiălah may nơm bu mâu hŏ ƀư rai ôh, Jêng nơm ndơm bu Ƀiălah bu mâu mâp ndơm may ôh! Lah may rlu ƀư rai bu, Bu mra ƀư rai may đŏng; Lah may mâu hôm ƀư nau ndơm Bu mra ndơm may đŏng.

Êsai 37:36

Aƀaơ, du huê tông mpăr Brah Yêhôva hăn lăp tâm pôih tahan phung Asiri, jêh ri nkhĭt du rsen pham rmưn prăm rbăn bunuyh. Ang ôi taơ, bu kah rngăl ơm ôi jêh ri saơ lĕ phung nây jêng săk jăn khĭt jêh!

Êsai 37:37

Y-Sênakêrip, hađăch Asiri, rŭch tahan hăn sĭt, jêh ri gŭ ta Ninive.

Êsai 6:13

Nđâp tơlah du kô̆ tâm jât hôm e tâm khân păng Bu mra ƀư rai lơi; Ƀiălah, nâm bu kăl jêh tơm n'ho, tơm guyh hôm om knŏng yôk ngâl, Ndŭl mpôl kloh ueh jêng yôk ngâl păng.”

Yêrêmi 14:22

Geh đŏng brah tâm lĕ brah mƀruh ndơm phung bu năch dơi ƀư dak mih lĕ? Mâu lah yor trôk jŭr nkhŭt êng dak mih? Ơ Yêhôva Brah Ndu hên, mâu di May jêng Nơm nây hĕ? Hên gŭ kâp May, Yorlah May nơm yơh hŏ njêng jêh ăp ntil nây.”

Nahum 2:11

Ƀaƀă, tă trôm yau mŭr, Jêng ntŭk ăn yau mŭr kon de sa, Jêng ntŭk yau mŭr nkuăng, yau mŭr me jêh ri kon păng chuat hăn Mâu geh ôh ndơ ƀư ăn ma khân păng klach, Aƀaơ aơ ta ntŭk trôm nây?

Sôphôni 2:13

Brah Yêhôva mra yơr ti rlet mpeh pa lơ, Păng mra ƀư rai bri Asiri, Jêh ri ƀư ma Ninive jêng du ntŭk rngol, Du ntŭk neh sơh nâm bu bri rdah.

Sôphôni 3:12

Gâp mra chalơi ta nklang may Du phung ƀon lan o ach jêh ri dêh rhêt, Khân păng mra gŭ krap tâm amoh Brah Yêhôva.

Luka 1:71

Nau rklaih he bơh phung rlăng, Jêh ri bơh ti lĕ rngôch bunuyh tâm rmot đah he.

Luka 1:74

Pô aơ nôk he dơi kơl rklaih tă bơh ti phung rlăng, Păng mra ăn ma he dơi pah kan ma Păng mâu geh nau klach ôh,

Luka 24:27

Jêh nây ntơm tă bơh Y-Môis tât ma lĕ rngôch phung nơm mbơh lor, Păng rblang ma khân păng lĕ nau knŏng ma Păng tâm lĕ Nau Brah Ndu Ngơi.

Nau Vay Nkah Tay 32:2

Nau gâp ntĭm nti tŭp tâm ban ma dak mih, Nau gâp ngơi truh tâm ban ma dak ngom, Tâm ban ma dak mih djrah ta klơ gơ̆ nse, Nâm bu mih ntâng tâm mir.