Mika 5:5 - Nau Brah Ndu Ngơi 2023

⁵ Khân păng sŏk đao lơh rai bri dak Asiri Jêh ri lĕ mpông pêr bri Nimrôt. Păng mra rklaih he tă bơh phung Asiri, Lah păng mra lăp tâm n'gor he Jêh ri jot tâm trôm n'har bri he.

Mika 5:5 Iomraidhean Croise

Ndrom Samƀŭt bơh Yôp 5:19

Păng mra rklaih may bơh prao ntil nau rêh ni, Nđâp ma pơh ntil, nau mhĭk mâu lĕ hôm tât ma may.

Nau Mprơ Ơm 72:7

Tâm rnôk hađăch chiă uănh, nau sŏng srăng ndrŏng ktang, Jêh ri nau đăp mpăn mra jong kŏ tât khay mâu hôm nchrat ang đŏng ôh.

Nau Hôr 30:18

Geh pe ntil khlay ngăn ma gâp, Jêh ri puăn ntil nau gâp mâu dơi gĭt rbăng ôh:

Nau Hôr 30:29

Geh pe ntil mpa blau hăn ueh ngăn, Geh puăn mpa nhuat chuat rnam ngăn:

Nau Hôr 6:16

Geh prao ntil Yêhôva ji nuih Jêh ri pơh ntil păng tâm rmot:

Nơm Nti 11:2

Tâm pă hom kô̆ may ăn ma pơh mâu lah pham bunuyh, Yorlah may mâu gĭt ôh moh nau mhĭk mra tât geh ta klơ neh.

Êsai 14:25

Gâp mra ƀư rai phung tahan Asiri tâm bri Gâp; Gâp mra jot plên păng ta klơ yôk Gâp. Mâng mbăk păng mra dơi sŏk lơi bơh phung ƀon lan Gâp, Mbăk jâk păng mra dơi sŏk lơi bơh săng nglik khân păng.”

Êsai 44:28

Păng jêng Nơm hŏ lah pô aơ: ‘Sirus jêng rmăk biăp Gâp, Păng mra ƀư lĕ nau Gâp ŭch;’ Jêng nơm lah ma ƀon Yêrusalem pô aơ: ‘Păng mra ndâk tay,’ Jêh ri ma ngih brah pô aơ: ‘Păng mra n'gân tay mbon.’ ”

Êsai 59:19

Bơh mpeh nhâp nar, bu klach yơk ma amoh Brah Yêhôva, Ntơm bơh mpeh luh nar, khân păng yơk mbah ma nau chrêk rmah Păng; Yorlah Păng mra văch tâm ban ma n'hong dak krong hoch thăng, Yor n'hâm nsôr Brah Yêhôva khôm mpruh khân păng.

Êsai 65:8

Pô aơ Brah Yêhôva lah: “Lah bu saơ ndrănh mhe tâm rkŭm play krăk ƀâu Pôri bu lah: ‘Lơi ƀư rai păng ôh, Yorlah tâm păng geh nau ueh lăng;’ Gâp ăt mra ƀư tâm ban pônây yor phung oh mon Gâp, Gay ma Gâp mâu ƀư rai lĕ rngôch khân păng.

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 33:15

Tâm lĕ nar nây jêh ri tâm rô̆ nây, Gâp mra ăn du N'gĭng sŏng srăng chăt hon bơh phung Y-Đavit; Nơm nây mra ƀư nau sŏng srăng, nau di tâm bri nĕ.

Amôt 1:3

Brah Yêhôva lah: “Yor nau djơh mhĭk Damas ntop hôm ntop nau tih mhĭk Yor ri Gâp mâu rhuăt tay ôh nau tâm rmal ma păng. Yorlah păng sŏk jêh ndơ dŏng mbang ba ma loih Mbang Gilêat

Amôt 1:6

Brah Yêhôva lah pô aơ: “Yor nau tih mhĭk Gaxa ntop hôm ntop nau tih mhĭk Yor ri Gâp mâu rhuăt tay nau tâm rmal ma păng. Yorlah păng hŏ nhŭp lĕ phung ƀon lan leo hăn ƀư bu nă, Jêh ri jao khân păng ma phung Êđôm.

Sakari 10:11

Khân păng mra rgăn dak mƀŭt ma nau jêr, Ƀư rngân rbuh dak mƀŭt; Lĕ rngôch ntŭk klŏng jru dak krong Nil mra suăt. Bu mra n'glưh lơi nau sưr bri Asiri, Jêh ri mâng jra hađăch n'gor bri Êjipt mra roh.

Sakari 10:3

“Nau Gâp ji nuih dŭt n'hâm tâm rdâng đah phung rmăk biăp, Gâp mra tâm rmal phung kôranh chiă uănh. Nôk Brah Yêhôva ma phung tahan chop khâl phung biăp Păng, jêng ngih Yuđa, Pôri mra ƀư ma khân păng nâm bu seh ndơ tâm lơh ma nau rnam hăn tâm lơh.

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 9:10

Gâp mra ƀư rai lơi ndeh seh bơh bri Êphraim Jêh ri seh tâm lơh tă bơh Yêrusalem; Hăr jêh ri na dŏng nôk tâm lơh bu mra nkê̆ch lơi, Jêh ri Păng mra mbơh nau đăp mpăn ăn ma lĕ bri dak; Nau dơi Păng chiă uănh mra n'hot ntơm bơh dak mƀŭt aơ tât ma dak mƀŭt ri, Ntơm bơh Dak Krong Me aơ tât ma bôl dŭt neh ntu.

Sakari 9:13

Gâp mra van phung Yuđa nâm bu na gâp, Jêh ri Êphraim nâm bu hăr păng. Hơi ƀon Siôn, Gâp mra nsônh phung kon may Tâm rdâng đah phung kon Javan, Jêh ri Gâp mra ăn may jêng nâm bu đao phung tahan dăng tâm lơh.”

Luka 2:14

“Tâm rnê ma Brah Ndu klơ trôk, Nau đăp mpăn ta neh ntu, nau yô̆ ăn ma bunuyh!”

Yôhan 14:27

Gâp lơi nau đăp mpăn ma khân may. Gâp ăn nau đăp mpăn ma khân may. Nau đăp mpăn Gâp ăn ma khân may mâu geh kơt neh ntu ăn ôh. Lơi dĭng ăn nuih n'hâm khân may uh ah jêh ri lơi klach ôh.

Yôhan 16:33

Gâp lah lĕ nau aơ ma khân may, gay ma khân may geh nau đăp mpăn tâm Gâp. Khân may mra geh nau rêh ni tâm neh ntu, ƀiălah khân may nâp hom nuih n'hâm, Gâp hŏ dơi jêh đah neh ntu.”

Nau Tâm Mpơl 17:14

Khân păng mra tâm lơh đah Kon Biăp jêh ri Kon Biăp mra dơi đah khân păng, yorlah Kon Biăp jêng hađăch ma phung hađăch, Kôranh Brah ma lĕ rngôch kôranh brah; jêh ri phung gŭ ndrel ma Păng, jêng phung bunuyh geh nau kuăl jêh, nau săch jêh, jêh ri gŭ răp jăp, ăt mra dơi.”

Nau Tâm Mpơl 19:14

Phung tahan ta klơ trôk nsoh ao bok mhay rhên, nglang jêh ri kloh da dê, ncho seh nglang hăn tĭng Păng.