Mika 5:3 - Nau Brah Ndu Ngơi 2023

³ Păng mra gŭ nâp jêh ri mra nsing nau dăng bơh Brah Yêhôva, Ma nau rnam tâm amoh Yêhôva Brah Ndu păng jêh ri chiăp phung biăp păng Jêh ri khân păng mra gŭ đăp mpăn, yorlah aƀaơ aơ Păng mra jêng toyh Kŏ tât ta bôl dŭt neh ntu.

Mika 5:3 Iomraidhean Croise

I Phung Hađăch 14:16

Yor tă nau tih Y-Jêrôbôam ƀư tih jêh, jêng nau ƀư ăn phung Israel ƀư tih, yor ri Brah Yêhôva mra jao phung Israel tâm ti phung rlăng.”

II Nau Rêh Jêng 30:7

Lơi ta kơt nâm bu phung che jêh ri phung oh nâu khân may ôh, khân păng hŏ ƀư tih mâu ŭch gŭ răp jăp ma Yêhôva Brah Ndu phung chô yau khân păng, kŏ tât Păng ƀư rai jêh khân păng tĭng nâm khân may hŏ saơ jêh.

Nau Mprơ Ơm 67:3

Ơ Brah Ndu, ăn phung ƀon lan tâm rnê ma May! Lĕ rngôch bunuyh tâm rnê ma May!

Êsai 11:11

Tâm nar nây, Kôranh Brah mra yơr ti du tơ̆ đŏng gay chuai phung ƀon lan hôm e klen Păng, jêng phung ƀon lan hôm e tă bơh bri Asiri, Êjipt, Pathrôs, Kus, Êlam, Sinar, Hamat jêh ri bơh lĕ gôl dak mƀŭt.

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Yêrêmi 23:5

Brah Yêhôva lah: “Aơ, lĕ nar mra tât, Gâp mra ăn n'hao ma Y-Đavit du N'gĭng Sŏng Srăng; Păng mra chiă uănh nâm bu du huê hađăch, gŭ ngao ma nau blau mĭn, Mra ƀư ma nau sŏng nau di tâm bri dak.

Yêrêmi 31:1

Brah Yêhôva lah: “Tât rnôk nây, Gâp mra jêng Brah Ndu ma lĕ rngôch mpôl băl Israel, jêh ri khân păng mra jêng phung ƀon lan Gâp.”

Êsêkiêl 34:16

Gâp mra joi biăp lĕ nhhơt roh, têk mplơ̆ sĭt biăp bu mprơh, biăp geh rmanh put săm ăn bah jêh ri ƀư ma phung lĕ huăr dơi jêng ktang. Ƀiălah Gâp mra ƀư rai lơi phung biăp lay jêh ri ktang. Gâp mra chiă uănh khân păng ma nau sŏng srăng.

Ndrom Samƀŭt bơh Ôsê 11:8

Hơi Êphraim, mâm Gâp dơi lơi may? Hơi Israel, mâm Gâp dơi jao may ma phung rlăng? Mâm Gâp dơi ƀư ma may jêng nâm bu ƀon Adma? Mâu lah nâm bu ma ƀon Sêbôim? Play nuih Gâp mpât n'gơ, Nau Gâp yô̆ nđach nâm bu gŭch nâm bu su.

Ndrom Samƀŭt bơh Ôsê 2:14

“Yor ri, aơ, Gâp mra nkơnh ndơm păng, Leo păng lăp bri rdah, Sŏk nau ngơi rdơ̆ rmên ngơi ma păng.

Ndrom Samƀŭt bơh Ôsê 2:9

Yor ri, tâm yan rek Gâp mra sŏk sĭt tay ba ƀlê Gâp, Tât yan ndrănh, Gâp mra sŏk ndrănh mhe; Gâp mra sŏk lơi bok răm jêh ri brai mhay Gâp, Prăp dŏng gay nkŭm săk rhôk păng.

Amôt 5:15

Tâm rmot hom ma nau mhĭk jêh ri rŏng hom ma nau ueh; Ndâk hom nau sŏng ta mpông ƀon. Klăp lah Yêhôva Brah Ndu ma phung tahan Mra ăn nau yô̆ ma phung Yôsep hôm klen!

Mika 4:4

Ăp nơm mra gŭ tâm dâng tơm krăk ƀâu khân păng Jêh ri tâm dâng tơm rvi khân păng nơm; Mâu geh ôh nơm ƀư ăn ma khân păng klach Yorlah trôm mbung Brah Yêhôva ma phung tahan hŏ lah jêh.

Mika 4:7

Jêh nây Gâp mra sŏk bunuyh kuet ƀư jêng phung ƀon lan hôm e klen Jêh ri phung bu chalơi jêng du bri dak dŭt janh: Brah Yêhôva mra chiă uănh khân păng ta klơ yôk Siôn Ntơm bơh aƀaơ aơ kŏ tât lĕ rngôch rnôk n'ho ro.

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Mika 5:8

Ti Kôranh Brah yơr ƀư ma phung rlăng păng, Jêh ri phung rlăng Păng mra rai yot!

Mika 6:14

May mra sông sa ƀiălah mâu dơi hơm, Khŭng may hôm e nsoih; May mra bun ndơ ƀiălah mâu geh ôh prăp; Jêh ri moh ndơ may geh prăp pôri Gâp mra jao ma đao.

Mika 7:13

Ƀiălah neh ntu phung rlăng mra jêng rngol Yor nau play tă bơh phung gŭ tâm păng ŭch ƀư.

Sakari 10:6

“Gâp mra ƀư ăn dăng ma ngih Yuđa, Jêh ri mra tâm rklaih ngih Yôsep. Gâp mra leo khân păng plơ̆ sĭt, yorlah yô̆ klâng khân păng, Jêh ri khân păng mra jêng nâm bu Gâp ê hŏ mâp dun ôh ma khân păng; Yorlah Gâp jêng Yêhôva Brah Ndu khân păng, jêh ri mra dơn nau khân păng dăn.

Mathay 1:21

Păng mra deh du huê kon bu klâu; may mra tâm amoh Yêsu, yorlah kon nây mra tâm rklaih phung ƀon lan păng nơm bơh nau tih.”

Mathay 12:50

Yorlah mbu nơm ƀư tĭng nâm nau Mbơ̆ Gâp tâm trôk ŭch, păng nây yơh jêng oh nâu, oh ruh jêh ri jêng mê̆ Gâp.”

Mathay 25:40

Hađăch mra plơ̆ lah pô aơ: ‘Nanê̆, Gâp lah ma khân may, nôk khân may ƀư jêh nau aơ ma du huê jê̆ lơn tâm phung oh nâu Gâp, nâm bu ntĭt hŏ ƀư ma Gâp tâm ban lĕ.’

Samƀŭt Pôl Njuăl Ăn Ma Phung Nsing Ta Ƀon Rôm 8:29

Yorlah phung bunuyh Păng gĭt năl jêh bơh lor, Păng tâm nal jêh ma khân păng plơ̆ jêng tâm ban ma rup Kon Păng, gay ma Kon nây jêng Kon bôk rah ma âk oh nâu.