Mika 5:2 - Nau Brah Ndu Ngơi 2023

² Yor ri, Păng mra jao khân păng Kŏ tât nôk du huê bu ur ji deh hŏ deh jêh, Jêh ri phung oh nâu Păng hôm e mra plơ̆ sĭt ndrel Ma phung kon Israel.

Mika 5:2 Iomraidhean Croise

Nau Ntơm 35:16

Rnăk vâl Y-Yakôb dâk hăn du luh tă bơh Bêthel. Lah khân păng hôm ngai ê tât ôh ta ƀon Êphrata, H'Rachel ntơm ji deh jêh ri deh jêr ngăn.

Nau Ntơm 35:19

H'Rachel khĭt, bu tâp păng ta meng trong Êphrata, nây jêng ƀon Ƀêtlêhem.

Nau Ntơm 48:7

Yorlah nôk tă bơh Padan plơ̆ sĭt tâm n'gor Kanaan gâp geh nau rngot dôl saơ H'Rachel khĭt rŏ trong. Gâp tâp mê̆ may rŏ trong hăn tât ta Êphrata (jêng Ƀêtlêhem).”

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

I Nau Rêh Jêng 2:54

Phung kon bu klâu Y-Salma ta Ƀêtlêhem jêng phung Nêtôphat, phung Atrôt-Bet-Jôap, du n'gul phung Manahat, phung Sôrit.

I Nau Rêh Jêng 4:4

Geh đŏng Y-Pênuel, jêng mbơ̆ Y-Gêdôr, jêh ri Y-Êser jêng mbơ̆ Y-Husa. Aơ jêng phung kon Y-Hur, kon bu klâu bôk rah Y-Êphrata, jêng mbơ̆ Y-Ƀêtlêhem.

I Nau Rêh Jêng 5:2

Nđâp tơlah Y-Yuđa rlau lơn phung oh nâu păng, jêh ri du huê kôranh chiă uănh mra geh tă bơh păng, ƀiălah nau dơi kon bôk rah ăt jêng ndơ ma Y-Yôsep.

Nau Mprơ Ơm 132:6

Aơ hên tăng bu lah ma Hip Nau Tâm Rnglăp gŭ ta n'gor Êphratha, Jêh ri joi saơ Hip nây tâm mir Ja ar.

Nau Mprơ Ơm 90:2

Êlor bu deh ma phung yôk, Neh jêh ri neh ntu dơi rhăk njêng, Bơh rnôk kăl e kŏ tât n'ho ro mâu blau lôch May jêng Brah Ndu.

Nau Ngluh Êjipt 18:21

Rlau lơn ma nĕ, săch hom tâm phung ƀon lan phung bunuyh geh nau blau mĭn, nau klach yơk ma Brah Ndu, nanê̆ ngăn, rmot ma nau sa blŏl drăp, jêh ri ndâk ăn khân păng jêng kôranh mât uănh ma rbăn nuyh, ma rhiăng nuyh, ma prăm jât nuyh, mâu lah ma jât nuyh.

Nau Ngluh Êjipt 18:25

Bơh tâm phung Israel, Y-Môis săch lĕ phung blau mĭn, ndâk khân păng jêng kôranh gay mât uănh ma rbăn nuyh, rhiăng nuyh, prăm jât nuyh, mâu lah ma jât nuyh.

Êsai 11:1

Du mlâm nkeh mra hon bơh tơm Y-Yêsê, Du mlâm n'gĭng tă bơh reh păng mra geh play.

Êsai 53:2

Păng văch ma toyh jêh tanăp Brah Yêhôva tâm ban ma du nkŭr chăt, Tâm ban ma reh luh bơh neh sơh. Păng mâu geh nau ueh ôh mâu lĕ geh nau rnam gay ma he ŭch uănh; Săk jăn Păng mâu geh ueh gay ăn he ŭch rŏng ôh.

Êsai 55:4

Aơ, Gâp ăn păng jêng nơm mbơh ngăn ma lĕ bri dak, Ƀư kôranh gay ma ƀĭt gai ma lĕ rngôch ƀon lan.”

Êsai 7:14

Yor nây, Kôranh Brah nơm mra ăn du nau tâm mbên khlay ma khân may: Aơ, du huê bu ur druh mra bă ntreo, deh du huê kon bu klâu jêh ri ntơ amoh kon nây jêng Êmanuel.

Yêrêmi 30:21

Kôranh khân păng tât bơh khân păng, Bunuyh chiă uănh ăt luh bơh khân păng. Gâp mra njŭn nơm nây văch dăch Gâp, jêh ri păng mra văch dăch Gâp, Yorlah mbu nơm janh văch dăch Gâp? Brah Yêhôva lah pônây.

Ndrom Samƀŭt bơh Ôsê 6:3

Ăn he gĭt năl Brah Yêhôva; Nsrôih hom nau gĭt năl Păng. Nau Păng plơ̆ văch jêng nanê̆ ngăn Nâm bu ƀli luh nar ơm ôi; Păng văch tât ma he nâm bu dak mih, Nâm bu dak mih yan vai tŏ neh.”

Amôt 9:11

“Tâm nar nây, Gâp mra ndâk tay Ngih njưh Y-Đavit lĕ rlâm jêh Jêh ri kơi nkra đŏng lĕ ntŭk rlâm rai nchah păng. Gâp mra ndâk tay lĕ ntŭk hŏ jêng rngot njăp Jêh ri ndâk tay păng nâm bu rnôk kăl e,

Mika 4:10

Hơi kon bu ur Siôn, ji hom nđêh nji hâu ngăn Tâm ban ma bu ur dôl ji deh! Yorlah may mra du luh bơh ƀon toyh Gŭ tâm mir ba, Jêh ri may mra tât ma bri Babilôn. Ƀiălah ta nây, may mra geh nau rklaih Ta nây, Brah Yêhôva mra tâm chuai may Du luh tă bơh ti phung rlăng may.

Sakari 13:7

Brah Yêhôva ma phung tahan lah: “Hơi đao, kah rngăl hom may gay lơh rmăk biăp Gâp, Jêh ri lơh bunuyh ƀư mĭt jiăng đah Gâp. Lơh hom bunuyh rmăk biăp gay phung biăp nchah rai pru pra, Gâp mra rle ti Gâp lơh phung kon se jê̆.”

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Mathay 2:1

Rnôk bu deh ma Brah Yêsu tâm ƀon Ƀêtlêhem tâm n'gor Yuđa, tâm rnôk hađăch Hêrôt chiă uănh, geh phung njêh gŭ mpeh luh nar tât ta ƀon Yêrusalem jêh ri ôp:

Mathay 2:6

‘Hơi ƀon Ƀêtlêhem, tâm n'gor Yuđa! May mâu ôh di jê̆ lơn đah lĕ ƀon toyh tâm n'gor Yuđa, Yorlah tă bơh may yơh mra mpơl du huê kôranh chiă uănh, Păng mra rmăk biăp phung Israel Gâp.’ ”

Mathay 28:18

Brah Yêsu hăn tât jêh ri lah ma khân păng pô aơ: “Lĕ rngôch nau dơi ta klơ trôk jêh ri ta neh ntu hŏ jao jêh ma Gâp.

Luka 23:2

Khân păng ntơm phong Brah Yêsu pô aơ: “Hên gĭt năl jêh bunuyh aơ nsŭk nsôr phung ƀon lan tâm rdâng, buay hên chê̆ pi ma Sêsar, jêh ri lah păng nơm jêng Brah Krist, jêng Hađăch.”

Luka 23:38

Ta klơ bôk Păng geh du mbor rplay samƀŭt: “NƠM AƠ JÊNG HAĐĂCH PHUNG YUĐA.”

Yôhan 7:42

Mâu di hĕ Nau Brah Ndu Ngơi mbơh pô aơ Brah Krist Păng luh bơh noi deh Y-Đavit jêh ri văch tă bơh ƀon Ƀêtlêhem, jêng ƀon Y-Đavit ƀơh?”

Nau Vay Nkah Tay 1:15

Pôri gâp hŏ săch jêh lĕ phung blau mĭn, gĭt rbăng tâm lĕ ndŭl mpôl jêh ri ndâk khân păng jêng phung kôranh ma khân may, chiă uănh ma rbăn nuyh, rhiăng nuyh, prăm jât nuyh mâu lah ma jât nuyh, jêh ri ndâk đŏng phung kôranh ma ăp ndŭl mpôl khân may.

Kôlôh 1:17

Păng geh lor lơn ma lĕ rngôch ndơ, jêh ri lĕ rngôch ndơ dơi nâp tâm Păng.

ហេឞ្រើ 13:8

Brah Yêsu Krist nđaơ, nar aơ, jêh ri kŏ tât n'ho ro mâu blau rgâl ôh.

ហេឞ្រើ 7:14

Yorlah nanê̆ Kôranh Brah he luh tă bơh ndŭl mpôl Yuđa, du ndŭl mpôl Y-Môis mâu mâp ngơi ma nau pah kan kôranh ƀư brah ôh.

I Yôhan 1:1

Nau nkoch ma nau ngơi rêh, jêng nau geh jêh ntơm bơh saơm, nau hên tăng jêh, măt hên saơ jêh, nau hên ntrŏng uănh jêh, jêh ri ti hên pah bi jêh.

Nau Tâm Mpơl 19:16

Ta ao jêh ri ta tơm blu Păng geh nchih du amoh: HAĐĂCH MA PHUNG HAĐĂCH, KÔRANH BRAH MA PHUNG KÔRANH BRAH.

Nau Tâm Mpơl 2:8

“Nchih hom ma phung tông mpăr Phung Ngih Brah Ndu ta ƀon Smirna pô aơ: Aơ jêng nau ngơi Nơm Lor Lơn jêh ri Nglĕ Dŭt, Nơm hŏ khĭt jêh, jêh ri dâk rêh tay:

Nau Tâm Mpơl 21:6

Jêh nây Păng lah ma gâp: “Kan lĕ jêh! Gâp jêng Alpha jêh ri Ômêga, jêng Ntơm Bơh Saơm jêh ri Nglĕ Dŭt. Mbu nơm ji hir, Gâp mra ăn nhêt dak mâu sŏk prăk tă bơh tu dak nau rêh.

Phung Kôranh Phat Dôih 17:7

Nôk nây, ta Ƀêtlêhem tâm n'gor Yuđa, geh du huê bu klâu ndăm jêng du huê Lêvi, bơh ndŭl mpôl Yuđa, gŭ njưh ta nây.

Bu ur Rut 1:1

Tâm rnôk phung kôranh phat dôih, geh nau tât ji ngot hâu tâm bri nây. Geh du huê bu klâu bơh Ƀêtlêhem tâm bri Yuđa ndrel ma ur păng jêh ri bar hê kon bu klâu păng hăn tât gŭ ƀât lât tâm bri Môap.

Bu ur Rut 4:11

Lĕ rngôch phung ƀon lan gŭ ta mpông ƀon jêh ri phung kôranh bu ranh lah: “Hên jêng phung râng an ma nau nây. Dăn ma Brah Yêhôva ăn bu ur hăn lăp tâm ngih may tâm ban ma H'Rachel jêh ri H'Lêa jêng bar hê khân păng ndâk njêng jêh ngih Israel! Dăn may ăn nau geh jêng tâm bri Êphrata jêh ri geh nau lư n'găr ta Ƀêtlêhem!

I Samuel 10:19

Nar aơ khân may dun jêh ma Brah Ndu khân may, jêng Nơm tâm rklaih jêh khân may tă bơh lĕ rngôch nau mhĭk jêh ri nau o ach. Khân may hŏ lah jêh ma Păng pô aơ: ‘Dăn ndâk hom du huê hađăch chiă uănh hên!’ Pôri aƀaơ, tâm mpơl măt hom tanăp măt Brah Yêhôva tĭng ăp ndŭl mpôl jêh ri ăp ngih mbơ̆ khân may.”

I Samuel 17:12

Y-Đavit jêng kon bu klâu Y-Yêsê, bơh Êphrata ƀon Ƀêtlêhem tâm n'gor Yuđa. Y-Yêsê geh pham nuyh kon bu klâu. Tâm rnôk hađăch Sôl, Y-Yêsê hŏ âk năm jêh.

I Samuel 17:18

May tâm ban đŏng djôt leo jât glo ƀănh dak toh aơ ăn ma kôranh chiă uănh du rbăn nuyh tahan phung nâu may. Uănh hom phung nâu may gŭ ueh lăng săk jăn, jêh ri bi may nơm plơ̆ mbơh ma gâp du nau mbên gay saơ khân păng geh nau đăp mpăn.”

I Samuel 23:23

Khân may sek uănh hom jêh ri joi gay gĭt ăp ntŭk păng du krap, jêh nây plơ̆ sĭt mbơh tay ma gâp ăn di. Nôk nây taơ gâp mra hăn ndrel ma khân may. Tơlah păng gŭ tâm nkual n'gor gâp mra joi păng tâm rnăk vâl phung Yuđa.”

I Samuel 8:12

Păng mra njêng ma khân păng ƀư kôranh chiă uănh toyh du rbăn nuyh mâu lah kôranh chiă uănh toyh ma prăm jât nuyh, mâu lah đă khân păng chuar lŏ, kăch roih, njêng ndơ tâm lơh jêh ri lĕ ndơ dŏng ma ndeh seh hađăch.