Mika 5:13 - Nau Brah Ndu Ngơi 2023

¹³ Gâp mra rôk lơi gâng rup brah Asêrim bơh may, Jêh ri ƀư rai lĕ ƀon may.

Mika 5:13 Iomraidhean Croise

Êsai 2:18

Rnôk nây, phung rup brah mra roh rai lôch.

Êsai 2:8

Bri dak khân păng bêng ma rup brah; Khân păng yơk mbah ma ndơ yor ti khân păng nơm ƀư, Jêng ndơ nglau ti khân păng nơm njêng.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsêkiêl 16:41

Khân păng mra su ngih vâl ay, phat dôih ay tanăp măt âk phung bu ur. Gâp mra ƀư ma ay mâu hôm văng tĭr ôh jêh ri mâu hôm đŏng ăn prăk ma bu năch.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Êsêkiêl 37:23

Khân păng mâu mra ƀư nau ƀơ̆ ƀơch êng tă bơh ma lĕ rup brah đŏng ôh, mâu lah tă bơh lĕ ndơ ƀơ̆, mâu lah tă bơh lĕ rngôch nau tih khân păng hŏ ƀư jêh. Gâp mra tâm rklaih khân păng tă bơh lĕ rngôch ntŭk khân păng hŏ ƀư tih. Gâp mra ƀư kloh khân păng; khân păng mra ƀư phung ƀon lan Gâp jêh ri Gâp mra ƀư Brah Ndu khân păng.

Êsêkiêl 6:9

Phung bunuyh hŏ dơi klaih jêh tâm khân may mra kah gĭt ma Gâp dôl gŭ tâm lĕ bri dak bu leo khân păng hăn tât, jêh ri khân păng gĭt nuih n'hâm Gâp ji ngăn yor nau khân păng văng tĭr hŏ ƀư ma khân păng chalơi Gâp jêh ri măt nau văng tir khân păng rle ma rup brah khân păng nơm. Rnôk nây, khân păng tâm rmot êng khân păng nơm ma lĕ nau mhĭk khân păng hŏ ƀư jêh ri ma lĕ nau kan ƀơ̆ ƀơch khân păng.

Ndrom Samƀŭt bơh Ôsê 10:2

Nuih n'hâm khân păng pă bar; Aƀaơ khân păng mra geh nau tih jêh. Kôranh Brah mra ƀư rai lơi nơng ƀư brah, Jêh ri ƀư rai n'gâng ƀư brah khân păng.

Ndrom Samƀŭt bơh Ôsê 14:3

Asiri mâu dơi tâm rklaih hên ôh, Hên mâu mra ncho seh tâm lơh đŏng ôh. Hên mâu mra lah đŏng ôh ndơ tă bơh ti hên ƀư Jêng brah hên đŏng ôh; Yorlah knŏng tâm May yơh, phung kon đơi ri mơ dơi dơn nau yô̆ nđach!”

Ndrom Samƀŭt bơh Ôsê 14:8

Hơi Êphraim, mâm Gâp dơi dơh dăch đah lĕ rup brah? Gâp yơh hŏ mplơ̆ lah jêh ri mra uănh treng păng. Gâp mra jêng nâm bu tơm si chiprơ ndrêh ueh; Tă bơh Gâp yơh may luh kao play âk.”

Nahum 1:14

Brah Yêhôva hŏ ăn nau ntăm jêh ma Ninive: “May mâu mra geh bunuyh thoi noi deh ndray amoh đŏng ôh. Gâp mra ƀư rai rup trah jêh ri rup tŏ chiăr Tă bơh jây rhŏ brah phung brah may. Gâp mra ƀư môch ăn ma may, Yorlah may rvưt rvâng.”

Sôphôni 1:4

“Gâp mra yơr ti tâm rdâng đah phung Yuđa Jêh ri lĕ rngôch phung gŭ ta ƀon Yêrusalem; Gâp mra ƀư rai lĕ tă bơh ntŭk aơ phung hôm e yơk mbah ma brah Baal, Jêh ri amoh phung kan ndơ ƀư brah ma rup brah nđâp phung kôranh ƀư brah.

Sakari 13:2

Brah Yêhôva ma phung tahan lah: “Tâm nar nây, Gâp mra ƀư kloh lĕ amoh lĕ rngôch rup brah tâm bri dak aơ, bu mâu mra hôm kah gĭt ôh ma khân păng. Gâp mra mprơh nsot lơi phung nơm mbơh lor jêh ri brah ƀơ̆ ƀơch du bơh bri aơ.

Nau Tâm Mpơl 9:20

Kô̆ hôm e tâm kon bunuyh, phung bunuyh mâu khĭt yor nau ƀư rai aơ, mâu rmal ôh lĕ kan ti khân păng ƀư, mâu đŏng chalơi nau yơk mbah ma brah mhĭk, ma lĕ rup brah mah, prăk, kông, lŭ, tơm si jêng lĕ rup brah mâu dơi saơ, mâu tăng mâu lah blau nsong ôh.

Phung Kôranh Phat Dôih 18:17

Ƀiălah prăm nuyh lĕ hăn jêh gay n'hut uănh n'gor nây lăp tâm ngih, jêh ri sŏk rup trah, êphôt, lĕ rup brah jê̆, jêh ri rup tŏ nôk kôranh ƀư brah gŭ dâk êp ntŭk lăp mpông pêr ndrel ma prao rhiăng nuyh djôt ndơ tâm lơh gay tâm lơh.