Mika 5:12 - Nau Brah Ndu Ngơi 2023

¹² Gâp mra ƀư rai lơi lĕ rup trah Jêh ri gâng rup brah tă bơh may, May mâu mra hôm chon mbah đŏng ôh Panăp ndơ kan ti may ƀư.

Mika 5:12 Iomraidhean Croise

Êsai 2:18

Rnôk nây, phung rup brah mra roh rai lôch.

Êsai 2:20

Tâm nar nây, bu mra klŭp lơi Ma đe, ma rêt Lĕ rup brah ƀư ma prăk, ma mah, Jêng ndơ khân păng hŏ ƀư gay ma yơk mbah.

Êsai 27:9

Pôri, yor nau pakơi aơ nau tih Yakôb bu mra yô̆, Jêh ri aơ jêng lĕ rngôch nau păng ƀư gay ma jut kloh nau tih păng: Ăn păng ƀư ma lĕ rngôch lŭ tâm nơng ƀư brah Plơ̆ jêng tâm ban ma lŭ klo lêk jêh, Lĕ rup brah Asêrim jêh ri lĕ nơng ƀư brah nhhơr ndơ ƀâu kah Mâu mra ndâk tay ôh.

Êsai 44:17

Gâl si hôm e, bu ƀư du mlâm brah, nâm bu ntĭt du rup trah ma păng nơm, jêh nây chon mon tanăp măt păng gay yơk mbah jêh ri kuăl mbơh sơm ma păng pô aơ: “Tâm rklaih hom gâp, yorlah may jêng brah gâp!”

Êsêkiêl 16:41

Khân păng mra su ngih vâl ay, phat dôih ay tanăp măt âk phung bu ur. Gâp mra ƀư ma ay mâu hôm văng tĭr ôh jêh ri mâu hôm đŏng ăn prăk ma bu năch.

Êsêkiêl 36:25

Gâp mra djrah dak rsang ta klơ khân may jêh ri khân may mra jêng kloh; Gâp mra ƀư kloh lĕ rngôch nau ƀơ̆ ƀơch khân may jêh ri lĕ rngôch rup brah khân may.

Sakari 13:1

Ta nar nây, mra geh du n'hor dak pơk ma ngih Y-Đavit jêh ri phung gŭ tâm ƀon Yêrusalem, gay ƀư kloh nau tih jêh ri nau ƀơ̆ ƀơch.

Nau Vay Nkah Tay 18:14

Nđâp tơlah phung ndŭl mpôl khân may dăch mprơh du luh nây geh tĭng nau ƀŭk rƀên jêh ri n'hŭm pol, ƀiălah Yêhôva Brah Ndu mâu dơn ôh khân may ƀư pônây.”

Nau Tâm Mpơl 19:20

Ƀiălah bu nhŭp jêh mpô mpa dŭt janh nây jêh ri nơm mbơh lor nklă — nơm ƀư jêh lĕ nau mbên khlay tanăp mpô mpa, gay ndơm mƀruh ma phung bunuyh dơn jêh nau mbên tă bơh mpô mpa jêh ri phung bunuyh yơk mbah ma rup păng — bu nhŭp đŏng. Lĕ bar hê khân păng bu mƀăr rêh jŭr tâm nglao ŭnh mô ŭnh dôl hit.

Nau Tâm Mpơl 22:15

Phung so, phung ƀư nau blau rƀên, phung văng tĭr, phung nkhĭt bunuyh, phung mbah rup brah, jêh ri lĕ rngôch phung rŏng jêh ri ƀư nau mƀruh gŭ padih da dê.