Mika 4:8 - Nau Brah Ndu Ngơi 2023

⁸ Bi may jêng tŭm ma phung biăp, Yôk ma kon bu ur Siôn, Mra văch ma may, Nau dơi may chiă uănh kăl e mra plơ̆ tay, Nây jêng ƀon bri hađăch ma kon bu ur ƀon Yêrusalem.”

Mika 4:8 Iomraidhean Croise

Nau Ntơm 35:21

Y-Israel dâk hăn jêh ri hăn rlau jêh ngih tŭm Êder, jêh ri ndâk ro ngih bok.

II Samuel 5:7

Ƀiălah Y-Đavit lơh pit jêh pôih nâp Siôn, nây jêng ƀon Đavit.

Nêhêmi 3:25

Y-Pala, kon bu klâu Y-Uxai, nkra ntŭk tâm tra đah njônh ƀon jêh ri vâl tŭm prêh klơ ngih hađăch ta ndring ngih phung tahan gak. Jêh păng geh Y-Pêdaya, kon bu klâu Y-Parôs, nkra tay mpêr ƀon.

Nau Mprơ Ơm 24:7

Hơi lĕ mpông pêr, n'gơr hom bôk! Hơi mpông pêr ntơm saơm, pơk hom ăn prêh, Gay ma Hađăch chrêk rmah mra lăp.

Nau Mprơ Ơm 48:3

Brah Ndu gŭ lĕ pôih nâp tâm ƀon Jêh ri Păng jêng ntŭk păng nde krap.

Nau Mprơ Ơm 61:3

Yorlah May jêng ntŭk gâp gŭ krap, Jêng ntŭk tŭm nâp gay der luh bơh phung rlăng.

Nau Mprơ Ueh 4:4

Trô ko ay nâm bu vâl tŭm Y-Đavit, Ndâk jêh gay prăp ndơ tâm lơh. Geh âk khêl yông ta nây, Lĕ rngôch jêng khêl phung tahan janh ktang.

Êsai 1:26

Gâp mra ndâk tay phung kôranh phat dôih may tâm ban nôk lor, Jêh ri phung kôranh nchră may tâm ban ma ntơm saơm. Jêh nau nây, bu mra rnha ma may jêng ƀon sŏng srăng, Jêng ƀon răp jăp.”

Êsai 10:32

Nar aơ yơh, khân păng mra nsrŭng ta Nôp, Rtuh ti păng tâm rdâng ta yôk kon bu ur Siôn, Jêh ri tâm rdâng đah gôl Yêrusalem!

Êsai 5:2

Păng kuyh pŏk neh, dônh lĕ lŭ, Jêh ri tăm ntil play krăk ƀâu ueh. Păng rdâk du rplay ngih tŭm gak ta nklang đang krăk ƀâu Jêh ri kuyh du ntu păt ndrănh. Păng kâp gân ma păng geh play ueh, Ƀiălah păng geh knŏng play krăk ƀâu mhĭk.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:18

Ƀiălah phung kloh ueh Nơm Dŭt Prêh mra sŏk dơn ƀon bri hađăch jêh ri chiă uănh ƀon bri hađăch nây n'ho ro kŏ tât n'ho ro mâu blau lôch ôh.’

Apdia 1:21

Phung geh nau rklaih jêh mra hao ta yôk Siôn gay phat dôih yôk Êsau; Bi ƀon bri hađăch mra jêng ndơ Brah Yêhôva.

Mika 2:12

“Hơi Yakôb! N'hêl nanê̆ Gâp mra tâm rƀŭn lĕ rngôch khân may, Nanê̆ ngăn Gâp mra rgum lĕ phung Israel hôm e, Jêh ri djôt khân păng gŭ nsum tay Nâm bu phung biăp tâm ndrung, Nâm bu du phung biăp gŭ ta nklang tâm ndrêch khân păng; Ta ntŭk nây mra geh bâr bunuyh drơu drơu.

Sakari 9:10

Gâp mra ƀư rai lơi ndeh seh bơh bri Êphraim Jêh ri seh tâm lơh tă bơh Yêrusalem; Hăr jêh ri na dŏng nôk tâm lơh bu mra nkê̆ch lơi, Jêh ri Păng mra mbơh nau đăp mpăn ăn ma lĕ bri dak; Nau dơi Păng chiă uănh mra n'hot ntơm bơh dak mƀŭt aơ tât ma dak mƀŭt ri, Ntơm bơh Dak Krong Me aơ tât ma bôl dŭt neh ntu.

Sakari 9:12

Hơi phung bu krŭng geh nau kâp gân, plơ̆ sĭt hom ma pôih! Nar aơ ro, Gâp mra mbơh pô aơ Gâp mra mplơ̆ ăn khân may bar tơ̆ âk lơn.

Sakari 9:9

Hơi kon bu ur ƀon Siôn, lĕ rngôch hâk răm hom! Hơi kon bu ur ƀon Yêrusalem, troh nter răm maak hom! Aơ, Hađăch may văch ma may; Păng jêng Nơm Sŏng Srăng jêh ri ăn nau tâm rklaih, Dêh rhêt jêh ri ncho seh bri, Du mlâm seh bri kon, jêng kon bơh seh bri me.

Nau Kơp Bunuyh 24:19

Nơm luh tă bơh Yakôb mra chiă uănh; Păng mra ƀư rai lĕ bunuyh hôm rêh klen bơh ƀon.”

Mathay 21:33

“Iăt hom nau hôr êng. Geh du huê bunuyh tăm du đang krăk ƀâu, ƀư n'gar jŭm mir, tâm trôm păng kuyh du ntu mpet ndrănh, ƀư du ngih tŭm gak, jêh ri ăn lĕ bunuyh tăm krăk ƀâu nkhôm, jêh nây păng hăn du bri êng.

Markôs 12:1

Brah Yêsu ntơm dŏng nau hôr gay lah ma khân păng: “Bunuyh ri tăm du đang krăk ƀâu, ƀư n'gar jŭm mir, kuyh ntu mpet krăk ƀâu, ƀư du ngih tŭm gak, jêh nây ăn phung kan nkhôm mir krăk ƀâu, jêh ri păng hăn rgăn du bri êng.

Êphêsô 1:21

rlau lơn ma lĕ rngôch nau chiă uănh, nau dơi, nau ktang, nau dơi chiă uănh, jêh ri ma lĕ rngôch amoh, mâu knŏng tâm rnôk aơ ôh, ƀiălah nđâp ma rnôk dăch tât đŏng.

Nau Tâm Mpơl 22:5

Măng mâu mra hôm ôh jêh ri bu mâu hôm ŭch nau ang tă bơh ŭnh kađen mâu lah ma nar ôh, yorlah Kôranh Brah jêng Brah Ndu mra sol ang khân păng. Jêh ri khân păng mra chiă uănh ƀaƀơ n'ho ro.