Mika 4:6 - Nau Brah Ndu Ngơi 2023

⁶ Brah Yêhôva lah: “Tâm nar nây Gâp mra rgum bunuyh kuet, Rgum tay bunuyh bu hŏ mprơh du, Jêh ri phung Gâp hŏ ƀư rngot jêh.

Mika 4:6 Iomraidhean Croise

Nau Mprơ Ơm 147:2

Brah Yêhôva rdâk ƀon Yêrusalem; Păng tâm rƀŭn phung kon Israel chah rai pru pra jêh;

Nau Mprơ Ơm 38:17

Gâp bơi ma prah sơmok, Nau rngot hôm e gŭ jŏ kêng gâp ƀaƀơ.

Êsai 56:8

Kôranh Brah jêng Brah Yêhôva, Nơm tâm rƀŭn phung Israel nchah rai pru pra jêh, lah pô aơ: ‘Đơ phung hŏ tâm rƀŭn jêh, Gâp mra tâm rƀŭn phung êng đŏng plơ̆ sĭt ma păng.’”

Yêrêmi 3:18

Tâm nar nây, ngih Yuđa mra hăn ndrel ma ngih Israel, jêh nây khân păng mra nsum ndrel luh bơh neh mpeh pa lơ, plơ̆ sĭt ma n'gor Gâp hŏ ăn ma phung chô yau khân may ƀư drăp ndơn.

Yêrêmi 31:8

Aơ, Gâp mra njŭn khân păng sĭt bơh bri mpeh pa lơ, Rgum tâm rƀŭn khân păng bơh nglĕ dŭt rplay neh. Ta nklang khân păng mra geh nơm chieh măt, nơm rvĕn, Phung bu ur ntreo jêh ri bu ur veng deh, Jêng du phung âk ngăn ngên mra sĭt ta aơ.

Êsêkiêl 36:24

Gâp mra sŏk sĭt lơi phung khân may tă bơh ta nklang lĕ phung ƀon lan, rgum tay khân may tă bơh lĕ rngôch bri dak jêh ri leo sĭt tâm bri êng khân may nơm.

Mika 2:12

“Hơi Yakôb! N'hêl nanê̆ Gâp mra tâm rƀŭn lĕ rngôch khân may, Nanê̆ ngăn Gâp mra rgum lĕ phung Israel hôm e, Jêh ri djôt khân păng gŭ nsum tay Nâm bu phung biăp tâm ndrung, Nâm bu du phung biăp gŭ ta nklang tâm ndrêch khân păng; Ta ntŭk nây mra geh bâr bunuyh drơu drơu.

Sôphôni 3:19

Aơ, tâm nôk nây, Gâp mra tâm rdâng đah lĕ rngôch phung tŭn jot may; Gâp mra tâm rklaih ƀư bah phung kuet rvĕn, Kuăl rgum phung tă bu mprơh du, Gâp mra ƀư ma khân păng geh nau tâm rnê jêh ri nau lư n'găr Tâm ăp ntŭk bu hŏ ƀư bêk prêng jêh khân păng.

Luka 19:10

Yorlah Kon Bunuyh văch jêh gay joi jêh ri tâm rklaih mbu nơm roh jêh.”

Yôhan 10:16

Gâp hôm geh đŏng biăp êng mâu gŭ tâm n'gar aơ ôh; Gâp mra njŭn leo khân păng plơ̆ sĭt đŏng. Biăp nây mra tăng bâr Gâp, jêh nây mra knŏng geh du phung biăp jêh ri du huê rmăk dơm.