Mika 4:3 - Nau Brah Ndu Ngơi 2023

³ Păng mra ƀư nau phat dôih ta nklang âk mpôl băl bunuyh, Jêh ri phat dôih ta nklang lĕ bri dak dŭt dăng gŭ ntŭk ngai. Khân păng mra sŏk đao chiăr njêng kau kai, Sŏk tak chiăr njêng nhuĕ; Bri dak aơ mâu mra tŏk ôh đao tâm rdâng đah bri dak êng Jêh ri mâu lĕ hôm nti tay đŏng nau tâm lơh.

Mika 4:3 Iomraidhean Croise

Nau Mprơ Ơm 46:10

Gŭ rklăk hom jêh ri ăn gĭt pô aơ Gâp jêng Brah Ndu; Gâp mra geh nau yơk tâm lĕ bri dak, Gâp mra geh nau yơk mbah tâm neh ntu.

Nau Mprơ Ơm 46:9

Păng ăn lôch rklăk nau tâm lơh kŏ tât ta nglĕ dŭt rplay neh. Nkê̆ch pă lơi na, sreh lơi tak ăn âk gâl Jêh ri su lơi ma ŭnh lĕ ndeh seh.

Nau Mprơ Ơm 72:3

Ăn phung yôk dơi geh nau ndrŏng, Jêh ri lĕ dor yôk djôt nau sŏng srăng ma phung ƀon lan.

Nau Mprơ Ơm 72:7

Tâm rnôk hađăch chiă uănh, nau sŏng srăng ndrŏng ktang, Jêh ri nau đăp mpăn mra jong kŏ tât khay mâu hôm nchrat ang đŏng ôh.

Nau Mprơ Ơm 82:8

Ơ Brah Ndu, dăn gơnh oi phat dôih neh ntu, Yorlah lĕ rngôch mpôl băl bunuyh jêng drăp ndơn May da dê.

Nau Mprơ Ơm 96:13

Tanăp Brah Yêhôva; yorlah Păng dôl văch, Păng dôl văch gay phat dôih neh ntu; Păng sŏk nau sŏng srăng gay phat dôih neh ntu, Sŏk nau ngăn gay phat dôih lĕ rngôch mpôl băl bunuyh.

Nau Mprơ Ơm 98:9

Yorlah Păng văch phat dôih neh ntu; Păng mra phat dôih neh ntu tĭng nau sŏng srăng, Jêh ri phat dôih phung ƀon lan tĭng ma nau di.

Êsai 2:4

Păng mra ƀư nau phat dôih ta nklang lĕ bri dak, Jêh ri nkra dôih ma âk phung ƀon lan. Aƀaơ, khân păng mra sŏk đao chiăr njêng kau kai, Sŏk tak chiăr njêng nhuĕ. Bri dak aơ mâu mra tŏk đao lơh bri dak êng, Khân păng mâu lĕ hôm nti tay nau tâm lơh đŏng ôh.

Êsai 25:3

Yor nây, du phung ƀon lan ktang mra tâm rnê May; Ƀon ma lĕ bri dak janh ƀai mra klach yơk ma May.

Êsai 51:5

Nau sŏng srăng Gâp dăch êp jêh, Nau Gâp tâm rklaih dăch mpơl jêh, Nting tur Gâp mra chiă uănh phung ndŭl mpôl bunuyh. Lĕ rngôch gôl dak mƀŭt, mra kâp gân Gâp, Jêh ri khân păng kâp gân ma nting tur Gâp.

Êsai 60:12

Yorlah mbu ndŭl mpôl jêh ri ƀon bri hađăch Mâu ŭch tông bâr ma may mra rai lôch; Bu mra ƀư rai lơi phung ndŭl mpôl nây lĕ ƀhiau.

Êsai 65:25

So bri jêh ri kon biăp mra sa gơ̆ ndrel, Yau mŭr mra sa rhe nâm bu ndrôk, Bêh mra sa ndruyh neh. Mra mâu hôm geh nơm phă mâu lah ƀư rai Ta lĕ yôk kloh ueh Gâp.” Brah Yêhôva lah pônây.

Êsai 9:7

Kôranh Brah hŏ njuăl du nau ngơi tâm rdâng đah phung Yakôb, Jêh ri nau ngơi nây tŭp ta ngih phung Israel.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Ndrom Samƀŭt bơh Ôsê 2:18

Tâm nar nây, Gâp mra ƀư nau tâm rnglăp ta nklang khân may Đah lĕ mpô mpa bri, sĭm klơ trôk, Đah lĕ mpa vơr ta neh. Gâp mra nkê̆ch pă lơi na, tak đao Jêh ri ƀư nau tâm lơh du luh bơh n'gor aơ, Gay khân may dơi gŭ mpăn.

Ndrom Samƀŭt bơh Ôsê 2:20

Di yơh, Gâp mra nđăp ay đah Gâp tâm nau răp jăp; Jêh ri ay mra gĭt Brah Yêhôva.”

Yôel 3:2

pôri Gâp mra rgum tay lĕ rngôch bri dak jêh ri njŭn khân păng jŭr tâm rlŭng Jôsaphat. Ta nây, Gâp mra phat dôih khân păng yor phung ƀon lan Gâp jêh ri drăp ndơn Gâp jêng phung Israel, yorlah khân păng hŏ ƀư du pru pra ta nklang phung mpôl băl bunuyh. Khân păng hŏ tâm pă bri neh Gâp,

Sakari 14:3

Nôk nây, Brah Yêhôva mra hăn tâm lơh đah lĕ rngôch bri dak nây, nâm bu Păng hŏ lơh jêh tâm rnôk tâm lơh.

Sakari 8:20

Brah Yêhôva ma phung tahan lah: “Âk ntil mpôl bunuyh jêh ri phung gŭ tâm âk rplay ƀon toyh mra văch;

Sakari 9:10

Gâp mra ƀư rai lơi ndeh seh bơh bri Êphraim Jêh ri seh tâm lơh tă bơh Yêrusalem; Hăr jêh ri na dŏng nôk tâm lơh bu mra nkê̆ch lơi, Jêh ri Păng mra mbơh nau đăp mpăn ăn ma lĕ bri dak; Nau dơi Păng chiă uănh mra n'hot ntơm bơh dak mƀŭt aơ tât ma dak mƀŭt ri, Ntơm bơh Dak Krong Me aơ tât ma bôl dŭt neh ntu.

Kôranh Oh Mon 17:31

Yorlah Păng tâm nal jêh du nar, Păng mra phat dôih neh ntu ma nau sŏng srăng bơh Bunuyh Păng hŏ rdâk jêh. Jêh ri gay ma nau mbơh ăn nanê̆ ma lĕ rngôch bunuyh saơ, Păng hŏ ƀư ma Bunuyh dâk rêh tay jêh bơh nau khĭt.”

Nau Tâm Mpơl 19:11

Dôl nây gâp saơ trôk pơk jêh, jêh ri, ri, geh du mlâm seh nglang! Nơm ncho seh geh amoh NAU RĂP JĂP JÊH RI NANÊ̆ NGĂN; Păng phat dôih jêh ri tâm lơh ma nau sŏng srăng.

I Samuel 2:10

Mbu nơm rdâng đah Brah Yêhôva mra chah rai! Tă bơh klơ trôk nđôch, Brah Yêhôva mra nkhŭt nglaih dah khân păng. Păng mra phat dôih lĕ rngôch bunuyh ƀon lan ta klơ neh ntu, Ăn nau dơi ma nơm Păng săch jêng hađăch, Jêh ri ăn nau dăng ktang rmeh ler ma nơm Păng tŏ dak ƀâu kah.”