Mika 4:13 - Nau Brah Ndu Ngơi 2023

¹³ Pôri hơi kon bu ur ƀon Siôn, Dâk hom jêh ri jot plên! Yorlah Gâp mra ƀư ăn nke ay dăng nâm bu loih Nchop ay nâm bu kông; Ay mra rchiăt hăch âk phung ƀon lan Jêh ri mra nhhơr drăp ndơ geh ăn ma Brah Yêhôva, Jêh ri ndô ndơ ma Kôranh Brah tâm lam neh ntu.”

Mika 4:13 Iomraidhean Croise

Nau Mprơ Ơm 24:1

Neh jêh ri lĕ rngôch ndơ ta klơ neh, Neh ntu jêh ri lĕ bunuyh gŭ tâm nây jêng ndơ Brah Yêhôva da dê.

Nau Mprơ Ơm 68:29

Tă bơh ngih Brah May ta ƀon Yêrusalem, Phung hađăch mra njŭn leo mpa nhhơr ma May.

Nau Mprơ Ơm 72:10

Phung hađăch n'gor Tarsis jêh ri phung kô dak rlai Mra chê̆ pi ma hađăch. Hađăch bơh Saba jêh ri Sêba Mra djôt ndơ văch ăn ma hađăch.

Êsai 18:7

Tâm rnôk nây, phung ƀon lan jong jêh ri ntâu pler, jêng phung bunuyh bu klach, nđâp lah gŭ êp mâu lah ngai, du bri dak ktang jêh ri vay tŭn jot, bri dak geh âk dak krong nkhah, khân păng yơh mra njŭn ndơ nhhơr ma Brah Yêhôva ma phung tahan, ta ntŭk prăp ma amoh Brah Yêhôva ma phung tahan gŭ, jêng yôk Siôn.

Êsai 21:10

Ơ phung bu mbang tâm ban ma ba ta ntŭk mprah ba gâp! Nau gâp hŏ tăng jêh bơh Brah Yêhôva ma phung tahan, Jêng Brah Ndu phung Israel, Gâp hŏ mbơh jêh nau nây ma oh nâu gâp gĭt.

Êsai 23:18

Ƀiălah ndrăp kao jêh ri rnoh nkhôm păng mra prăp êng ma Brah Yêhôva, ntrok dônh bun nkrem. Yorlah drăp kao nây mra dơi prăp ma phung pah kan tanăp măt Brah Yêhôva, gay khân păng dơi sa rmeh ler jêh ri nsoh bok ao ueh.

Êsai 5:28

Chiông hăr khân păng tôl mplanh, Lĕ rngôch na van jêh; Nchop jâng seh kranh nâm bu lŭ, Jâng ndeh nâm bu sial vănh blông.

Yêrêmi 51:20

May jêng me nôp, jêng ndơ tâm lơh ăn ma Gâp; Gâp mra dŏng may dong nchah lĕ rngôch phung mpôl bunuyh Jêh ri ƀư rai lĕ rngôch ƀon bri hađăch.

Yêrêmi 51:33

Ma yorlah Brah Yêhôva ma phung tahan, Brah Ndu Israel lah: “Kon bu ur ƀon Babilôn tâm ban ma ntŭk mprah ba Ta yan mprah ba; Mâu hôm jŏ đŏng ôh Yan rek păng mra tât.”

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Ndrom Samƀŭt bơh Ôsê 10:11

Êphraim jêng nâm bu ndrôk me druh lĕ đăp jêh Ŭch rŏng jot ba, Ƀiălah Gâp hŏ prăp trô ko lay ueh păng. Gâp mra dơm mâng mbăk klơ Êphraim; Yuđa mra chuar Jêh ri Yakôb mra ƀư hăch neh.

Mika 5:7

Phung hôm e klen bơh Y-Yakôb Mra gŭ ta nklang lĕ bri dak, Jêh ri gŭ ta nklang âk phung ƀon lan nâm bu yau mŭr gŭ ta nklang mpô mpa bri, Nâm bu kon yau mŭr gŭ ta nklang phung biăp; Lah păng hăn rgăn mra jot plên, Jêh ri kăp sa hêk mâu geh ôh nơm dơi rklaih.

Habakuk 3:12

Tâm nau ji nuih, Kôranh Brah nsong ta klơ neh ntu, Tâm nau ji nuih, May jot plên phung ƀon lan.

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”

Sakari 12:6

Tâm nar nây, Gâp mra ƀư ma phung kôranh Yuđa tâm ban ma ŭnh năk dôl ŭnh hit ta nklang mbŭch long, nâm bu chiông ŭnh rdo hit ta nklang âk nchăp ba; khân păng mra su rai lĕ rngôch phung ƀon lan gŭ jŭm, nđâp mpeh pa ma jêh ri mpeh pa chiau. Ƀiălah phung ƀon lan Yêrusalem hôm e gŭ ta ntŭk ƀon păng nơm, nây jêng Yêrusalem.”

Sakari 4:14

Tông mpăr lah: “Nây jêng bar hê bunuyh hŏ tŏ dak ngi gay ma pah kan ăn ma Kôranh Brah tâm lĕ neh ntu.”

Sakari 6:5

Tông mpăr plơ̆ lah: “Nây jêng puăn ntil sial ta klơ trôk luh du, lah lôch jêh mpơl khân păng nơm panăp măt Kôranh Brah lam bri neh ntu.

I Kôrintô 16:2

Ta nar nguay ăp nar pơh, ăp nơm tâm khân may, tĭng nâm dơi geh khân may nơm, prăp hom du kô̆; lơi kâp nôk gâp tât jêh nây ntơm riu prăk.

Nau Vay Nkah Tay 33:25

Lĕ mâng nđăng mpông ƀư ma loih jêh ri kông, N'hâm suan dăng tâm du bông nau rêh.”

Yôsuê 6:19

Lĕ rngôch prăk, mah, jêh ri lĕ glah ma kông, ma loih jêng ndơ prăp kloh ueh ma Brah Yêhôva; lĕ ndơ nây mra nglăp tâm jay prăp Brah Yêhôva.”