Mika 4:11 - Nau Brah Ndu Ngơi 2023

¹¹ Nôk nây, geh âk bri dak rgum băl tâm lơh đah may, Khân păng lah: “Ƀư ƀơ̆ ƀơch ăn păng Jêh ri măt he ŭch uănh ma ƀon Siôn!

Mika 4:11 Iomraidhean Croise

Nau Mprơ Ơm 129:5

Đơ phung tâm rmot ma ƀon Siôn Bêk prêng jêh ri rŭch lơi.

Nau Mprơ Ơm 83:5

Yorlah khân păng tâm nchră du nuih n'hâm ndrăng khân păng Njêng nau tâm rnglăp tâm rdâng đah May:

Êsai 10:7

Ƀiălah Asiri mâu gĭt vât pônây ôh, Nuih n'hâm păng mâu mĭn kơt nây; Păng ŭch ƀư rai Jêh ri ngluh lơi dŭt âk bri dak.

Êsai 17:12

Ơ, phung ndŭl mpôl bunuyh âk râk ƀư nteh drơu drơu! Khân păng ngrông tâm ban ma nteh rbuh dak mƀŭt! Nteh drơu drơu tâm phung ndŭl mpôl bunuyh Ngrông tâm ban ma nteh âk dak leng hoch!

Êsai 29:7

Phung tahan lĕ bri dak hăn lơh Ariêl, Lĕ rngôch phung hăn lơh, ƀư rai pôih, jêh ri rêt păng Mra roh rai tâm ban ma nau mbơi, tâm ban ma mbơi kêng măng.

Yêrêmi 52:4

Ta nar jât khay jât tâm năm rơh sĭn rnôk rô̆ hađăch Sêdêkia, Y-Nêbukatnetsar, hađăch Babilôn, djôt leo lĕ rngôch phung tahan hăn tâm lơh ƀon Yêrusalem. Khân păng ndâk ntŭk tahan gŭ nchueng jêh ri ƀư mpêr tâm lơh văr jŭm ƀon.

Êsêkiêl 26:3

Yor nây, Kôranh Brah Yêhôva lah: ‘Hơi ƀon Tyre! Aơ, Gâp mra tâm rdâng đah may. Gâp mra leo âk bri dak dâk tâm lơh đah may nâm bu dak mƀŭt geh âk rbuh ktang.

Êsêkiêl 38:17

Kôranh Brah Yêhôva lah: ‘Mâu di kăl e Gâp hŏ dŏng oh mon Gâp jêng nơm mbơh lor Israel lah jêh? Tâm rnôk nây, âk năm rlau khân păng hŏ mbơh lor pô aơ Gâp mra ăn may tât tâm lơh đah phung ƀon lan Gâp.’

Apdia 1:12

Di lah, may lơi troh gơm uănh oh nâu may Tâm nar păng geh nau rêh ri; Lơi ta răm maak Ta nar bu ƀư khĭt oh kon Yuđa; Lơi dĭng ngơi hưn Ta nar păng dơn rêh ni.

Mika 7:10

Nơm rlăng ma gâp mra saơ nau nây, Jêh ri mra geh nau bêk prêng. Păng jêng nơm hŏ lah ma gâp pô aơ: “Ta ntŭk Yêhôva Brah Ndu may?” Măt gâp mra saơ nau păng rlâm rai, Jêh ri bu mra jot mpet Nâm bu dak bŏk rŏ trong.

Sakari 12:3

Tâm nar nây, Gâp mra ƀư ăn ma ƀon Yêrusalem jêng du mlâm lŭ toyh jâk ngăn ăn ma lĕ rngôch ntil mpôl bunuyh; mbu moh chông păng mra geh nau sôt rmanh jru. Jêh ri lĕ rngôch bri dak ta klơ neh mra tâm rgum gay tâm rdâng đah păng.”