Mika 4:1 - Nau Brah Ndu Ngơi 2023

¹ Tâm lĕ nar nglĕ dŭt, Yôk ngih Brah Yêhôva Mra dơi ndâk nâp ta klơ yôk prêh lơn, Jêh ri mra dơi n'hao prêh lơn ma lĕ gôl yôk. Lĕ mpôl băl bunuyh mra hăn plơ̆ sĭt ta nây.

Mika 4:1 Iomraidhean Croise

Nau Ntơm 49:1

Y-Yakôb kuăl phung kon bu klâu păng jêh ri lah: “Rgum ndrel hom ta aơ, gâp mra lah dĭng lĕ nau mra tât ma phung khân may tâm rnôk kăndơ̆.

Nau Ntơm 49:10

Mâng jra hađăch mâu mra ngai ôh bơh Y-Yuđa, Mâng jra chiă uănh mâu ngai bơh jâng păng, Kŏ tât nôk Nơm Silô văch, Jêh ri phung ƀon lan tông bâr Nơm nây.

Nau Mprơ Ơm 110:3

Tâm nar Brah Ndu mpơl nau dăng ktang, Phung ƀon lan May mra ŭch nhhơr khân păng nơm ma May; Phung bu klâu ndăm ndơ nsoh kloh ueh hăn tĭng May, Chrêk rêp ƀlêp nâm bu truh dak ngom ơm ôi

Nau Mprơ Ơm 22:27

Lĕ rngôch lam rplay neh mra kah gĭt Jêh ri mra plơ̆ sĭt ma Brah Yêhôva, Lĕ rngôch mpôl băl bunuyh Mra chon mon mbah tanăp May.

Nau Mprơ Ơm 48:1

Brah Yêhôva dŭt toyh, khư ma lĕ nau mprơ tâm rnê Tâm ƀon Brah Ndu he Jêh ri ta klơ yôk kloh ueh Păng.

Nau Mprơ Ơm 86:9

Lĕ rngôch phung mpôl băl May hŏ rhăk njêng jêh Mra văch yơk mbah tanăp măt May Jêh ri tâm rnê amoh May.

Êsai 27:13

Tâm nar nây, bu mra uh nŭng toyh. Nôk nây, phung nhhơt jêh tâm bri Asiri jêh ri phung bu nsot jêh ta bri Êjipt mra văch yơk mbah ma Brah Yêhôva ta yôk kloh ueh ta ƀon Yêrusalem.

Êsai 43:6

Gâp mra lah ma mpeh pa lơ pô aơ: ‘Ăn mƀơk hom!’ Jêh ri lah ma mpeh pa dâng pô aơ: ‘Lơi kuăn prăp ôh!’ Djôt leo hom phung kon bu klâu Gâp plơ̆ sĭt tă bơh ngai, Djôt leo phung kon bu ur Gâp plơ̆ sĭt tă bơh bôl dŭt bri neh;

Êsai 49:6

Păng lah ma gâp pô aơ: “Nau may ƀư oh mon Gâp gay rdâk đŏng phung ndŭl mpôl Yakôb, Jêh ri njŭn phung Israel hôm e plơ̆ sĭt Knŏng jêng nau kan jê̆; Gâp mra ƀư ma may jêng nau ang ma lĕ bri dak, Gay djôt nau gâp tâm rklaih tât ta nglĕ dŭt rplay neh.”

Êsai 54:2

Ƀư huy hom ntŭk ngih bok ay, Ăn bu lăk ăn dĭ bok nching ntŭk ay gŭ; Nthăng rse ăn jong, Ƀư nâp mâng rdâng!

Êsai 56:7

Pôri Gâp mra djôt khân păng leo ta yôk kloh ueh Gâp, Jêh ri ăn khân păng răm maak tâm ngih Gâp mbơh sơm. Khân păng nhhơr ndơ ƀư brah gŭch jêh ri mpa ƀư brah ta nơng ƀư brah Gâp Mra dơi dơn; Yorlah ngih Gâp bu mra kuăl jêng ngih mbơh sơm Ma lĕ rngôch mpôl băl bunuyh.

Yêrêmi 16:19

Ơ Brah Yêhôva, May jêng n'hâm suan dăng ktang jêh ri pôih nâp ma gâp, Ntŭk nde krap gâp tâm nar rêh ni! Ntơm bơh nglĕ dŭt rplay neh, Lĕ bri dak mra văch ma May jêh ri lah: “Phung chô yau hên knŏng sŏk dơn lĕ brah mƀruh ndơm, Lĕ nau dơm dam, jêh ri mâu dơi geh nau khlay ôh.

Yêrêmi 26:18

“Y-Mika gŭ tâm ƀon Môrêset, nơm mbơh lor tâm rnôk Y-Hêsêkia, hađăch Yuđa, hŏ ngơi ma lĕ rngôch phung ƀon lan n'gor Yuđa pô aơ: Brah Yêhôva ma phung tahan lah: ‘Siôn bu mra chuar nâm bu lôk mir, Yêrusalem mra jêng du mbŭch rlâm rai nchah rngot njăp, Yôk ngih brah mra jêng yôk bri krŏng.’

Yêrêmi 3:17

Rnôk nây bu mra ntơ Yêrusalem jêng sưng Hađăch Brah Yêhôva. Lĕ rngôch mpôl bunuyh mra tâm rƀŭn tâm amoh Brah Yêhôva ta ƀon Yêrusalem, khân păng mâu mra dăng bôk ôh rêh tĭng nuih n'hâm mhĭk khân păng nơm đŏng.

Yêrêmi 31:12

Khân păng mra tât jêh ri mprơ ta klơ ntŭk prêh yôk Siôn; Răm rhơn ma lĕ nau ueh Brah Yêhôva, Ma ba ƀlê, ndrănh mhe, dak ngi, Ma biăp kon jêh ri ndrôk kon; Nuih n'hâm khân păng nâm bu du nkual đang djrah bĕ dak, Mâu hôm rngot hŏt rgănh đŏng ôh.

Yêrêmi 48:47

Ƀiălah, tât ta nar nglĕ dŭt, Gâp mra ƀư ma ƀon lan Môap plơ̆ jêng ndrŏng tay,” Brah Yêhôva lah pônây. Nau phat dôih ma bri Môap lôch nglĕ aơ dơm.

Êsêkiêl 38:16

Hơi Y-Gôk! May mra hăn tât lơh ƀon lan Israel Gâp nâm bu du ndâr tŭk nkŭm lĕ bri. N'hêl nanê̆, tâm rnôk nglĕ dŭt, Gâp mra ăn may lơh bri Gâp gay ma phung mpôl băl bunuyh uănh gĭt năl Gâp tơlah Gâp dŏng may gay mpơl nau kloh ueh Gâp tanăp măt khân păng.’

Êsêkiêl 40:2

Tâm lĕ rngôch nau tâm saơ bơh Brah Ndu, gâp saơ Păng leo gâp lăp bri Israel jêh ri dơm gâp ta klơ du gôl yôk prêh ngăn, ta klơ yôk nây, mpeh pa dâng, geh du ntil nau ndâk nkra nâm bu du rplay ƀon.

Êsêkiêl 43:12

Aơ yơh jêng nau vay ma ngih brah. Lĕ rngôch n'gor văr jŭm, ta klơ n'gơn yôk jêng ntŭk kloh ueh ngăn. Di yơh, nây jêng nau vay ma ngih brah.

Daniel 10:14

Aƀaơ, gâp văch gay ăn may gĭt rbăng nau mra tât ma phung ƀon lan may tâm nar nglĕ dŭt, yorlah aơ jêng nau tâm saơ di ma lĕ nar dăch tât.”

Daniel 2:28

Ƀiălah Brah Ndu klơ trôk jêng Nơm tâm mpơl nau ndâp, mra ăn ma hađăch Nêbukatnetsar gĭt lĕ nau mra tât tâm rnôk nglĕ dŭt. Aơ jêng nau mbơi jêh ri lĕ nau tâm saơ tât nau mĭn may dôl may bê̆ch ta klơ sưng bê̆ch:

Daniel 2:35

Rnôk nây loih, neh uk, kông, prăk jêh ri mah nchah hăch da dê, tâm ban ma lâk ta ntŭk mprah ba yan vai, jêh ri sial khôm rdu mâu hôm saơ têl ôh. Ƀiălah glo lŭ hŏ dong ta rup jêng du rplay yôk toyh, bêng lam neh ntu.

Daniel 2:44

Tâm rnôk phung hađăch aơ, Brah Ndu tâm trôk mra rdâk du rplay ƀon bri hađăch mâu mra mâp rai lôch ôh, nau chiă uănh ƀon bri hađăch nây mâu mra tŭp ma phung ndŭl mpôl êng. Ƀon bri hađăch nây mra dong nchah jêh ri ƀư rai lĕ rngôch ƀon bri hađăch êng, păng nơm mra hôm n'ho ro.

Daniel 7:14

Nơm Gŭ Rêh Bơh Rnôk Kăl E ăn ma nơm nây nau dơi chiă uănh, Nau chrêk rmah jêh ri ƀon bri hađăch. Ma lĕ rngôch phung ƀon lan, lĕ rngôch bri dak, lĕ rngôch nau ngơi Pah kan ma nơm nây da dê. Nau Păng chiă uănh jêng nau dơi n'ho ro, Mâu mra rlau lôch ôh, Jêh ri ƀon bri hađăch Păng mâu mra rai ôh, Mâu mra rai ôh.”

Daniel 7:18

Ƀiălah phung kloh ueh Nơm Dŭt Prêh mra sŏk dơn ƀon bri hađăch jêh ri chiă uănh ƀon bri hađăch nây n'ho ro kŏ tât n'ho ro mâu blau lôch ôh.’

Daniel 7:22

kŏ Nơm Gŭ Rêh Bơh Rnôk Kăl E tât gŭ, ndâk nau phat dôih gay koh dŏng phung kloh ueh Nơm Dŭt Prêh, jêh ri tât rnôk phung kloh ueh sŏk dơn ƀon bri hađăch.

Daniel 7:27

Rnôk nây, ƀon bri hađăch nây, nau dơi chiă uănh Jêh ri nau toyh ma lĕ rngôch ƀon bri hađăch tâm neh ntu Mra dơi ăn ma ƀon lan phung koh ueh Nơm Dŭt Prêh. Ƀon bri hađăch Păng jêng ƀon bri hađăch n'ho ro Jêh ri lĕ rngôch nau dơi chiă uănh pah kan jêh ri tông bâr Păng da dê.’

Ndrom Samƀŭt bơh Ôsê 3:5

Ƀiălah jêh nây, phung ƀon lan Israel plơ̆ joi tay Brah Yêhôva Brah Ndu khân păng jêh ri Y-Đavit hađăch khân păng. Tâm nar nglĕ dŭt, khân păng mra klach râm sâr plơ̆ sĭt ma Brah Yêhôva jêh ri dơi geh nau ueh lăng Păng ăn.

Mika 3:12

Pônây, yor khân may Siôn bu mra chuar nâm bu lôk mir; Yêrusalem mra jêng du mbŭch rlâm rai, Jêh ri yôk ngih brah mra jêng nâm bu yôk bri krŏng!

Sakari 14:10

Lĕ n'gor bri mra plơ̆ jêng neh lâng ntơm bơh Gêba tât ta Rimôn, mpeh pa dâng Yêrusalem. Ƀiălah Yêrusalem mra n'hao klơ gŭ ta ntŭk ơm păng, ntơm bơh mpông pêr Benjamin kŏ tât mpông pêr tal nguay jêh ri tât mpông pêr Njônh, jêh ri ntơm bơh vâl tŭm Hananel tât ta ntu păt ndrănh ma hađăch.

Sakari 2:11

Tâm nar nây, âk bri dak mra tâm rnglăp đah Brah Yêhôva, jêh ri mra jêng phung ƀon lan Gâp; Gâp mra gŭ ta nklang khân may.” Nôk nây, khân may mra gĭt Brah Yêhôva ma phung tahan hŏ njuăl jêh gâp hăn văch n'hanh khân may.

Sakari 8:3

Brah Yêhôva lah: “Gâp mra plơ̆ sĭt đŏng ma Siôn jêh ri gŭ ta nklang ƀon Yêrusalem. Rnôk nây bu ntơ ƀon Yêrusalem jêng ƀon Nanê̆ Ngăn, yôk Brah Yêhôva ma phung tahan bu mra ntơ Yôk Kloh Ueh.”

Malachi 1:11

Yor ntơm bơh nar luh tât nar nhâp, tâm amoh Gâp jêng dŭt toyh ta nklang tâm lĕ rngôch bri dak. Gŭ lam ntŭk, bu mra nhhơr ndơ ƀâu kah jêh ri nhhơr ndơ ƀư brah kloh ma amoh Gâp, yor amoh Gâp jêng dŭt toyh ta nklang lĕ rngôch bri dak.” Brah Yêhôva ma phung tahan lah pônây.

Kôranh Oh Mon 2:17

‘Brah Ndu lah: tâm lĕ nar nglĕ dŭt, Gâp mra nkhŭt Brah Huêng Ueh Gâp ta klơ lĕ rngôch nglay săk; Phung kon bu ur jêh ri phung bu klâu khân may mra mbơh lor, Phung bu klâu ndăm mra saơ nau tâm saơ, Jêh ri phung bu ranh mra saơ nau mbơi.

ហេឞ្រើ 1:2

Ƀiălah tâm lĕ nar dăch dŭt aơ, Păng ntĭm nti jêh ma he bơh Kon Păng Nơm, jêng Kon Păng hŏ rdâk jêh jêng Nơm dơn lĕ rngôch ndơ; tâm Kon nây đŏng, Păng rhăk njêng jêh trôk neh ntu.

II Pêtrôs 3:3

Lor lơn, ăn khân may gĭt nau aơ: Tâm lĕ nar nglĕ dŭt, phung mưch mra văch ma nau ngơi srơh mbơh bir, gŭ rêh tĭng nau kơnh ŭch khân păng nơm.

Nau Tâm Mpơl 11:15

Tông mpăr rơh pơh uh nŭng, geh bâr dŭt nteh ngăn tă bơh ta klơ trôk lah pô aơ: “Ƀon bri hađăch neh ntu jêng ndơ Kôranh Brah he, Jêh ri Brah Krist Păng. Păng mra chiă uănh n'ho ro.”

Nau Tâm Mpơl 15:4

Ơ Kôranh Brah, mbu nơm mâu mra klach yơk Kôranh Brah, Jêh ri mâu tâm rnê amoh may? Yorlah knŏng êng Kôranh Brah jêng kloh ueh. Lĕ rngôch mpôl băl mra văch Yơk mbah tanăp Kôranh Brah, Yorlah lĕ nau sŏng srăng May tâm mpơl jêh.”

Nau Tâm Mpơl 20:4

Gâp saơ lĕ sưng hađăch, jêh ri phung bunuyh gŭ ta sưng hađăch bu ăn khân păng nau dơi phat dôih. Gâp saơ đŏng huêng phung khĭt bu koh trô ko yor khân păng mbơh nkoch ma Brah Yêsu jêh ri nau ngơi Brah Ndu, jêh ri huêng phung mâu yơk mbah ma mpô mpa dŭt janh ndrel ma rup păng, mâu sŏk dơn nau mbên ta ndăr kleng mâu lah ta ti khân păng nơm. Khân păng dơi dâk rêh tay jêh ri chiă uănh ndrel ma Brah Krist tâm du rbăn năm.