Mika 3:7 - Nau Brah Ndu Ngơi 2023

⁷ Phung geh nau tâm saơ mra prêng Jêh ri phung mbơh lor bu mra ntêh rmot. Lĕ rngôch mra rdêp mbung nơm da dê Yorlah mâu geh ôh nau plơ̆ lah tă bơh Brah Ndu.

Mika 3:7 Iomraidhean Croise

Nau Mprơ Ơm 74:9

Hên mâu hôm saơ lĕ nau mbên khlay, Mâu hôm geh nơm mbơh lor đŏng ôh; Jêh ri tâm phung hên mâu lĕ nơm gĭt nau aơ ndah nâm jŏ.

Nau Ngluh Êjipt 9:11

Yor geh ok eh, phung rƀên mâu dơi dâk ôh tanăp măt Y-Môis. Ok eh lĕ hao ma săk jăn khân păng tâm ban đŏng ma lĕ rngôch phung Êjipt.

Êsai 44:25

Gâp jêng Nơm ƀư roh nau tâm mbên mƀruh phung mbơh lor nklă, Ƀư ma nơm n'hŭm jêng rluk, Ƀư ma nơm blau mĭn mâu geh nau rai yot, Rgâl nau gĭt rbăng khân păng jêng nau rluk

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Êsêkiêl 24:17

Vơl êng hom lơi ta nhĭm ăn ma nơm khĭt; mpân hom bok ta klơ bôk may jêh ri nsoh ntâu jot tâm jâng; lơi ta rdêp ôh têp trôm mbung jêh ri lơi sa piăng let bu njăt.”

Êsêkiêl 24:22

Rnôk nây, khân may mra ƀư nâm bu gâp hŏ ƀư jêh; khân may mâu mra rdêp ôh têp trôm mbung, mâu lĕ sa piăng let bu njăt.

Kan Lêvi 13:45

Bunuyh geh nau ji phŭng mra nsoh kho ao sat, mâu dơi kĭt sŏk, rdêp têp păng jêh ri nter: ‘Ƀơ̆ ƀơch! ƀơ̆ ƀơch!’

Amôt 8:11

Kôranh Brah Yêhôva lah: “Aơ yơh lĕ nar mra tât Tơlah Gâp njuăl nau sa sât ji ngot tât tâm n'gor, Mâu di ôh nau ji ngot ma piăng let, mâu lĕ di ji hir ma dak nhêt, Ƀiălah ji ngot ji hir iăt nau Brah Yêhôva ngơi.

Mika 3:4

Nôk nây, lĕ phung kôranh nây mra mbơh sơm ma Brah Yêhôva, Ƀiălah Păng mâu ôh plơ̆ lah. Păng mra pôn muh măt bơh khân păng Yorlah khân păng hŏ ƀư jêh nau djơh mhĭk.

Mika 7:16

Lĕ rngôch bri dak saơ nau nây mra geh nau bêk prêng Ma nau dăng khân păng; Khân păng mra dơm ti ta trôm mbung, Jêh ri tôr khân păng mra tê̆k.

Sakari 13:4

Ta nar nây, ăp nơm mbơh lor mra prêng ma nau păng tâm saơ nôk ngơi nau mbơh lor. Khân păng mâu hôm nsoh ôh ao jâr ma rsau gay ngơi ndơm đŏng ôh.

I Samuel 14:37

Y-Sôl ôp ma Brah Ndu: “Gâp mra hăn jŭr jêh ri hăn tĭng phung Philistin lĕ? May mra jao khân păng tâm ti phung Israel lĕ?” Ƀiălah nar nây, Brah Ndu mâu plơ̆ lah ôh ma păng.

I Samuel 28:15

Y-Samuel ôp ma Y-Sôl: “Mâm ƀư may rsuak gâp jêh ri kuăl ăn gâp du luh?” Y-Sôl plơ̆ lah: “Gâp geh nau uh ah ngăn; yorlah phung Philistin tâm lơh đah gâp, jêh ri Brah Ndu du tă bơh gâp jêh, Păng mâu hôm saơ plơ̆ lah ôh ma gâp, ma phung nơm mbơh lor, mâu lah ma nau mbơi kŏ mâu hôm lĕ. Yor nây, gâp kuăl may gay ăn may mbơh ma gâp gĭt moh nau gâp mra ƀư.”

I Samuel 28:6

Y-Sôl ôp ma Brah Yêhôva, ƀiălah Brah Yêhôva mâu plơ̆ lah ôh, mâu lĕ saơ nau mbơi, mâu lah ma Urim, mâu lah ma phung nơm mbơh lor.

I Samuel 9:9

(Nar kăl e, tâm n'gor Israel, tơlah bu hăn ôp nau mĭn Brah Ndu, păng vay lah: “Văch hom! He hăn hom mâp ma nơm geh nau tâm saơ”; yorlah bunuyh bu ntơ nơm mbơh lor nar aơ, nar kăl e bu ntơ nơm geh nau tâm saơ.)