Mika 3:6 - Nau Brah Ndu Ngơi 2023

⁶ Yor ri, nôk măng mra nkŭm tâm khân may yor nây mâu geh ôh nau tâm saơ; Nau ngo mra văch yor nây mâu geh ôh nau mbơh lor; Nar mra nhâp tâm phung mbơh lor nây Jêh ri nôk nar mra jêng ngo klĕng tâm khân păng.

Mika 3:6 Iomraidhean Croise

Nau Mprơ Ơm 74:9

Hên mâu hôm saơ lĕ nau mbên khlay, Mâu hôm geh nơm mbơh lor đŏng ôh; Jêh ri tâm phung hên mâu lĕ nơm gĭt nau aơ ndah nâm jŏ.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 59:10

Hên rvơ njŏ tĭng mpir tâm ban ma bunuyh chieh măt, Rvơ tâm ban ma phung mâu geh măt ôh; Nklang bôk nar ƀiălah chêh jâng tâm ban ma ngo nsrŭp măng; Ta nklang phung geh nau dăng ktang ƀiălah hên jêng tâm ban ma phung khĭt.

Yêrêmi 13:16

Nhhơr hom nau chrêk lơp ăn Yêhôva Brah Ndu khân may Êlor ma Păng ƀư nau ngo klĕng jŭr nkŭm, Êlor ma jâng khân may chêh prah Ta klơ lĕ yôk nôk nsrŭp măng; Lĕ khân may ŭch kâp nau ang Ƀiălah Păng rgâl jêng gui nau khĭt, Plơ̆ jêng gui nau ngo mbâl.

Yêrêmi 15:9

Du huê bu ur deh pơh kon păng saơ huăr rgănh, Roh n'hâm kêng lôch; Nar păng hŏ nhâp nklang nôk nar; Muh măt păng bêk prêng ngăn. Bi ma phung bunuyh hôm klen gŭ rêh Gâp mra jao ăn ma đao phung rlăng.” Brah Yêhôva lah pônây.

Yêrêmi 18:18

Khân păng lah: “Kay lŏng, he nchră hom nau tâm rdâng ma Y-Yêrêmi. Yorlah kôranh ƀư brah mâu kƀah nau vay, bunuyh blau mĭn mâu kƀah ôh nau nkah nti, phung nơm mbơh lor mâu kƀah ôh nau mbơh. Văch hom, he mra dŏng mbung mpiăt he ngơi đah păng, lơi ta mĭn ntreng ôh lĕ nau păng ngơi.”

Êsêkiêl 13:9

Ti Gâp mra tâm rdâng đah phung nơm mbơh lor tâm saơ dơm dam, nau ƀŭk rƀên mƀruh. Khân păng mâu mra gŭ ôh tâm nau phung ƀon lan Gâp tâm rƀŭn đŏng ôh, mâu geh nchih tâm ndrom samƀŭt ngih Israel đŏng ôh, jêh ri mâu chuat lăp tâm bri Israel. Rnôk nây, khân may mra gĭt Gâp jêng Kôranh Brah Yêhôva.

Êsêkiêl 7:26

Nau mhĭk ntop âk nau mhĭk, lư nau mhĭk thoi tay lư nau mhĭk. Khân may mra joi du nau tâm saơ tă bơh nơm mbơh lor ƀiălah nau ntrŭnh du bơh kôranh ƀư brah, jêh ri nau blau mĭn du bơh phung kôranh bu ranh.

Amôt 8:11

Kôranh Brah Yêhôva lah: “Aơ yơh lĕ nar mra tât Tơlah Gâp njuăl nau sa sât ji ngot tât tâm n'gor, Mâu di ôh nau ji ngot ma piăng let, mâu lĕ di ji hir ma dak nhêt, Ƀiălah ji ngot ji hir iăt nau Brah Yêhôva ngơi.

Mika 2:6

Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”