Mika 3:5 - Nau Brah Ndu Ngơi 2023

⁵ Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Mika 3:5 Iomraidhean Croise

Nau Hôr 28:21

Gŭ nding jêng nau mâu ueh ôh; Yorlah du glo ƀănh dơi ƀư nau tih đŏng.

Êsai 3:12

Phung kon se mra tŭn jot phung ƀon lan gâp, Jêh ri phung bu ur chiă uănh khân păng. Ơ phung ƀon lan gâp! Phung njŭn trong khân may ƀư ma khân may nhhơt trong, Khân păng ƀư nau rŭng răng trong may.

Yêrêmi 23:27

Nau nây khân păng tâm nkoch ndrăng khân păng nơm lĕ nau mbơi, khân păng mĭn ŭch ƀư ma phung ƀon lan Gâp chuêl amoh Gâp nâm bu chô yau khân păng hŏ yor brah Baal chuêl amoh Gâp.

Yêrêmi 23:32

Brah Yêhôva lah: “Aơ, Gâp tâm rdâng đah phung dŏng mbơi mƀruh jêh ri mbơh lor. Khân păng nkoch nau mbơi jêh nây dŏng nau ngơi mƀruh, blă blơ ƀư ăn ma ƀon lan Gâp vĭ nhhơt, ƀiălah Gâp mâu prơh hăn, ăt mâu lĕ ntrŭnh khân păng. Khân păng mâu geh nau khlay ôh ăn ma phung ƀon lan aơ,” Brah Yêhôva lah pônây.

Yêrêmi 6:14

Khân păng ƀư bah sôt rmanh phung ƀon lan Gâp ma nau ƀlơr, Jêh nây lah: ‘Đăp mpăn! Đăp mpăn!’ Mâu geh nau đăp mpăn ôh.

Yêrêmi 6:4

“Ndrăp hom nau tâm lơh tâm rdâng đah ƀon; Aƀaơ, he mra rduh lơh nôk nar nklang bôk! Ƀiălah rêh ni ăn phung he, nar hŏ vet, Gui n'hâm bri mhaơ hŏ jong jêh!

Nau Nhĭm Vơl 2:14

Phung nơm mbơh lor may hŏ ăn may saơ jêh Nau tâm saơ mƀruh jêh ri nau ndơm; Khân păng mâu mâp tâm mpơl ôh nau tih may Gay leo may plơ̆ sĭt tă bơh ntŭk bu nă. Ƀiălah knŏng ăn may saơ Lĕ nau mbơh lor mƀruh jêh ri vĭ nhhơt.

Êsêkiêl 13:9

Ti Gâp mra tâm rdâng đah phung nơm mbơh lor tâm saơ dơm dam, nau ƀŭk rƀên mƀruh. Khân păng mâu mra gŭ ôh tâm nau phung ƀon lan Gâp tâm rƀŭn đŏng ôh, mâu geh nchih tâm ndrom samƀŭt ngih Israel đŏng ôh, jêh ri mâu chuat lăp tâm bri Israel. Rnôk nây, khân may mra gĭt Gâp jêng Kôranh Brah Yêhôva.

Ndrom Samƀŭt bơh Ôsê 4:5

May mra chêh prah dôl nôk nar; Phung nơm mbơh lor mra chêh prah ndrel may dôl bri măng tâm ban lĕ, Jêh ri Gâp mra ƀư rai mê̆ may.

Yôel 3:9

Mbơh hom nau aơ ta nklang lĕ bri dak: Ndrăp hom ma nau tâm lơh, Nsônh hom phung tahan janh ktang. Lĕ rngôch phung tahan tâm lơh hăn văch tât hom jêh ri rduh hom tâm lơh!

Mika 2:11

Tơlah geh bunuyh ngơi mƀruh lah pô aơ: “Gâp mra mbơh lor ma may ma nau ndrănh jêh ri ndrănh dăng,” Pôri bunuyh nây jêng nơm mbơh lor jêng di phung bơh ƀon lan aơ!

Mika 3:11

Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Malachi 2:8

Ƀiălah khân may nkhơng ma teng tă bơh trong ngăn, dŏng nau ntrŭnh ƀư ma âk bunuyh chêh prah, jêh ri ƀư rai nau tâm rnglăp phung Lêvi.” Brah Yêhôva ma phung tahan lah kơt nây.

Mathay 15:14

Ăn kđôi khân păng; khân păng jêng phung chieh măt njŭn trong. Tơlah du huê chieh măt njŭn du huê chieh măt, lĕ bar hê khân păng mra tŭp tâm ntu.”

Mathay 7:15

“Njrăng hom ma phung nơm mbơh lor nklă, khân păng mra văch ma khân may njêng nâm bu biăp, ƀiălah tâm trôm khân păng jêng so bri vay kăp hêk.

Samƀŭt Pôl Njuăl Ăn Ma Phung Nsing Ta Ƀon Rôm 16:18

Yorlah phung pônây mâu pah kan ma Brah Krist, Kôranh Brah he ôh, ƀiălah pah kan ma ndŭl khân păng nơm; khân păng sŏk nau ngơi ueh, ngơi rnê gay ma ndơm mƀruh lĕ nuih n'hâm phung sŏng.