Mika 3:11 - Nau Brah Ndu Ngơi 2023

¹¹ Phung kôranh phat dôih yor drăp bu blŏl, Phung kôranh ƀư brah ntĭm nti yor rnoh bu nkhôm, Bi phung nơm mbơh lor ngơi mbơh lor yor nkhôm ma prăk; Jêh nây khân păng nsing ma Brah Yêhôva ngơi pô aơ: “Mâu ƀơh di Brah Yêhôva dôl gŭ ta nklang he? Nau mhĭk mâu ôh mra tât ma he!”

Mika 3:11 Iomraidhean Croise

Nau Hôr 17:23

Bunuyh ƀai dơn ndơ bu blŏl ma nau ndâp Gay ƀư vĭ mâng njing nau di.

Êsai 1:23

Phung chiă uănh may jêng phung tâm rdâng, Tâm rnglăp ndrel ma đah phung ntŭng. Ăp nơm rŏng ma drăp blŏl, Jêh ri nchuăt tĭng nau nkhôm. Khân păng mâu phat dôih nau di ma phung kon đơi, Mâu lĕ khân păng chrê ma nau phong dôih bu ur ndrô.

Êsai 48:2

Yorlah khân păng rnha khân păng nơm jêng phung luh bơh ƀon kloh ueh, Jêh ri rnơm ma Brah Ndu phung Israel; Amoh Păng jêng Brah Yêhôva ma phung tahan:

Êsai 5:23

Rêh ni ngăn ma phung yor dơn drăp blŏl gay kơp nau sŏng srăng ma phung geh nau tih, Jêh ri pit sŏk nau sŏng srăng ma phung sŏng srăng!

Êsai 56:11

Khân păng jêng so ŭch sa, Mâu blau hơm ôh. Khân păng jêng phung rmăk biăp mâu gĭt rbăng; Lĕ rngôch khân păng plơ̆ tĭng trong khân păng nơm, Ăp nơm rvê joi drăp ndơ ma păng nơm da dê.

Yêrêmi 23:17

Khân păng lah ƀaƀơ đah phung tâm rmot ma Gâp pô aơ: ‘Brah Yêhôva lah: Khân may mra geh nau đăp mpăn.’ Jêh ri lah ma phung geh nuih n'hâm dăng: ‘Mâu geh nau mhĭk mra tât ma khân may ôh.’

Yêrêmi 26:7

Lĕ phung kôranh ƀư brah, phung mbơh lor, jêh ri lĕ rngôch phung ƀon lan tăng da dê nau Y-Yêrêmi mbơh nau aơ tâm ngih Brah Yêhôva.

Yêrêmi 5:12

Khân păng hŏ dun mƀăr lơi Brah Yêhôva, Jêh ri lah: “Păng mâu ƀư ôh! Mâu geh nau rêh ni jŭr ta klơ phung he, Ăt mâu geh tak đao, ji ngot ji hir ôh.

Yêrêmi 6:13

“Yorlah ntơm bơh bunuyh dŭt jê̆ tât ma nơm toyh, Lĕ rngôch kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Yêrêmi 7:4

Lơi ta rnơm nsing ôh ma lĕ nau ngơi ndơm nâm bu: “Aơ jêng ngih brah Brah Yêhôva, ngih brah Brah Yêhôva, ngih brah Brah Yêhôva!”

Yêrêmi 8:10

Yor nây, Gâp mra jao ur khân păng ăn bu êng, Mir khân păng ăn kôranh mhe; Yorlah ntơm bơh bunuyh dŭt jê̆ tât ma nơm toyh, Kơnh sa kao nau mâu di da dê; Ntơm bơh phung nơm mbơh lor tât kôranh ƀư brah, Gŭ rêh mƀruh ndơm da dê.

Êsêkiêl 22:12

Ta ntŭk may, bu dơn ndơ blŏl gay ƀư pling mham, may sŏk jêh prăk sa kao jêh ri n'hao prăk sa kao, may tŭn jot phung chiau meng gay geh ndơ jêh ri lĕ chuêl jêh Gâp, Kôranh Brah Yêhôva lah pônây.

Êsêkiêl 22:27

Phung kôranh chiă uănh ta nklang păng nâm bu so bri hêk sa mpa; khân păng knŏng ŭch ƀư pling mham, ƀư roh lơi huêng gay geh drăp ndơ mâu sŏng.

Êsêkiêl 34:2

“Hơi kon bunuyh, mbơh lor hom nau tâm rdâng đah phung rmăk leo Israel; mbơh lor hom jêh ri lah ma phung rmăk leo nây pô aơ: ‘Kôranh Brah Yêhôva lah: Rêh ni ngăn ma phung rmăk leo Israel jêng bunuyh knŏng mĭn siăm êng khân may nơm! Mâu di hĕ phung rmăk leo mra siăm phung biăp lĕ?

Ndrom Samƀŭt bơh Ôsê 4:18

Khân păng nhêt sa nhŭl hơm, Jêh nây dah ma ƀư nau ka n'hong; Khân păng ŭch ngăn nau bêk prêng rlau lơn ma nau chrêk rmah.

Ndrom Samƀŭt bơh Ôsê 4:8

Khân păng rêh bơh nau tih phung ƀon lan Gâp; Kơnh rŏng dôl phung ƀon lan Gâp ƀư tih.

Amôt 5:14

Tĭng joi hom nau ueh jêh ri lơi dĭng joi ôh nau mhĭk Gay ma khân may dơi gŭ rêh Pôri mơ Yêhôva Brah Ndu ma phung tahan mra gŭ ndrel ma khân may, Nâm bu khân may lah jêh.

Amôt 9:10

Lĕ rngôch phung tih tâm phung ƀon lan Gâp, Jêng phung lah pô aơ: ‘Nau mhĭk mâu mra ban tĭng he ôh’ Pôri khân păng mra khĭt ma đao.”

Mika 3:5

Aơ jêng nau Brah Yêhôva lah ma phung nơm mbơh lor Jêng phung ƀư vĭ nhhơt trong ma phung ƀon lan Gâp; Tơlah geh mbu ăn khân păng sa Pôri khân păng mbơh pô aơ: “Đăp mpăn!” Bi tơlah mbu mâu ăn moh ndơ lăp tâm mbung khân păng Pôri khân păng ndrăp nkra nau tâm lơh đah nơm mâu ăn ndơ sa.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.

Sôphôni 3:3

Phung kôranh tâm ƀon toyh Nâm bu yau mŭr ngrông huy; Phung kôranh phat dôih păng nâm bu so bri dôl măng, Khân păng mâu têm om ôh tât kêng ôi.

Sôphôni 3:4

Phung nơm mbơh lor păng Sưr rlau da dê, mƀruh ndơm; Phung kôranh ƀư brah păng ƀư ƀơ̆ ntŭk kloh ueh, Jêh ri ƀư kue lơi nau vay.

Malachi 1:10

Brah Yêhôva ma phung tahan lah: “Ŭch ma du huê bunuyh tâm khân may nchăng lơi lĕ rngôch mpông ngih brah gay khân may mâu mpoh ôh ŭnh dơm dam ta nơng ƀư brah Gâp.” Brah Yêhôva ma phung tahan lah: “Nuih n'hâm Gâp mâu maak ôh ma khân may, jêh ri kŏ mâu dơn đŏng bơh ti khân may du ntil ndơ ƀư brah.

Malachi 2:9

“Yor nây, Gâp ƀư ăn ma khân may plơ̆ jêng tâm rmot jêh ri bêk prêng tanăp măt lĕ rngôch bunuyh, yorlah khân may mâu djôt prăp ôh trong Gâp, ƀiălah khân may mpơl nau khân may gŭ du ding mpeh tâm nau vay.”

Nau Kơp Bunuyh 16:15

Y-Môis ji nuih ngăn jêh ri lah ma Brah Yêhôva: “Dăn Kôranh Brah lơi dơn ma ndơ ƀư brah khân păng nhhơr. Gâp mâu nhŭp du mlâm seh bri ôh tă bơh khân păng jêh ri gâp mâu mâp ƀư nau mhĭk ôh ma du huê nuyh tâm khân păng.”

Nau Kơp Bunuyh 22:7

Pôri phung kôranh bu ranh n'gor Môap jêh ri phung kôranh bu ranh n'gor Madian dâk hăn, djôt leo ndơ nhhơr ma phung n'hŭm. Khân păng tâm mâp đah Y-Balaam jêh ri nkoch tay lĕ nau ngơi Y-Balak.

Mathay 3:9

jêh ri lơi mĭn êng pô aơ: ‘Y-Abraham jêng chô yau hên’; yorlah gâp mbơh ma khân ay may gĭt pô aơ Brah Ndu klăp lah ƀư ăn lĕ grăp lŭ aơ plơ̆ jêng kon sau ma Y-Abraham.

I Timôthê 3:3

mâu vay mơng nhêt ndrănh, mâu hăt janh, ƀiălah đăp mpăn, mâu tâm lah tâm djrel, jêh ri mâu kơnh ir ma prăk.

Titus 1:11

Yor ma drăp ndơ jê̆ jănh, khân păng hŏ ƀư lĕ nau mâu dơi nti, nau ƀư rai lĕ rnăk vâl bunuyh ƀa bă.

I Pêtrôs 5:2

Chiăp hom phung biăp Brah Ndu jao jêh ma khân may, mâu di yor ma nau nchâp ôh, ƀiălah ŭch nđơr êng, mâu di yor ma drăp ndơ nkhôm mâu khlay ôh ƀiălah ma lĕ nuih n'hâm nđơr,

Yuđas 1:11

Rêh ni ngăn ma khân păng! Yorlah tĭng trong Y-Kain; yor drăp ndơ dĭng tŭp tâm nau tih Y-Balam; jêh ri geh nau roh rai yorlah nau tâm rdâng nâm bu Y-Kôrê.

I Samuel 8:3

Ƀiălah phung kon bu klâu păng mâu hăn tĭng ndô̆ ôh trong păng; khân păng hăn tĭng drăp ndơ, dơn ndơ bu blŏl, jêh ri ƀư kue đah nau sŏng.