Mika 2:8 - Nau Brah Ndu Ngơi 2023

⁸ Ƀiălah mhe aƀaơ pơ, phung ƀon lan Gâp du dâk nâm bu phung rlăng. Khân may hŏ nkhơng ma doh ao jâr Ndơ phung bunuyh hăn rgăn trong, Tâm ban nâm bunuyh plơ̆ sĭt tă hăn tâm lơh.

Mika 2:8 Iomraidhean Croise

II Samuel 20:19

Ƀon hên jêng du rplay ƀon nau đăp mpăn jêh ri răp jăp ngăn tâm phung Israel, ƀiălah may joi nau ƀư rai lơi du rplay ƀon tơm ma phung Israel! Mâm ƀư may ŭch ƀư rai drăp ndơn Brah Yêhôva?”

Nau Mprơ Ơm 55:20

Phung mhĭk yơr ti tâm rdâng đah phung bunuyh gŭ đăp mpăn ndrel ma păng; Ƀư tih đah nau khân păng tâm rnglăp jêh.

Yêrêmi 12:8

Drăp ndơn Gâp tâm rdâng đah Gâp Nâm bu yau mŭr tâm bri, Rđuh ngrông đah Gâp; Yor nây Gâp tâm rmot khân păng.

Mika 3:2

Khân may jêng phung ji nuih đah nau ueh, ŭch ma nau mhĭk; N'huk ntâu phung ƀon lan Gâp Jêh ri tah doih puăch tă bơh nting khân păng.

Mika 3:3

Khân may sa puăch phung ƀon lan Gâp, N'huk sŏk ntâu Jêh ri nchah ntĭng ƀư âk rlat jê̆ jê̆, Choh păng nâm bu choh puăch, Nâm bu puăch tâm glah ƀŭng.”

Mika 7:2

Bunuyh klach yơk hŏ roh jêh bơh neh ntu; Mâu hôm geh ôh nơm sŏng tâm phung bunuyh. Khân păng kâp rmiăt ŭch ƀư pling mham da dê; Ăp nơm sŏk nhuăl da dê nthăng ma oh nâu păng nơm.

Mika 7:3

Ti khân păng vay ƀư nau mhĭk. Kôranh chiă uănh ŭch geh drăp ndơ, Kôranh phat dôih dơn ndơ bu blŏl; Bi ma kôranh toyh nuih n'hâm bêng ma nau ŭch kơnh, Khân păng tâm nchră ndrel.