Mika 2:6 - Nau Brah Ndu Ngơi 2023

⁶ Khân păng lah pô aơ: “Khân may lơi ta mbơh lor đŏng ôh. Lơi ta mbơh lor lĕ nau pônây; Nau bêk prêng mâu ôh mra tât ma he”

Mika 2:6 Iomraidhean Croise

Nau Mprơ Ơm 74:9

Hên mâu hôm saơ lĕ nau mbên khlay, Mâu hôm geh nơm mbơh lor đŏng ôh; Jêh ri tâm phung hên mâu lĕ nơm gĭt nau aơ ndah nâm jŏ.

Êsai 29:10

Yorlah Brah Yêhôva hŏ nkhŭt brah bê̆ch hăk ma khân may; Păng hŏ nsêt jêh măt khân may jêng phung nơm mbơh lor, Păng nkŭm jêh bôk khân may, jêng phung geh nau tâm saơ.

Êsai 30:10

Khân păng lah ma phung geh nau tâm saơ: “Lơi saơ nau tâm saơ đŏng,” Jêh ri lah đah phung saơ nau tâm saơ pô aơ: “Lơi nkoch ma hên lĕ nau tâm saơ ma nau nanê̆ ngăn đŏng ôh! Ngơi hom ma hên lĕ nau ƀư maak ma tôr hên, Jêh ri nkoch hom ma hên lĕ nau mâu geh ngăn.

Êsêkiêl 21:2

“Hơi kon bunuyh, rle hom muh măt may leo rđŭng pa dâng jêh ri nti nau tâm rdâng mpeh pa dâng. Mbơh lor hom nau tâm rdâng đah bri krŏng ntŭk n'gor bri lâng Nêgep.

Êsêkiêl 3:26

Gâp mra ăn mpiăt may krêp ta rmlông trôm mbung; may mra mlo, mâu dơi nduyh khân păng ôh yorlah khân păng jêng du phung vay mơng tâm rdâng.

Amôt 2:12

“Ƀiălah khân may hŏ ăn ma phung Nasirit nhêt ndrănh Jêh ri buay phung nơm mbơh lor pô aơ: ‘Lơi khân may mbơh lor ôh!’

Amôt 7:13

Ƀiălah lơi ngơi nau mbơh lor ôh ta Bêthel yorlah păng jêng ntŭk kloh ueh ma hađăch jêh ri jêng ngih brah ma ƀon bri hađăch.”

Amôt 7:16

Aƀaơ, iăt hom nau Brah Yêhôva ngơi: May nơm lah: ‘Lơi ngơi nau mbơh lor tâm rdâng ôh ma Israel jêh ri lơi mbơh nkoch tâm rdâng ôh ma ngih Y-Isăk.’

Mika 3:6

Yor ri, nôk măng mra nkŭm tâm khân may yor nây mâu geh ôh nau tâm saơ; Nau ngo mra văch yor nây mâu geh ôh nau mbơh lor; Nar mra nhâp tâm phung mbơh lor nây Jêh ri nôk nar mra jêng ngo klĕng tâm khân păng.

Mika 6:16

Yorlah may hŏ djôt prăp jêh nau vay Y-Ômri Jêh ri hăn tĭng lĕ kan ngih Y-Ahap ƀư; May chuat hăn tâm nau khân păng nchră ndơm; Yor ri, Gâp ƀư ăn may jêng rngol, Phung ƀon lan may bu mra nsŭch, Jêh ri khân may mra anh nau prêng phung ƀon lan Gâp.

Kôranh Oh Mon 4:17

Nđâp lah kơt nĕ, gay ma nau nây mâu lư đŏng ôh tâm phung ƀon lan, ăn he buay khân păng mâu dơi ôh sŏk amoh nây nti lah ma ăp nơm đŏng.”

Kôranh Oh Mon 5:28

“Hên hŏ buay khân may ktang ngăn, mâu ăn nti lah ma amoh bunuyh nây ôh, ƀiălah aƀaơ ri khân may hŏ ƀư jêh ma ƀon Yêrusalem bêng ler nau khân may nti, khân may ŭch ăn mham Bunuyh nây nkhŭt tay ta hên!”

Kôranh Oh Mon 5:40

Khân păng kuăl tay phung kôranh oh mon lăp, đă bu dong phung nây ma mâng jêh ri buay mâu ăn nti lah tâm amoh Brah Yêsu ôh, jêh nây mƀơk bar hê khân păng.

Kôranh Oh Mon 7:51

Hơi phung bunuyh dăng ko, nuih n'hâm jêh ri tôr ê hŏ koh ntâu ri! Khân may tâm rdâng mro đah Brah Huêng Ueh. Phung chô yau khân may tâm ban ma khân may!