Mika 2:10 - Nau Brah Ndu Ngơi 2023

¹⁰ Dâk hom khân may! Hăn ro! Yorlah ta aơ mâu di ôh jêng ntŭk ma khân may gŭ rlu; Păng lĕ tă nau ƀơ̆ ƀơch njŭn leo ma nau rai yot Jêh ri mra geh nau rai yot nđêh nji ngăn ngên.

Mika 2:10 Iomraidhean Croise

I Phung Hađăch 9:7

nôk nây Gâp mra mprơh phung Israel du luh bơh neh Gâp hŏ ăn jêh ma khân păng. Bi ngih brah Gâp hŏ prăp êng jêng kloh ueh ma amoh Gâp, Gâp mra mƀăr lơi ngih luh bơh măt Gâp; jêh ri phung Israel mra jêng du bôk nau mprĭng ma lĕ rngôch phung ƀon lan ngơi hôr jêh ri gơm mpray.

II Phung Hađăch 15:29

Tâm rnôk rô̆ Y-Pêka, hađăch Israel chiă uănh, geh Y-Tiglat-Pilêser, hađăch Asiri, văch tât pit sŏk Ijôn, Abel-Bet-Maka, Janôa, Kêdês, Hasôr, n'gor Gilêat, n'gor Galilê, jêh ri lĕ n'gor neh Naptali. Jêh nây păng nhŭp phung ƀon lan tâm lĕ n'gor nây njŭn leo tât ta n'gor Asiri.

II Phung Hađăch 17:6

Tâm năm rơh sĭn rnôk rô̆ Y-Hôsêa chiă uănh, hađăch Asiri sŏk ƀon Samari jêh ri veng leo phung ƀon lan Israel rlet ma Asiri. Hađăch ăn ma khân păng gŭ tâm ƀon Hala, ta kơh dak krong Habôr n'gor Gôsan jêh ri tâm lĕ ƀon bri dak phung Mêdơ.

II Nau Rêh Jêng 7:20

nôk nây Gâp mra rôk lơi khân may luh du bơh bri Gâp hŏ ăn jêh ma khân may. Bi ma ngih brah Gâp hŏ ƀư kloh ueh ma amoh Gâp, Gâp mra mƀăr lơi păng bơh Gâp, jêh ri mra ăn păng jêng du bôk nau mprĭng ma lĕ rngôch phung ƀon lan ngơi hôr juar jêh ri gơm mpray.

Nau Mprơ Ơm 106:38

Khân păng ƀư nkhŭt mham mâu geh tih, Nây jêng mham kon bu klâu kon bu ur khân păng Gay ƀư brah ma rup brah n'gor bri Kanaan, Ăn n'gor bri jêng ƀơ̆ ƀơch yor mham nây.

Nau Mprơ Ơm 95:11

Yor nây, Gâp ji nuih ton pô aơ: “Khân păng mâu mra lăp tâm nau Gâp rlu ôh.”

Yêrêmi 10:18

Yorlah Brah Yêhôva lah pô aơ: “Ri, tơ̆ aơ Gâp mra mƀăr lơi bunuyh ƀon lan tâm neh aơ hăn ngai, Gâp mra ăn khân păng rêh ni, Gay khân păng kah gĭt.”

Yêrêmi 3:2

N'gơr hom măt uănh ma yôk hil! Geh lĕ ntŭk may mâu bê̆ch ndrel đah bu êng? May hŏ gŭ meng trong gay kâp nơm rŏng, Nâm bu phung Arabi tâm bri rdah. May hŏ ƀư ƀơ̆ ƀơch neh aơ Đah lĕ nau văng tĭr tih mhĭk ngăn.

Yêrêmi 9:19

Yorlah geh nau nhĭm vơl bơh ma ƀon Siôn pô aơ: ‘Hên lĕ rai jêh! Hên prêng hâu ngăn yơh! Yorlah hên hŏ chalơi ntŭk gŭ; Ngih vâl hên bu hŏ ƀư rai jêh!’”

Êsêkiêl 36:17

“Hơi kon bunuyh, tơlah ngih Israel gŭ jêh tâm bri khân păng nơm, khân păng hŏ ƀư ƀơ̆ ƀơch bri nây yor tă trong hăn jêh ri kan khân păng nơm ƀư. Trong khân păng gŭ ngao panăp măt Gâp jêng nâm bu nau ƀơ̆ ƀơch bơh du huê bu ur rnôk păng geh săk bu ur.

Êsêkiêl 36:19

Gâp hŏ ƀư nchah rai nhhơt jêh khân păng tâm phung ƀon lan jêh ri khân păng lĕ pru pra lam bri dak êng; Gâp hŏ phat dôih khân păng tĭng trong jêh ri kan khân păng pah.

Nau Vay Nkah Tay 12:9

yorlah khân may ê hŏ lăp ôh ma ntŭk nau rlu jêh ri ê hŏ dơi dơn drăp ndơn Yêhôva Brah Ndu ăn ma khân may.

Nau Vay Nkah Tay 30:18

gâp mbơh ma khân may nar aơ, khân may n'hêl nanê̆ mra rai lôch, mâu dơi ôh rêh jŏ năm tâm n'gor khân may mra rgăn dak krong Yurdan gay sŏk dơn.

Nau Vay Nkah Tay 4:26

pôri nar aơ gâp kuăl trôk jêh ri neh ntu gay mbơh pô aơ, khân may mra gơnh roh lĕ bơh n'gor khân may bơi dơn jêng drăp ndơn đah ri dak krong Yurdan; khân may mâu mra dơi gŭ jŏ ta nây ôh ƀiălah bu mra nkhĭt khân may lĕ ƀhiau.