Mika 1:9 - Nau Brah Ndu Ngơi 2023

⁹ Yorlah ntŭk têl rmanh păng mâu dơi bah ôh; Păng trêng tât n'gor Yuđa tâm ban lĕ, Tât ta mpông pêr mpôl băl gâp, Nây jêng tât ƀon Yêrusalem.

Mika 1:9 Iomraidhean Croise

Êsai 3:26

Lĕ mpông pêr Siôn mra nhĭm nhhiăng jêh ri ndrê klâng; Khân păng mra gŭ tâm bri rngol.

Êsai 36:1

Tâm năm jât ma puăn ngih hađăch Hêsêkia chiă uănh, geh Y-Sênakêrip, hađăch Asiri, hao văch tâm lơh jêh ri pit sŏk ma lĕ rngôch ƀon nâp geh pôih tâm n'gor Yuđa.

Êsai 36:2

Hađăch bri Asiri njuăl Rabshakeh bơh Lakis tât ta Yêrusalem đah du phung tahan âk gay nkrit nhhu hađăch Hêsêkia. Rabshakeh gŭ nsrâng ta rmlông dak nglao pa lơ, ta trong toyh tât ta mir phung ƀư kloh bok.

Yêrêmi 15:18

Mâm nau ji gâp mâu rlu, Sôt rmanh gâp mâu dơi săm Jêh ri mâu ŭch bah? Di lĕ ma gâp, May nâm bu dak n'hor mƀruh nchơt, Nâm bu n'hor dak lĕ suăt dak tu hĕ?

Yêrêmi 46:11

Ơ bu ur druh, kon bu ur bri Êjipt! Hăn hao hom ma bri Gilêat, jêh ri sŏk ntăk si ƀâu kah; Khân ay dŏng âk ntil dak si kŏ mâu khlay lĕ, Mâu geh nau ƀư bah ma khân ay ôh!

Mika 1:12

Phung gŭ ta ƀon Marôt ƀrơn nuih n'hâm Dôl kâp gân nau ueh, Yorlah nau rêh ni jŭr tă bơh Brah Yêhôva Hŏ tât ta mpông ƀon Yêrusalem.

Mika 6:13

Yor nây, Gâp dong may, ƀư ăn sôt rmanh jru Jêh ri gay ƀư ma may jêng rngol yor nau tih may.

Nahum 3:19

Sôt rmanh may mâu geh ôh dak si ƀư bah, Sôt rmanh may dŭt glăm ngăn. Lĕ rngôch phung tăng nau nkoch ma may bu tap ti da dê, Yorlah mbu nơm dơi klaih tă bơh nau may chiă uănh ƀư djơh mro?